30 қаңтар, сенбі күні Алматыдағы «Сарыарқа» кинтотеатрының артындағы саябақта, «Азат» жалпыұлттық социал-демократиялық партиясының ұйымдастыруымен билік рұқсат еткен митинг болып өтті. Жиынға қатысқан жүздеген адамның арасында Қазақстандағы үш оппозициялық партияның мүшелері, қоғамдық ұйымдар мен шығармашылық топтардың өкілдері мен қатардағы азаматтар болды.

Митингті жүргізген «Азат» ЖСДП-ның бас хатшысы Әміржан Қосанов митингке бес мыңдай адам жиналды деп атап өтті.

Бейнесюжеттерді көру үшін төмендегі сілтемелерді басыңыз:

СОПЫ СМАТАЕВ Жер үшін күресіміз халықтың көңілінен шықсын
БОЛАТ ӘБІЛОВ Жерді Қазақстан халқынан басқа ешкімге бергізбейміз
БОЛАТ АТАБАЕВ Билік жердің астын сатып бітіп,енді ЖЕРГЕ кірісті
АЛҒА партиясы, В КОЗЛОВ Мен орыс адамы,бірақ Қазақ азаматы, Қазақ жері менің ЖЕРІМ
М ОРАЗАЙ Билік халықты тақырға отырғызып, өзгеге ЖЕР үлестіруде
РИЗАДА ЖАҚЫПБЕК Жалған урбанизациялық экономика түбімізге жетеді
Р СӘРСЕНБАЙ Жерді өзгеге беру Ел тәуелсіздігіне үлкен қауіп
З НҰРМҰХАМЕДОВА 4500 дей азамат Жерінің құжатын ала алмай жүр
Г ЕРГАЛИЕВА Распродав богатства страны,Акорда подкралась к Земле
АЙНУР КУРМАНОВ Национализировать Землю, венуть народу богатства
Шетелге ЖЕР беруге қарсы митингіде ХАЛЫҚ пен ПОЛИЦИЯ бірге болды
коммунист АХЕТОВТЫҢ өткенді аңсап, өзге тілде шығарған ЗАРЫ

М Аспандиярова ХАЛЫҚТЫҢ ЖЕРІ ХАЛЫҚҚА атты митингінің қарары

2010 жылы 27 қаңтар күні Алматы қаласы Әкімдігінде Үкіметтік Емес Ұйымдармен (ҮЕҰ) ынтымақтастық және өзара іс-қимыл жөніндегі Қоғамдық кеңестің І (VII) отырысы болып өтті.

Кеңес жұмысының барысында білім беру мәселелері қарастырылды:
1. Мектептердегі өзін-өзі басқару қағидатын дамыту;
2. Балалар тәрбиесіндегі ата-ананың жауапкершілігін арттыру;
3. Балаларға бейне зомбылық көрсетуді тоқтату жөнінде кешенді шаралар қабылдау, телеканалдар бағдарламасын реттеу жөнінде нормативті актілер қабылдау;
4. Балаларға рухани-өнегелік тәрбие беру бағдарламасын әзірлеу, өскелең ұрпақты діни экстремизм ықпалынан қорғау бойынша кешенді шаралар қабылдау;
5. Қосымша балама білім рөлін арттыру.

Сонымен қатар Демократтар Үйін басқару бойынша Қоғамдық комиссияның анықтамасы талқыланды.
Отырыс жұмысына Кеңес мүшелері, Алматы қаласы ҮЕҰ басшылары, қалалық құрылым өкілдері қатысты.
Кеңес жұмысы балама баяндамалар қағидаты негізінде жүргізіліп, талқыланған мәселелер бойынша ҮЕҰ басшылары өздерінің пікірлері мен ұсыныстарын енгізді.

