«ҚАЗАҚ ЕЛІ» халықтық бейнелі энциклопедиясы » Әуезов ауданы әкімшілігі. Алматы.

МЕМЛЕКЕТТІК ТІЛДІҢ 20- жылдық ТОЙЫ ҚАРСАҢЫНДА ! ҚР Премьер-министрі К.Қ.Мәсімовке А Ш Ы Қ Х А Т

admin — Mon, 07 Sep 2009 03:55:48 +0000

МЕМЛЕКЕТТІК ТІЛДІҢ 20- жылдық ТОЙЫ ҚАРСАҢЫНДА

ҚР Премьер-министрі К.Қ.Мәсімовке

А Ш Ы Қ Х А Т

Құрметті Премьер мырза!

Сізге Ұлттық қауіпсіздіктің басты саласының бірі ретінде электрондық бұқаралық ақпарат құралы жөнінде хабарласуды жөн көрдік. Өйткені, бұл салада біршама мәселелер қордаланып қалғандықтан, оның кесірі Ұлттық қауіпсіздікке тиетіні байқала бастады. Бұл жәйт, әсіресе, жекеменшік радиотолқындар мен телеарналарға тән болып отыр.
Жалпы, алғанда қазақтілді ақпарат тұтынушылары мен журналистерін Қазақстанда екінші қатардағы топ ретінде қабылдау әбден орныққан құбылысқа айналуда. Былтыр ғана қазақтілді жалғыз «Спорт айдыны» газетінің жабылып қалып, өзіңіздің араласуыңызбен қайта шығарудың қолға алынғаны есіңізде болар. Мұндай мысалдың сан алуан көріністері мен жалғасын жекеменшік радио-телекомпаниялардың әрекеттері мен өнімдерінен көріп отырмыз. Солардың кейбіріне тоқталсақ.

Бірінші. Үш жыл бұрын «Астана» телеарнасы қазақтілді өнімдерді жансыз аудармаға өткізу арқылы қазақ көрермендерін менсінбегені өз алдына, оның кесіріне қарсы болған белді журналистерді қудалап шығарып жіберді де, телеарнадағы орныққан қазақы телеөнім шығаруға бейім ортаны қуыршақ топқа айналдырды.

Екінші. Қазақстан егемен ел болғалы қалыптасқан жекеменшік санаулы телеарналардың бірі «31 арна» ресейлік ТНТ медиатобына сатылып, шетелдік ақпарат тарату көзінің елдің Ақпарат кеңістігіне емін-еркін кіруіне жағдай жасалды. Сөйтіп, халықтың ақпарат тұтыну қабілеті шетелдік идеологияға көзбе көз бет бұрды.

Үшінші. Астаналық жекеменшік «Эра» телеарнасы республикалық ауқымға көшкелі жылға жуықтады. Бірақ тиісті әлеуеті талапқа сай болмағандықтан, бұл телерна республикалық ақпарат тарату құқығын ойыншыққа айналдырып отыр: әлі күнге жаңалық хабарларынан басқа көрермен тұшынатын өзінің жеке өнімін бере алмай, халықты арзан, сапасыз эфир өнімдерімен, аудармамен алдап келеді.

Бұл аталған үш жайттың өзі Қазақстандағы ақпарат кеңістігінің иесіз қалғандығын көрсетіп отыр. Қазақстан халқы сырттан келетін ақпаратты талғамай жұтатын, таңдамай қабылдайтын идеологиялық мутантқа айналу үстінде. Кез келген тәуелсіз елге тән ақпараттық қауіпсіздік саясаты бізде байқалмайды. Әлі күнге елдің ақпарат кеңістігін қорғауға бағытталған құзырлы құжат жоқ. Қазақстанның электрондық БАҚ саласын дамытудың қарымды шаралары белгіленбеген. Бұған жауапты тиісті органның немен айналысып отырғаны беймәлім.
Соның нәтижесінде, елдің телеарналары түгелімен тоқырау үстінде. Бұрынғы өрлеген биіктен де айырылып қалғандай ахуал орнап отыр. Аталмыш салада дамудың орнына өзгені көзсіз, мазмұнсыз көшіру мен көрерменді алдаусырату, құқығын аяққа басу орын алған. Бұл ахуалға сауатты түрде мониторинг жасау жүйесінің де жоқтығын қосыңыз.