Бейнесюжеттерді көру үшін төмендегі сілтемелерді басыңыз:

С Ғаббасов Әлем тілдерін дамыту Қазақ Елінің міндеті емес
Алматы білім басқармасы жетекшісі Р С Шимашеваның баяндамасы
Өз Елімізде мемлекеттік тілде сөйлеп, мәдениетті АДАМ болайық!!!
Өз Елімізде мемлекеттік тілде сөйлеп, мәдениетті АДАМ болайық 1!
Өз ЕЛІМІЗДЕ мемлекеттік тілде сөйлеп, мәдениетті АДАМ болайық 2!
Өз ЕЛІМІЗДЕ мемлекеттік тілде сөйлеп, мәдениетті АДАМ болайық 3!
С Ғаббасов ҰЛТТЫҚ ОЙЛАУ ҚАБІЛЕТ балаға АНА ТІЛІМЕН ғана кіреді
Мурат Телибеков О недостатках в партии НУРОТАН и школах АЛМАТЫ
Э Төрехан Балаға тықпалаған тілдердің санына ғылыми негіз бар ма
ҮЕҰ басшыларының сұрақтарына Р С Шимашеваның жауабы

К Матыжановтың 3 айда бір жиналайық деген ҰСЫНЫСЫ өтпей қалды

ҚОҒАМДЫҚ КЕҢЕСКЕ ҚАТЫСУШЫЛАРДЫҢ кейбір ТҮЙІН СӨЗДЕРІ:
Медицина және Педагогика ғылымдарының докторы, жазушы, “Махамбет” сыйлығының лауреаты, “Алаш үні” қоғамдық бірлестіктер Одағының төрағасы, профессор Совет-Хан Ғаббасов:«…Қазақ Елінде әлем тілдерін дамытамыз деп тыраштанғанымыз, мүлде қисынға келмейтін, ұятты іс-әрекет. Біз жерде жатқан МЕМЛЕКЕТТІК ТІЛІМІЗДІ көтеріп, соны қарық қылып алсақ, игі іс болар еді-ау… Серік Тұрарұлы, жақында ҚР тілдерді дамытудың 2020 жылға дейінгі бағдарламасы талқыланғаннан кейін Алматы қаласының ҮЕҰ тарапынан екі ұсыныс түсті. Біріншісі, аталмыш бағдарламаны үш жыл мерізімге жоспарлау. Екіншісі, бағдарламаның атын «тілдерді емес», «Мемлекеттік тілді дамыту» деп атау. Осы ұсынысты қолдап Алматы қаласы әкімдігінен Үкіметке хат жолдасақ, АЛЛА разы болатын іс болар еді…»

Алматы қаласы әкімінің бірінші орынбасары, Алматы қаласын Мемлекеттік Тілге көшіру жөніндегі комиссияның төрағасы, Серік Сейдуманов: «…бізге емес қой…, бізге қарамайды ғой…» («Алаш үні» қоғамдық бірлестіктер Одағының төрағасы Совет-Хан Ғаббасовқа айта алған жауабы)

Нурлан Оразалин. Алматы 16 караша 2009 жыл

2009 жылдың 16 қарашасында Қазақстан Республикасы Ұлттық кітапханасының қорынан көрнекті ақын, драматург Әбділда Тәжібаевтың 100 жылдығына арналған «Алып ғасырдың алып ақыны» атты кітап көрмесі ашылды.
Шараның аясында «Әбділда Тәжібаевтың шығармашылық мұрасы» атты дөңгелек үстел өткізілді.

Бұл шара Қазақстан Республикасының Ұлттық кітапханасы, Алматы қаласының әкімшілігімен және Қазақстан Жазушылар Одағымен бірлесіп ұйымдастырылды. Шараға белгілі мәдениет қайраткерлері, жазушылар, әдебиетшілер, ақынның үзеңгілестері мен шәкірт інілері, шығармашылық мұрасын жалғастырушылар қатысты. Сонымен қатар «Казпошта АҚ «Мерейтойлық естеқаларлық даталар» сериясы бойынша қазақ ақыны, драматург, филология ғылымдарының докторы Әбділда Тәжібаевтың 100 жылдығына арнайы дайындалған естелік пошта маркасының тұсаукесерін өткізді.

Аталмыш мәдени шараға «Алаш үні» қоғамдық бірлестіктер Одағы мен «Шаңырақ» Республикалық қоғамдық бірлестігі өкілдері де қатысты.

Шарага келген Елагалары

Когамдык уйым өкілдері

Бейнесюжеттерді көру үшін төмендегі сілтемелерді басыңыз:

Әбділда Тәжібаевтың 100 жылдығы Нұрлан Оразалин 16 11 09 жыл
Ә Тәжібаевтың 100 жылдығына арналған іс шарадан көріністер 16 11 09 жыл
Ә Тәжібаевтың 100 жылдығы іс шараларынан көріністер 16 11 09 жыл

2009 жылдың 20 қарашасында «Ішкі мигранттардың жекеменшігін қорғау және олардың топтасып өмір сүрген жерлерінде кіші, орта бизнесін дамытуды қолдау» атты «Шаңырақ» РҚБ жобасы аясында семинар-кеңес болып өтті.

Аталмыш шараға «Шаңырақ»РҚБ төрағасының орынбасары С.Т.Жүсіпова, жоба жетекшісі М.Копылов, жоба заңгері А.Аманжолова, бірлестіктің Алматы филиалы жетекшісі Р.М.Нүсіпова, жобаның үйлестірушісі Ш.Мұқатаева және Алматы қаласы Алатау ауданы Шаңырақ-2 ауылынан:
Мұса Мұрат, Ержанат, Әбитова Зинакүл, А.Тілеубаева, Ержан Күйекбаев т.б. кәсіпкерлер мен өз ісін ашуға ниеттенген азаматтар қатысты.

Семинар-кеңеске қатысушылар ішкі мигранттардың кіші және орта кәсіпкерлікті дамытуына кедергі болып жатқан өзекті мәселелерді шешудің тиімді әдістері мен жолдарын қарастырды.

Бейнесюжеттерді көру үшін төмендегі сілтемелерді басыңыз:

ШАҢЫРАҚ РҚБ ішкі мигранттарға заңнамалық кеңес беруде Алматы 09
Қытайдан келген Мұса Мұрат кәсіпке үйрету мектебін ашсам дейді
Үйін заңдастыра алмаған жесір әйел А Есімовтен көмек сұрайды

Жақында Әлеуметтік кикілжіңдерді қарау және шешу бойынша Республикалық қоғамдық кеңесі құрылды.
Кеңес мақсаты – әлеуметтік кикілжіңдерді таратпау, ескерту, алдын-алу механизмдерін әзірлеу. Оның қызметі бірінші кезекте, азаматтардың конституциялық құқын қорғау бойынша қоғамдық қатынастар басқаруында азаматтық қоғам қатынасының тиімділігін арттыруға, жанжалдар мен егестерді шешуге, олардың әлеуметтік салдарларын анықтауға бағытталады. Кеңес «Нұр Отан» ХДП, «Қазақстанның азаматтық альянсы» ЗТБ, «Шаңырақ» РҚБ, «Ұлт тағдыры» қоғамдық қозғалысы, Алматылық Хельсинг комитеті бастамасымен құрылды.
- Кеңес ашылды, оның жұмысына біз басқа да қоғамдық-саяси күштерді шақырамыз, Әлеуметтік кикілжіңдерді шешуге барлық азаматтық қоғам күштерінің қатысқаны аса маңызды,- деп атап өтті Д. Кәлетаев
Кеңес үйлестірушісі Асылбек Қожахметов: « бұл құрама — кең ауқымды қоғамдық кеңес қалыптастырудың алғашқы қадамы»,-деп мәлімдеді.
Кеңес атына түскен мәселелерді қарау үшін сарапшылар шақырылады және атқарушы, құқық қорғау, барлық деңгейдегі бақылау органдары жетекшілері тыңдалуы мүмкін.

Ш.Мукатаева, К.А.Абдібеков, Р.М.Нусіпова.

2009 жылдың 16 қарашасында аталмыш Республикалық Кеңестің үйлестірушісі Асылбек Қожахметовтың өкілдері - «Шаңырақ» РҚБ-нің Алматы филиалы мамандары Р.М.Нүсіпова, Ш.Мукатаева және «Алаш үні» қоғамдық бірлестіктер Одағының үйлестірушісі Б. Бөтеев, Алматы қаласы ҮЕҰ-ның атқарушы билікпен тығыз байланыс орнату мақсатында Алматы қаласы «Жұмыспен қамту және әлеуметтік бағдарламалар басқармасы» бастығының орынбасары Қайрат Айтбайұлы Әбдібековпен кездесті.