Телеэкрандағы тіл мәдениеті мен сауат, дикциялық айтылым сын көтермейді; дикторлар мен комментаторлар, журналистердің басым көпшілігі белгілі дайындық сатысынан өтпеген, тәжірибесі іріктелместан, талап қойылмастан экранға шығуда; мұндай өнімдер көрермен талғамын төмендетіп, оларды отандық телебағдарламалардан жирендіруде. Өкінішке орай, көп жағдайда электрондық БАҚтарға іштей мәдениеті мен рухани деңгейі бар, сауаты жоғары мамандар емес, керісінше, тұлғалық жағынан қалыптаспаған, айдағанға жүретін, өз пікірі мен халыққа берері аз шикі жандар ғана тартылады. Нәтижесінде ел көрермені отандық сапасыз электрондық ақпарат өнімдерін тұтынудан бас тартып, «халықаралық» тұтынушы болуға мәжбүр.
Биылғы халық санағының нәтижесін өзіңіз сүйінші сұрағандай етіп, қазақ халқы санының үлесі 67% екенін жеткізгеніңіз сезімді ғана марқайтқан жоқ, сонымен бірге елдегі руханият пен ақпарат әлеміне деген шұғыл өзгерістің болатындығына үмітімізді жандырды.
Алайда, мемлекет құраушы саны мен сапасы өскен сол ұлттың ақпараттық рухани сұранысы қалай қанағаттандырылуда? Бұл жағдайдың шетелдегі қандастарымыздың деңгейінен де төмен екені неге сөз жүзінде ғана қалып отыр? Өз жерінде 70 пайызға жеткен қазақ халқы теледидардан өзінің рухани-мәдени құндылығын емін-еркін тұшына алмауда. Бір де бір телеарна бүгінде қазақ халқының бай ән-жыр мұрасын және ұлттық болмысымызды заманға сай жаңғыртатын қоғамдық-саяси бағдарламаларды тәулік бойы көрсете алмауда. Күй, терме, жыр секілді мыңдаған жылдар бойы ұлтты қалыптастырған рухани мұраның ең болмаса радиотолқыннан жүйелі естілмей, телеэкраннан көрсетілмеуі халықты өз тамырынан ажырата түсетін факторға айналуда.
Қазақ тіліндегі телеөнімдердің басты сипаты аударма болып табылады: жаңалықтар да, публицистикалық көрсетімдер де осыған негізделген; ал деректі және көркем фильмдер өзгенің тұрпайы аудармасы күйінде қалып, дубляждық қызметтен құралақан қалуда. Бұл – аударма өнімге деген сәйкес талаптың жоқтығынан, ерінбегендерді аудармалық телеөніммен айналысуға бетімен жіберілгендігінен.