Кездесу барысында қала тұрғындарының өзекті әлеуметтік мәселелерін бірлесіп шешу тәсілдері мен жолдары талқыланды.

Бейнесюжеттерді көру үшін төмендегі сілтемелерді басыңыз:

Біз ҮЕҰ мен тығыз жұмыс істеуге әзірміз Қайрат Айтбайұлы
Қайрат Айтбайұлы қоғамдық ұйым өкілдерін қабылдауда

ҚАЗАҚ, қазақ ұлты болу үшін міндетті түрде мұсылман болу керек пе? Мұсылман емес, Аллаға сенбейтін адам қазақ бола ала ма?

Сондықтан ұлт патриоттары БҮГІННЕН БАСТАП қазақтарды біріктіру, басқа ұлыстарды «қазақ» азаматтық ұлтына біріктіру идеясын таратуы тиіс. Ондай идеяға жетуіміз үшін мынадай сұрақтарға ашық әрі адал жауап беруіміз керек.

Біріншіден, қазақ тілі тек қана сөз жүзінде емес, іс жүзінде мемлекеттік тіл болу үшін Қазақстанда тұратын барлық ұлыстар қазақша сөйлеуі тиіс. Қазақ тілінде қазақтар ғана сөйлессе, ол мемлекеттік емес, этникалық тіл деңгейінде ғана қалады.

Екіншіден, қазақ тілін білмеген, қазақ мәдениетінен аулақ адамды қазақ деп атаған әділ ме? «ҚАЗАҚ» деп аталатын азаматтық ұлт құрылғанда, құрамындағы ұлыстар мәдени ассимиляцияға ұшырай ма?

Үшіншіден, ұлттық деп нені түсінеміз? Біз де басқаларда жоқ нәрсені ойлап шығаруымыз керек. Жаңаны ойлап тауып жүрмесек, ұлтымыз дамымай қалады, жаңаны ойлап таба алатын мемлекет қана өміршең болады.

Төртіншіден, мемлекетіміз казақстандықтардікі емес, «қазақ» ұлтынікі болуы тиіс. Қазақстандық ел болсақ, ертең Ресейдің ассимиляциясына ұшырап, егемендігімізді жоғалтамыз.

Одан кейін бізде әлі күнге дейін ұлттық идеология жоқ. Бүгін Берік Әбдіғалиевтің «Қазақ миссиясы» және Болат Бөтеевтің «Ұлттық жаңғырудың ата жолы» еңбектерінен басқа идеология бойынша ешбір ұсыныс болған жоқ. Идеология үшін жауапты – біріншіден, мемлекет емес, элита және идеологияны ойлап табушылар. Идея тартымды болу үшін мына шарттарды пайдалана білу керек:

1. Толерантты, төзімді, шыдамды болу мәдениетін дамыту;

2. Өз айналасына біріктіру мәдениетін қалыптастыру;

3. Жеке тұлғаға емес, идеяға жұмыс істеу.

Ұлттық идеологиямыз бойынша Қазақстандағы барлық ұлттарды біршама уақыт өткесін «қазақ» деп атаған дұрыс болады. Әрине, қазір өзін «орыспын», «қырғызбын» деп санайтындар көбірек, бірақ уақыт өте келе басқа елге кетпей, Қазақстанда қалып, Қазақстанды өз Отаным деп санап жүрген азаматтар өздерін жақын келешекте қазақ деп санап жүруіне келетініміз анық. Қазақ қазақты қолдағанда ғана, «оңтүстік-солтүстік», «мәмбет-мәңгүрт» деп бөлінбегенде ғана біз өзімізді нақты Қазақ мемлекеті деп атай аламыз.

Осыған байланысты мен мынадай тәсіл ұсынғым келеді: «Бізге қарсы тұрғандарды біздің қасымызда тұратындар етіп жасау, қасымызда тұрғандарды бізбен бірге болатындарға айналдыру». Қарсыластың өзімен емес, оның дәйектерімен жұмыс істеп, талдау керек.

Дерек көзі: «Жас қазақ» газеті
30/04/2009

Бейнесюжеттерді көру үшін төмендегі сілтемелерді басыңыз:
Құрманғазы Өтегеннің атасының сөзі:
ҚР Президенті Н Назарбаевқа бейнелі өтініш Алматы Шаңырақ ауылы
Тұяқов Рүстемнің анасының сөзі:
ҚР Презденті Н Ә Назарбаевқа бейнелі өтініш Алматы Шаңырақ ауылы

БОЛАТ НӘУКЕНҰЛЫНЫҢ «Қазақ әдебиеті» газетіне 2009 жылғы 13 ақпандағы 5-ші нөмірінде берген «ҰЛТТЫҚ БОЛМЫС және УРБАНИЗАЦИЯ» атты сұхбатынан үзінділер:

«Ат тұяғы жеткен жер бекер қалмасын»
Бабалар өсиеті.

«Урбанизация» сөзінің кең мағынасы – жалпы қоғамның дамуындағы қалалардың рөлін көтеру, қала мәдениетін-тұрмыс жағдайын барша елді-мекендерге енгізу арқылы Ел ресурстарын тиімді пайдалану үрдісі, ал тар мағынасы – ол тек үлкен қалалардың одан ары кеңейуі әсерінен, тұрғындардың үлес салмағының өсуі қаланың әлеуметтік-экономикалық ахуалымен сәйкес келмей, жалған урбанизацияға ұрыну үрдісі. (анықтама)

- Аға ұрпақтың бізге үлгі болар ерен еңбегі ұмытылған жоқ па?

- «Мың өліп-мың тірілген» қазақ ұлты, 1964-1986 жылдары ғана Д.А.Қонаевтың басшылығымен, сол кездегі кеңестік «өнеркәсіптік және аграрлық саясатты» ұтымды пайдаланып, кіші қалалар мен колхоз-совхоздардың экономикалық жағдайын көтеру арқылы, елді-мекендерде шын мәнінде урбанизация үрдістерін жүргізіп, екі ғасырға созылған бодандық кезеңде күйзеліске түскен тұрмысы мен құлдыраған мәдениетін көтеріп, өсіп-өніп, бір серпіліп қалып еді… 1985 жылғы санақ бойынша Еліміздегі тек қой саны 40 000 000-нан асып түскен.
Дәлелге, Халыққа түрлі мәдени-тұрмыстық қызмет көрсететін инфрақұрылымдары бар 10 елді мекені, ішінде ғылым докторлары мен кандидаттары бар 1000 жуық ИТР, 12 ірі ауылшаруашылық құрылымы, 6 өндірістік заводы, құрамында 12 ПМК–сы бар 1 құрылыс тресті, 1 ғылыми зерттеу институты, шетелге экспортқа ағаш-құрылыс материалдарын шығаратын Сібірдегі 1 мекемесі, 1000 аса әр түрлі маркалы автомашиналары, 3000-ға жуық ауылшаруашылық техникалары бар және 80-ші жылдардың аяғында , Кеңестер Одағында бірінші болып, сол уақыттағы ең соны моделді IBM техникасымен жарақталған локалді компьютер желісін құрып, колхоздың барлық бөлімшелерін модем арқылы Финанстық есептеу және басқару Орталығына қосқан, 1991 жылдың 1 қаңтарына- 4(төрт) миллиард АҚШ долларына пара-пар жаңаланған негізгі ҚОРЫ бар, аудан территориясының 10 пайызын алып жатқан агломерациялық құрылым болған – бүгінгі күні құрдымға кеткен «Октябрдің 40 жылдығы» колхозы сияқты, сол кездегі мемлекеттік саясатты халық мүддесі үшін дұрыс қолданып, байыған мыңдаған ауыл шаруашылықтарын мысалға келтіруге болады. Бұған, бүгінгі құлазыған ауыл шаруашылығындағы келеңсіздіктерді күнде көріп, шарасыздықтан өзегі күйген миллиондаған бұрынғы колхоз-совхоз еңбеккерлері куә.

- Жүйесіз жалған урбанизацияның Елді орға жығуы мүмкін бе?