Жекеменшік ЭБАҚтарда қазақтілді өнімдерге деген екінші пландық көзқарас толық орныққан. Оның нәтижесі қайдан шығып отыр? Отандық кадрлар ығысып, олардың орындарын шетелдік азаматтар еркін түрде иеленуде. Мысалы, ЭРА телеарнасында ресейлік продюссерлер қызмет етіп жүргені жасырын емес. Сонда жасақталғанына елу жылдан асқан Қазақ телевидениесі осы жылдар ішінде ешкімді тәрбиелемегені ме? Біреуге қарау, біреуді ғана үлгі ету біздің маңдайымызға жазылған ба?! Неге қазақтілді продюссерлерге сұраныс пен құрмет жоқ? Өйткені, қоғамда бұл топқа сондай көзқарас пен ахуал орнығып отыр. Ондай кесір қасаңдықты бұзатын мемлекеттік саясат емес пе?! Ол қайда?
Әлгі ЭРА телеарнасы сонау мәскеулік жұлдызшы Глобтан басқа әлемнен көрнекті адам таба алмады ма? Ол осыдан үш жылдай бұрын АсТВ арнасынан дәл солай сайрап, қыруар гонорар алып тұрғандығы бүгінде аңызға айналған жайт. Ондай таптаурынмен, біздің телеарналар нені көздеп отыр? Керісінше, сол арнада көрнекті тұлғаларын қазақ көрермені көре алмай, қалыптасқан, орныққан өнімдері мен өнерін қызықтай алмай қор болуда! Қазақ көрермені тек қана өгей өнімді тұтынуға мәжбүр етілуде. Мұның артында қазақ тележурналистикасы дамымасын, мамандары кері кетіп, телеарналар ол жағынан тәуелді күй кешсін деген қитұрқы саясат жоқ емес пе?! Осының бәрі неге назарға алынбайды?
Аталмыш жекеменшік радио-телеарналардағы отандық мамандардың күйі жаңағыдай болса, оның ішіндегі қазақтілді мамандардың жағдайы тіпті, мүшкіл: олар эфирде ғана қазақша сөйлеп, былайғы кезде орыс тілінің толық құзырында тіршілік кешуге көндірілген. Лездемелердің барлығы, әкімшілік қатынастың бәрі тек қана Ресейдің мемлекеттік тілінде жүзеге асатыны тағы шындық. Бұған басты тетік: шешуші лауазымдарда өңкей орыстілді азаматтардың отырып алуында, ал қазақтілді мамандар мен журналистер орынбасарлық орында, бағынышты ахуалда. Ал, ақпараттың тетігі болып табылатын бұл салада мемлекеттік тілге деген құрмет атымен жоқ, тіпті, қазақтың бір сөзін дұрыс айта алмайтындар диктор болып жүруге қандай негіз бар? Нәтижесінде қазақтілді журналистер өз елінде шешуші рөлде емес, екінші сұрыпты адамдардың күйін кешуде. Режиссер, видеоинженер, оператор секілді техникалық мамандар орыстілділердің қолымен жүзеге асу толық қалыптасқан. Сонда қазақтілді маманға бұл елде не істеу қалды?! Тіпті, бізге жеткен кейбір ақпаратқа қарағанда, қазақтілді азаматтардың азаматтық-моральдық құқықтары аяққа басылуда. Мысалы, аталған телеарналарда орамал тартатын қыз-келіншектер моральдық қысымға ұшырап жүргендігі мәлім болуда. Бұл жекелеген адам құқығы болғанымен, сайып келгенде қазақ этносының құндылықтарын таптау көрінісі болып табылады. Бұл бізді туып, өсірген орамалды аналарымыздан бас тартумен бірдей акция! Нағыз саяси бағасы – моральдық бейбастақтық!
Жалпы саралай қарағанда, қазақстандық радиотолқындар мен телеарналардың бір де бірі 24 сағаттық көрсетім тәулігін өз өнімдерімен игере алмай отыр. Оның бір себебі, төл өнімдерінің жұтаңдығы, өнім шығаруға қабылетсіздік болса, ал оның арғы түбінде халықтың, көрерменнің қажетіне жарайтын өнімдерге деген талаптың жоқтығы қылаң береді.
Біздің ойымызша, елдің электрондық БАҚ саясатына деген мемлекеттік назарды қайта қарау керек. Сізден оны түбірімен халықтық, мемлекеттік, тұтынушылық тұрпатқа түсетіндей маңызды қадамдар күтеміз. Бұл жерде, нарық талабымен бірге есепке алынбай отырған ұлттық құндылық мәселесін қатар қоятын мезгіл жетті.

«Мемлекеттік тіл» қоғамдық қозғалысы.
«Алаш үні» қоғамдық бірлестіктер Одағы.
«Ұлт тағдыры» Республикалық қоғамдық қозғалысы.

ҚР мемлекеттік тілінің атасы ақын Мұхтар Шаханов 07 09 09 жыл

Премьер К Масимовке АШЫҚ ХАТ Совет Хан Ғаббасов 07 09 09 жыл

Мемлекеттік қазақ тілі туралы арнайы Заң қажет Дос Көшім

Мемлекеттік тілді қолдау акциясына дайындық күндері.

Қазақ Елінің мемлекеттік музейінде

Ұлттық мәдениет, тіл туралы Ел ағаларының ойлары(бейнесюжеттер)

Бейнесюжеттерді көру үшін төменгі сілтемелерді басыңыз:

Фарабитанушы ғұлама Балтабай Қабылан ҚАЗАҚ ҮНІ хақында
Фарабитанушы Балтабай Қабылан қазақ ҮНІ мен өнері туралы

ҚР Конституциясы күніне арналған «АТА ЗАҢЫМЫЗ-АБЫРОЙ; ДӘСТҮР; АРЫМЫЗ!» атты кештен бейнелі көріністер.

admin — Sat, 29 Aug 2009 11:55:32 +0000

Арнайы www.internetTV.kz үшін Болат Нәукенұлы.
Қазақ Елі, 29 тамыз 2009 жыл.

Мемлекеттик Тудын авторы Шакен Ниязбеков

2009 жылдың тамыз айының 26 жұлдызында Қазақстан жазушылары кітапханасының оқу залында, оқырмандарға мемлекет пен құқықтың даму тарихын, бостандық пен әділдіктің, заң мен заңдылықтың, қоғамдық және мемлекеттік құрылыстың, адамдардың құқы мен бостандығын, билік пен жеке адамдардың өзара қарым-қатынасы мен олардың формалары мен қағидалары туралы терең де зерделі білулеріне арналған шығармаларды насихаттау мақсатында және ҚР Конситуциясы күніне арналған «Ата заңымыз — Абырой; дәстүр; Арымыз!» атты кеш болып өтті.