- Егемендік алған күннен бастап, еліміздің Өкіметі мен Үкіметі – егіншілік пен мал өнімдерін өндіруді жыл сайын интенсивті жолмен ұлғайтып, оны ұқсатудың әлемдік ең жоғарғы технологияларын Қазақ елінің әр ауданының орталығында енгізіп, қалың қазақты жұмыспен қамтып, жыл сайын арта түсетін егіншілік пен мал өнімдерін терең ұқсатылған соң ғана экспортқа шығарып, барлық аудан орталықтарын жоғары деңгейдегі инфраструктурасы бар кіші-қалаларға айналдырып, ұлан-байтақ жерді игеру үшін мемлекеттің бар мүмкіндіктерін ұлттық мүддеге дұрыс пайдаланудың орнына, қазақтың жері мен байлығына қызыққан әлемдік басым күштердің тәрбиесі мен ақылының «нәтижесінде» ұлттық-ойлау қабілетінен айырылған, бірақ білімді әрі пысық кейбір экономист-саясаткерлердің жетегінде кетіп — ауыл шаруашылығын «приватизация», «оптимизация», «легализация» сияқты ГОЛОЩЕКИННІҢ (1930-шы жылдары бейбіт заманда қазақтың малын жойып, халқымыздың өмір сүру дәстүрін күшпен өзгерту арқылы ұлтымыздың жартысын қырып жіберген) мыйы жетпейтін науқандарды іске асыру арқылы, еліміздің ЖЕР мен СУ ресурстарын игеріп жүрген еңбекке жарамды бүкіл қазақты бес-алты қалаға жиып алып, олардың екі-үш ұрпақ болып өмір бойы тапқан – таянғанын, байырғы қала тұрғындарының қолына ұстатқызып (олардың мемлекеттен мүліктерімен қоса тегін алған автобазалары, сауда және өндіріс орындарынан тыс, бас-басына мемлекеттен тегін алған қос-қос пәтерлері мен көптеген сая – бақтары құйтырқы саясаттың арқасында қып-қызыл ақшаға айналды), оларды бір байытып тастады…
Осындай жолмен байып алған, орыс-совет империясының мұрагер-көзіндей болған байырғы қала тұрғындары, елдің әр жерінен үлкенді-кішілі кәсіпкерлік ашып, арнайы ЖЕР туралы ЗАҢ қабылдатқызып, елдегі бос қалған жерлерді бірінен алып біріне сатып, алыпсатарлық пен сыбайлас жемқорлықты өрістетіп жіберді. Ұлттық экономиканың негізгі тірегі – қазақтың кең байтақ мол ЖЕРІ тауарға айналды. Енді ЖЕР саудасы тоқталмай, Елімізде басқа тауар шығаратын өндіріс орындары кеңінен дами қоймас… Жағдай мен қаражаттың жоқтығынан жерін игере алмай, күнкөріс үшін қалаға қашқан үйсіз-күйсіз, ата кәсібінен айырылған, арзанқол қазақтар – Кеңес империясының қалалық мұрагерлерінің отымен кіріп-күлімен шығып, ұлтты аздыратын жалған урбанизацияның зардабын шегуде.
Бүгінгі, біздің елді жайлаған, келеңсіздіктердің экономикалық негізі жоқ, бұл ұлттық сана- ұлттық болмыс дағдарысының салдарлары.

Бәріміздің де жауап берер кезіміз келді: Ұлт болып қаламыз ба? Жоқ па?

Ел экономикасының дұрыс бағытта өркендеп дамуы – халықтың ұлттық-ойлау қабілетіне тікелей байланысты. Осы орайда айтатыным, тәуелсіздік алғалы экономикамыздың өсуіне бағыт-бағдар беретін мекемелердің басқару тұтқасын ұстаған кейбір маман-ғалымдар мен шенеуніктердің ұлттық-ойлау қабілеті өте төменгі деңгейде. Бұл пікірге, кемшіліктердің ең сорақыларынан дәлелдер келтірейін:
- Әлем елдері ЖЕР және СУ ресурстары тапшылығын сезініп, қыруар қаржы бөліп, мухитты-мәңгі мұздықты-космосты-басқа планеталарды зерттеп, оларды өз игіліктеріне пайдаланудың бар мүмкіндіктерін қарастырып әлекке түсіп жатқанда, біздің өзге тілде оқып, шетелдіктерше «ойлайтын» кейбір бауырларымыз – кеше ғана ата-бабаларымыз мыңғыртып төрт түлік малын өрістетіп, ұрпағын өсірген ауылдық өңірлерді – «болашағы жоқ (депрессивный) ауыл-аудан» деп шатасты;
- Жердің жекеменшікке сатылуы, әлемдік басым күштерді басқа планеталардан ресурс іздеу машақатынан құтқарып, оңай олжаға кенелтті;
- Өзін-өзі бағуға ЖЕР және СУ ресурстары жеткілікті, мол табиғи байлығы бар 15-ақ миллион халыққа, дәл бүгін аса қажет емес салаларға — жүздеген миллиард доллар шетелдік инвестициялар тарту арқылы, бүгінгі және болашақ ұрпағымызды ұлттық байлығынан айырды.