Кешке ақын-жазушылар, оқу орындарының мамандары, студенттер, оқушылар,Әуезов ауданы тұрғындары мен қатар «Алаш үні» қоғамдық бірлестіктер Одағының мүшелері қатысты.

Бейнесюжеттерді көру үшін төменгі сілтемелерді басыңыз:
Конституция күні Әуезов ауданы әкімі орынбасары Абзал Нүкенов
Конституция күні Тарих ғылымының докторы Әзімбай Ғали
Конституция күні Мемлекеттік Тудың авторы Шакен Ниязбеков
Конституция күні ашылған кітап көрмесі Елена Жамелқызы Ағайса
Конституция күніне арналған кештен көріністер Алматы Әуезов ауд
Конституция күні Дәурен Махсұтханұлы Мұхаметжанов 26 08 09

БАРШАҒА ҚҰШАҚ ЖАЙҒАН ҚАЗАҚ ҰЛТЫ немесе МЕМЛЕКЕТТІК ТІЛДІ МЕНСІНБЕЙТІН ДИАСПОРАЛАР (бейнесюжеттер)

admin — Sun, 14 Jun 2009 04:25:49 +0000

Арнайы www.internetTV.kz үшін Болат Нәукенұлы.
Қазақ Елі, 12 маусым 2009 жыл.

2009 жылғы 12 маусым күні Алматы экономика және статистика академиясының мәжіліс залында Әуезов ауданы әкім аппаратының Мәдениет және тілдерді дамыту бөлімінің ұйымдастыруымен «Мектепке дейінгі және мектеп жасындағы балалар арасында қазақ тілі қолданысын кеңейту мәселелері» атты Әуезов аудандық қазақ тілі мамандарының Тіл Форумы өтті.

Әуезов ауданында үшінші рет ұйымдастырылып отырған шараның мақсаты:
2009-2010 оқу жылындағы мектепке дейінгі және мектеп жасындағы балалар арасындағы мекемелерде қазақ тілі пәнінің ахуалын, жалпы білім беру мекемелеріндегі қазақ тілі пәнінің сапасын арттыру, қосымша әдістемелік құралдар мен тәсілдерді кеңінен пайдалануға бағыттау.

Форумда Әуезов аудандық «Қазақ тілі» қоғамы» қоғамдық бірлестігінің 14 орыс және аралас мектептеріндегі қазақ тілін меңгеру сапасын анықтау мақсатында жүргізген тест қорытындысы жарияланды.
Сонымен қатар, ауданда өткен «Үздік аудармашы» бақылауының жеңімпаздарына аудан әкімінің алғыс хаттары тапсырылды.

Аудандық қазақ тілі форумына Алматы қалалық Тіл басқармасының өкілдері, аудандық білім беру мекемелерінің, балабақшалардағы қазақ тілі пәнінің мамандары, жоғары және арнайы орта оқу орындарының қазақ тілі мамандары және «Халық үні» қоғамдық бірлестіктер Одағының өкілдері қатысты.

Өкінішке орай арнайы шақырылған диаспоралардың мәдени орталықтары жетекшілерінің бірде бірі ( Асылы Османқызынан басқа) қара көрсетпеді.

Бейнесюжеттерді көру үшін төменгі сілтемелерді басыңыз:
АЛАҚАЙ компьютерлік ойын топтамасын таныстыру

Тіл форумы Асылы Осман Алматы 12 06 09
Тіл форумы А Нүкеновтің сөзі Алматы 12 06 09
Тіл форумы Бала бақшадағы тәрбие
ТІЛ ФОРУМЫ Көшербаев Әлжанбектің сөзі ТІЛ журналының редакторы
ТІЛ ФОРУМЫ Домбай Нұрперзенттің сөзі Алматы 12 06 09 жыл
ТІЛ ФОРУМЫ Сайраш Әбішқызының сөзі Алматы 12 06 09 жыл
Тіл форумы 104 мектеп ұстазы Нақыпова Марияш
ТІЛ ФОРУМЫ Алматы тіл дамыту басқармасынан Күләш Есеналиева
Тіл форумы 5 мектеп гимназия Ауғанбаева Айжан
Тіл форумы Мерке ауданындағы тіл ахуалы Зерттеу
ТІЛ ФОРУМЫ Қатысушылардың жеке пікірлері Алматы 12 06 09 жыл

ҚАЗАҚ ПОЭЗИЯСЫНА ҚҰШТАРЛЫҚ немесе ЖАСТАР ЕГЕМЕНДІКТІҢ ЖЕМІСТЕРІНЕН НӘР АЛУДА (бейнесюжеттер)

admin — Sat, 13 Jun 2009 10:58:14 +0000

Арнайы www.internetTV.kz үшін Болат Нәукенұлы.
Қазақ Елі, 11 маусым 2009 жыл.

2009 жылдың 10 маусым күні Алматы энергетика және электронды технологиялар колледжінде «Қазақ поэзиясы» кеші болып өтті.

Ауданның белсенді студент жастары ұйымдастырған бұл кешке Әуезов ауданы әкімінің орынбасары Абзал Нүкенов, қазақтың танымал ақындары Мұхтар Шаханов, Исраил Сапарбай және «Халық үні» қоғамдық бірлестіктер Одағының өкілдері қатысты.

Алматы қаласы Әуезов ауданы тұрғындары өмірінің бір күні (бейнесюжеттер)

admin — Fri, 05 Jun 2009 12:23:57 +0000

Арнайы www.internetTV.kz үшін Болат Нәукенұлы.
Қазақ Елі, 5 маусым 2009 жыл.

2009 жылдың 5 маусымында Н.Сац атындағы балалар мен жасөспірімдерге арналған Мемлекеттік Академиялық орыс театыры ғимаратының алдында студенттік құрылыс отрядының сарбаздарын құрылыс нысандарына салтанатты түрде шығарып салу рәсімі өтті.

Аталмыш шараға аудан аумағында орналасқан 6 жоғары оқу орындарының және 18 арнайы орта кәсіптік оқу орындарының 300-ге жуық студенттері қатысты. Студенттік құрылыс отрядының негізгі бөлігі өз жатақханаларына құрылыстық-жөндеу жұмыстарын жүргізеді.

Әуезов аудандық студенттік құрылыс жасағының штабы 2005 жылы Алматы қаласы әкімшілігінің Қаулысына сәйкес жастар саясатын дамыту мемлекеттік қорымен құрылған Алматы қалалық студенттік құрылыс отрядының құрамына кіреді және жазғы каникул кезінде құрылыс жұмыстарына қатысуға қызығушылық танытатын, Алматы қаласы Әуезов ауданының ерікті негізіндегі жоғарғы оқу орындары мен арнайы оқу орындарының студенттерін біріктіреді.

Салтанатты шараға Әуезов ауданының әкімі, «Нұр Отан» ХДП аудандық филиалының төрағасы Әділ Несіпбаев, ақсақалдар атынан зейнеткер Жолсейіт Мезгілбай, аудандық «Жас Отан» жастар қанатының төрағасы, аудандық студенттер құрылыс жасағының капитаны Біржан Өтебаев, аудан жастары және «Халық үні» қоғамдық бірлестіктер одағы өкілдері қатысты.

Бейнесюжеттерді көру үшін төменгі сілтемелерді басыңыз:

Жастардың құрылыс жасағы Әділ Несіпбаевтың сөзі 05 06 09 жыл
Студенттік құрылыс жасағы жиыны Жолсейіт Мезгілбай ағаның сөзі
Әділ Несіпбаев озат студенттерді марапаттауда Алматы 05 06 09
Студенттерді жұмысқа қамту туралы Әділ Несіпбаев Алматы 05 06 09
Студенттік құрылыс жасағының жетекшісі Біржан Өтебаев Алматы
Жиын соңындағы концерттен көріністер 5 маусым 2009 жыл

Алматыдағы қазақ бала бақшалары мәселесі 4 маусым 2009 жыл
менин Республикам
Алматыдағы Орыс мемлекеттік театры
video Рамазан Жашиев

Бүгін – Қазақ Елі мемлекеттік рәміздері күні (бейнесюжеттер)

admin — Thu, 04 Jun 2009 05:11:57 +0000

Арнайы www.internetTV.kz үшін Болат Нәукенұлы.
Қазақ Елі, 3 маусым 2009 жыл.

Қазақ Елі мемлекеттік рәміздері күні қарсаңында Алматы энергетика және электронды аспаптар колледжінде жастардың Қазақстан Республикасы мемлекеттік рәміздерінің авторларымен кездесуі өтті.