17 жыл егемендіктің арқасында жаңғыра бастаған ұлттық сана талабы қандай болмақ?
Мен – қоғамымыздың кез-келген саласындағы ғылыми-техникалық прогресске қарсы емеспін, бірақ – ұлттық экономикамыздың негізі, алтын қазығы – ата кәсібіміз – мал шаруашылығы мен егіншілік екенін мойындап, ауыл шаруашылығының осы салаларында, ата-бабаларымыздың ғасырлар сынағынан өткен технологияларын қолданып, экологиялық таза, әрі жоғары сапалы өнім өндіруде әлемдік ең соны техника – жабдықтарын пайдаланып, дүниежүзілік бәсекелестікке төтеп беретін ұлттық өнімдерді жаңғыртып, экспортқа шығару арқылы Елімізді көркейтіп, халқымызды өсіретін нақты урбанизация жолдарын ұсынамын:
- Қазақ Елінің кез келген азаматы өз аталарының туған жерін-Ауылын мәңгілік отаным деп тануы үшін, ұрпағының ертеңгі күніне сенімді болуы үшін, қай уақытта болмасын өз ауылының экономикасына үлес қосуға мүмкіндігі болуы үшін, Жерге тек қана мемлекеттік меншік орнату арқылы әр бір елді-мекен төңірегіндегі ЖЕР және СУ ресурстары осы Ауылдың қазіргі және болашақ тұрғындарының ортақ байлығы саналып, оларды пайдалану тек қана ұзақ мерізімді жалға беру арқылы жүргізілуі тиіс;
- Еліміздегі 200 аса аудан орталықтарын, сол төңіректегі елді-мекен тұрғындарының мәдени-рухани-ғылыми-технократтық мұқтаждықтарын өтейтін және олардың өндірген ауыл шаруашылық өнімдерін кешенді түрде ұқсатып, бірден экспортқа шығара алатын кіші қалаларға айналдыру үшін, ҮКІМЕТ әр ауданның қоғамдық ДАМУ ҚОРЫ-ның құрылуына ықпал етіп, оған тәжірибелі-білімді Ел ағалары жетекшілік жасап, Қорға жыл сайын ең болмаса 1(бір) млн.евро бөліп тұрса, бірер жылдан соң аудандық ДАМУ ҚОРЫ-ның бақылауымен жұмсалған қаржы бірнеше есе болып қайтып, Халықты жұмыспен қамтамасыз ету, иммиграция, демография т.б. мәселелер кешенді түрде шешілер еді;
Өзін-өзі ақтайтын мегаполистерді дамыту міндетін, Еліміздің табиғи даму ресурстарын толық игеріп байыған, соның арқасында өсіп-өніп, оқып-тоқыған, Еліміздің түпкір-түпкірінде пайда болатын 200 аса халықтың өмір сүруіне ыңғайлы кіші-қалаларда одан әрі өз ақыл-ойын-қайратын қолдануға мүмкіндік таппай, қолы босайтын болашақ ұрпақ – сол кезде ғана үлкен қалаларға барып, бәсекеге қабілетті зерделік және өндірістік өнім шығарып — өз еншісіне алады.

ШАҢЫРАҚ қоғамдық бірлестігіне алғыс айтушы алматылықтар

Женщина добившая ГосАКТ на землю только через Верховный Суд РК