Кездесуге Мемлекеттік Тудың авторы — Шәкен Ниязбеков, Әнұран авторы Шәмші Қалдаяқовтың жұбайы — Ж.Қалдаяқова, Қазақ Елінің атақты палуаны — Әбілсейіт Айханов, «Аллажар-қолдау» қоғамдық қорының президенті Марат Бөтеев, Әуезов ауданы әкімшілігінің өкілдері, «Халық үні» қоғамдық бірлестіктер Одағының өкілдері және ауданның белсенді студент жастары қатысты.

Кездесуді ұйымдастырушылар:
Әуезов ауданы әкімшілігі, колледж ұжымы және «Аллажар-қолдау» қоғамдық қоры.

Бейнесюжеттерді көру үшін төменгі сілтемелерді басыңыз:
Мемлекеттік рәміздер күні Абзал Нүкенов
Рәміздер күні Шәкен Ниязбековпен сұхбат Алматы 03 06 09 жыл
Мемлекеттік рәміздер күні Әбілсейіт Айханов 03 06 09 жыл
Мемлекеттік рәміздер күні Жәмилә Қалдаяқова 03 06 09 жыл
Рәміздер күніне арналған жиын Шәкен Ниязбековтың сөзі
Қазақ күресінің батыры Әбілсейіт Айханов студентермен кездесуде
Қазақ өз аты жөнін қашан дұрыс жазады Ә Айханов, Ш Ниязбеков

Сәбилер әнұран айтуда, ендеше Қазақ Елі мәңгі жасайды!!!

Рәміздер күні СЕРІЛЕР ТОБЫ концерті Алматы 03 06 09 жыл

Қазақ тарихының азалы кезеңдерін еске алу (бейнесюжеттер)

admin — Thu, 28 May 2009 12:32:19 +0000

Арнайы www.internetTV.kz үшін Болат Нәукенұлы.
Қазақ Елі, 27 мамыр 2009 жыл.

2009 жылдың мамыр айының 27-ші жұлдызында Қазақстан жазушылары кітапханасында « Азалы тарихқа айрықша тағзым » атты саяси қуғын-сүргіндер құрбандарын еске түсіру күніне арналған және ұлттық сананы жаңғыртуға бағытталған мәдени шара болып өтті.

Мақсаты: Азалы тарихымызға бас ие отырып, құрбан болған аяулы азаматтар рухына тағызым етіп, өткенімізге сауап, өткелімізге салауат айту парызымыз дегенмен, осы азалы тарихымызға жастардың бей-жай қарамауына тәрбиелеу.
Қазақтың басына түскен сұрапыл зұлматтың зардабы мен салдары қандайлық болғандығын еске түсіріп, сол жылдардың құрбандары туралы ұрпағына білгізіп отыратын, танытатын, осы нәубет жайлы жазылған шығармаларды болашақ жас ұрпаққа насихаттау.

Мәдени шараның қонақтары: Демограф-ғалым, саясаттану ғылымының докторы, профессор, Орта Азиялық Университеттің ректоры – Тәтімов Мақаш Байғалиұлы, Ғалым, тарих ғылымының докторы, профессор, «Ұлттық саяси элита» кітабының авторы — Мәмбет Қойгелдиев; С. Сейфуллиннің қызы — Сейфуллина Рымжан Мажитқызы; Ғылым докторы, профессор, академик — Құсайынов Қарттық, Ақын, Қазақстан Жазушылар Одағы басқарма төрағасының бірінші орынбасары — Ғалым Жайлыбай; Қазақстан Республикасында жаппай саяси қуғын-сүргінге ұшырағандар қауымдастығының төрағасы — Жұмабек Ашуұлы; «Тауқымет пен тағзым» кітабын құрастырушы — Болатбек Төлепберген.
Аталмыш мәдени шараға қалалық және Әуезов ауданы әкімшілігінің өкілдері, «Халық үні» қоғамдық бірлестіктер Одағының өкілдері, Саяси қуғын-сүргіндер құрбандары мұражайының өкілдері, ақын-жазушылар, №86,56 оқушылары, Ж. Елебеков атындағы эстрада-цирк, энергетика және электронды технологиялар колледжінің студенттері қатысты.

Шара аясында тарихшы ғалымдар баяндамасы, алаш арыстарының өлеңдері оқылып, ән-күйлер орындалды.

Бейнесюжеттерді көру үшін төменгі сілтемелерді басыңыз:
Саяси қуғын сүргін құрбандарын еске алу Рымжан Сейфуллина
АЗАЛЫ ТАРИХҚА АЙРЫҚША ТАҒЗЫМ Мәмбет Қойгелдиев 27 05 09 жыл
Қазақ тарихының азалы кезеңі Жұмабек Ашуұлы
Қазақ тарихының азалы кезеңі Құсайынов Қарттық
Қазақ тарихының азалы кезеңі Ғалым Жайлыбай
Қазақ тарихының азалы кезеңі Болатбек Төлепберген
Қазақ тарихының азалы кезеңі Абзал Нүкенов
Қазақ тарихының азалы кезеңі М Тәтімов
Азалы күнді еске алу кеші
Азалы күнді еске алу кеші 1

Ұлттық ойлау қабілеті жаңғырған жас ұрпақ өсіру ушiн жанталас. (бейнесюжеттер)

admin — Sun, 03 May 2009 08:48:29 +0000

Арнайы www.internetTV.kz үшін Болат Нәукенұлы.
Қазақ Елі, 2 мамыр 2009 жыл.

2009 жылғы 30 сәуірде Н.Сац атындағы Мемлекеттік академиялық жасөспірімдер театрында
Алматы қаласы әкімінің орынбасары С.Т.Сейдумановтың қатысуымен «Әділет бәйгесі» атты патриоттық-құқықтық марафонының финалдық сайысы өтті.
2007 жылдан бастап Әуезов ауданы әкімдігінің ұйымдастыруымен, мектеп оқушыларының арасында аталмыш марафон тұрақты түрде өткізіліп келеді.
Марафонның негізгі мақсаты — мектеп қабырғасындағы жасөспірімдердің құқықтық білімін тереңдетіп, патриоттық тәрбие беруге, қоғам алдындағы жауапкершілікті арттыру. Сондай-ақ, мектеп инспекторлары мен тәрбие ісі жөніндегі орынбасарларының кәсіби біліктілігі мен деңгейін көтеруге бағытталған.
Қалыптасқан дәстүрге сай, 2009 жылы ауданның 32 мектеп командалары қатысып, жалпы саны 36 925 оқушыны қамтыған «Әділет бәйгесінің» финалдық сайысына 7 команда қатысты: 104 орта мектебінен — «Самұрық», 13 мектеп-гимназиясынан — «Азамат», 86 мектеп-гимназиясынан — «Қазақ», 27 гимназиясынан — «Дотошный потребитель», 130 гимназиясынан — «Контраст», 116 орта мектебінен — «Кодекс жизни», 155 орта мектебінен — «Фемида».
Аталған шараға қосымша, театр фоесінде тақырыпқа сай көрме ұйымдастырылды.
Аудандық құқық қорғау органдарының мәліметтері бойынша «Әділет бәйгесі» марафоны өткізілген жылдары жасөспірімдер арасындағы құқық бұзушылық біршама азаюына қол жетіп отыр. Жалпы жастардың арасында осындай шаралардың ұйымдастырылуы құқықтық сауаттылығын арттырып, патриоттық сезімін дамыта түсуіне мүмкіндік беруде.

Қазақстан Жазушылары кітапханасында өткен мерекелік концерт.(бейнесюжеттер)

admin — Sat, 21 Mar 2009 14:02:02 +0000

2009 жылдың наурыз айының 18-ші жұлдызында сағат 11.00-де Алматы қаласының Әуезов ауданында орналасқан Қазақстан жазушылары кітапханасының оқу залында « Ұлыстың ұлы күні — Наурыз» атты мерекелік концерт өтті.

Шара аясында: Қазақстанның халық жазушысы, Мемлекеттік тіл қоғамдық қозғалысының төрағасы, Республикалық «Жалын» журналының бас редакторы Мұхтар Шаханов, Алматы қаласы мәдениет басқармасының бастығы Абдрахманов Ержан Ахметұлы, Ақын, Жазушылар одағының мүшесі Ибрагим Исаев, Әуезов ауданы әкімінің орынбасары Нүкенов Абзал Нүкенұлы, Орталықтандырылған кітапханалар жүйесінің директоры Қабиева Роза Қасымбекқызы, қалалық және Әуезов аудан әкімшілігінің өкілдері, ақын- жазушылар, № 86, 72, 13 мектеп оқушылары мен мұғалімдер, кітапханашылар қатысты.

Наурыз – көктем мен жаңаруды айшықтайтын мерейі тасыған ұлы мейрам. Тарихи тамыры тереңге бойлаған әз Наурыз дана халқымыздың қай кезде де еңсесі биік елдіктің, іргесі сөгілмес бірліктің, ырыс пен береке, ынтымақтың, үміт пен сенім, тазалық пен татулық секілді қастерлі сезімдерден бастау алған халықтық мерекені баянды ету. Халқымыздың асыл мұраларына тереңдей үңіліп бағалауға, мәдениетіміз бен дәстүрімізді жан-жақты насихаттауға, тілімізді жандандыруға, достықты нығайтуға арналған қаламгерлеріміздің әдебиеттерін, өлеңдерін насихаттау. Жас өркендер, бүгінгі ұрпаққа ізгілік нұры төгіліп, еліміздің ертеңгі күніне деген игі сеніміміз бен қадамымызға демеу болуына баулу мақсатында:

- « Ұлыстың ұлы күні – Наурыз» атты көрмесі ұйымдастырылып оған библиографиялық шолу жасалды;

- Наурыз мейрамына арналған қазақ ақындарының өлеңдері оқылып, қазақ әндері орындалды;

- Бата, шашу, айтыс, жарапазан сынды Наурыздың нақыштарын бейнелейтін театрландырылған көрініс қойылды.

Мерекеге

Мерекеде қазақ ақындарының өлеңдерін айтып өнер көрсеткен № 72 мектептің оқушылары:

1. Күләш Ахметова, «Наурыз нұры» - Заманбекова Айым 5 «А»

2. Күләш Ахметова, «Шақыру» - Сәнді Түйтебай 5 «А»

3. Күләш Ахметова, «Алтыбақан» - Манапова Нәзерке 9 «Б»

4. Тұманбай Молдағалиев, «Жаңа жыл келді» – Артықбаев Нұрғали

5. Ибрагим Иса, «Наурыз келді» –Ербол Құндыз 7 «А»

6. Ибрагим Иса, «Наурыз келді» –Ерменбаева Жанар 9 «А»

7. Ибрагим Иса, «Наурызым» — Дінмұхамед Димаш 5 «А»

8. Мақсұт Неталиев, «Наурыз нақыштары» -Саден Жұлдыз 7 «А»

9. Несібелі Иманқызы, «Наурыз» -Құрмаш Шыңғыс 6 «Б»

10. Қуандық Шанғытаев, «Наурыз» — Асылбек Айбек 7 «А»

11. Сақан Қадырбекұлы, «Наурыз» — Ален Мақпал 6 «А»

Бейнесюжеттерді көру үшін төменгі сілтемелерді басыңыз:

Наурыз мейрамы Концерт 1

Наурыз мейрамы Концерт 2

немесе осы беттің оң жағында орналасқан mektepKZ сілтемесін басыңыз.

Арнайы www.internetTV.kz үшін Болат Нәукенұлы.

Алматы қаласының мектеп окушылары Наурыз мейрамын Ел ағаларымен бірге тойлады.

admin — Wed, 18 Mar 2009 15:10:57 +0000

Мерекелік бейнесюжет

2009 жылдың наурыз айының 18-ші жұлдызында сағат 11.00-де Қазақстан жазушылары кітапханасының оқу залында « Ұлыстың ұлы күні — Наурыз» атты мерекелік кездесу өтті.

Мақсаты: Наурыз көктем мен жаңаруды айшықтайтын мерейі тасыған ұлы мейрам. Тарихи тамыры тереңге бойлаған әз Наурыз дана халқымыздың қай кезде де еңсесі биік елдіктің, іргесі сөгілмес бірліктің, ырыс пен береке, ынтымақтың, үміт пен сенім, тазалық пен татулық секілді қастерлі сезімдерден бастау алған халықтық мерекені баянды ету. Халқымыздың асыл мұраларына тереңдей үңіліп бағалауға, мәдениетіміз бен дәстүрімізді жан-жақты насихаттауға, тілімізді жандандыруға, достықты нығайтуға арналған қаламгерлеріміздің әдебиеттерін, өлеңдерін насихаттау. Жас өркендер, бүгінгі ұрпаққа ізгілік нұры төгіліп, еліміздің ертеңгі күніне деген игі сеніміміз бен қадамымызға демеу болуына баулу.

Мерекелік шараға қалалық және Әуезов аудан әкімшілігінің өкілдері, ақын- жазушылар, № 86, 72, 13 мектеп оқушылары мен мұғалімдер, кітапханашылар қатысты.

Бейнесюжетті көру үшін төменгі сілтемені басыңыз:

Алматы №72 мектеп окушылары Наурыз тойында

немесе осы беттің оң жағында орналасқан mektepKZ сілтемесін басыңыз.

Арнайы www.internetTV.kz үшін Болат Нәукенұлы.