Арнайы www.internetTV.kz үшін Болат Нәукенұлы.

2010 жылы 23 маусым күні, «Аллажар-қолдау» қоғамдық қорының кеңсесінде, «Қара жорға» би фестивалі дирекциясының КӨРКЕМДІК КЕҢЕСІ құрылып, ұлттық биді жаңғырту, насихаттау мәселелері кеңінен талқыланды.

Бейнесюжеттерді көру үшін төмендегі сілтемелерді басыңыз:

ОРАЗАҚЫН АСҚАР Қазақтың той мәдениетін көтеруге ҚАРА ЖОРҒА биі өте қажет
ЖАМАЛИ ДИХАНҰЛЫ Домбырамен сүйемелдеп, ҚАРА ЖОРҒАНЫ түпнұсқа негізінде билейік
ЖАҢЫЛ ӘПЕТОВА Халықтың таңдауына ҚАРА ЖОРҒА биінің бар нұсқасын ұсынайық

ҚАРА ЖОРҒА би фестивалі КӨРКЕМДІК КЕҢЕСІ отырысынан бейнелі көріністер

ОТЫРЫСТАН ФОТОКӨРІНІСТЕР:

Арнайы www.internetTV.kz үшін Болат Нәукенұлы.

Қазақ Елі, 16 маусым 2010 жыл

2010 жылдың 13 маусымы күні «Аллажар-қолдау» қоғамдық қорының кеңсесінде, ұлттық құндылықтарымызды жаңғыртуға жалпыхалықтық үрдіс беру мақсатында,

«ҚАРА ЖОРҒА»
Қазақтың ұлттық нышандарының бейнелі фестивалін ұйымдастыру дирекциясы құрылды

Дирекцияны құрған ынталы топ мүшелері:

«Қара жорға» биін көптеген мемлекет басшыларының алдында орындаған Арыстан қажы Шәдетұлы, «Аллажар-қолдау» қорының төрағасы Марат Бөтеев, Мәдени саясат және өнертану институтының «Музыка және акустика» зертханасының меңгерушісі, домбырашы-дирижер Жұмагелді Нәжмеденов, Т.Жүргенов атындағы Өнер академиясының оқытушысы, кинорежиссер Қалдыбай Әбенов, «Қара жорға» өнер ұжымының директоры Жамали Диханұлы, ұлттық музыканың көне жанрларын жаңғыртушы Сералы Құсманұлы, «Жас тұлпар» домбырашылар үйірмесінің жетекшісі Талғат Төлегенов, «Алтын Арқау» әйелдердің этнографиялық бірлестігінің төрайымы Ғалия Қайдауылқызы, сазгер-оранжировщик Абзал Арыстан, дизайнер Шолпан Маратқызы, «Қара жорға» биін насихаттаушы Қажымұқан Шәдет, «Алаш үні» қоғамдық бірлестіктер Одағының үйлестірушісі Болат Нәукенұлы және басқа да ұлттық өнер жанкүйерлері.

Жиын барысында бірауыздан фестиваль дирекциясы құрылып, оның жұмысшы органдарын жасақтауға шешім қабылданды. Дирекцияның Үйлестіру Кеңесіне Болат Нәукенұлы, Жамали Диханұлы, Абзал Арыстан сайланып, оларға нақты тапсырмалар берілді. Дирекцияның Көркемдік кеңесін және Қазылар Алқасын құру жұмыс жоспарына енді.

Дирекция жұмысының негізгі бағыттары айқындалды:
- «Қара жорға» биіне қатысты әндерді, мәтіндерді, мәліметтерді жинақтау;
- Биді насихаттаушы жеке тұлғалармен, ұжымдармен байланыс орнату;
- бірінші кезекте, фестивальдің интернеттегі үздіксіз бейнелі нұсқасын ұйымдастыру арқылы, биді дәріптеушілерді ынталандырып, олардың ең үздіктерін жылына бір мәрте 19 мамырда Алматының тау бөктерінде өтетін соңғы турға шақыру;
- екінші, үшінші кезекте, жыл сайынғы өтетін қорытынды турлардың материалдары негізінде фестивальдің телевизиялық және кино нұсқалары жобаларын іске асыру;

Бейнесюжеттерді көру үшін төмендегі сілтемелерді басыңыз:

Арыстан Шәдетұлы Қазақтың ҚАРА ЖОРҒА биінің тарихы тереңде жатыр
ЖҰМАГЕЛДІ НӘЖМЕДЕНОВ Мақсатымыз ГИМНДІ және ҚАРА ЖОРҒАНЫ домбырамен қостап әлемге таныту
ҚАЛДЫБАЙ ӘБЕНОВ Ұлттық талғампаздығымызды ҚАРА ЖОРҒА биімен қатар жаңғыртайық
ЖАМАЛИ ДИХАНҰЛЫ Қазақтың ұлттық нышандарын баршамыз бірігіп жаңғыртайық
ҚАРА ЖОРҒА биін жаңғырту жолдары жайлы пікірлер.wmv
ҚАРА ЖОРҒА биін жаңғырту жолдары жайлы пікірлер -1.wmv
ҚАРА ЖОРҒА биін жаңғырту жайлы АРЫСТАН қажының немересі ҚАЖЫМҰҚАННЫҢ пікірі

Жиын барысынан фотокөріністер:

Арнайы www.internetTV.kz үшін Болат Нәукенұлы.

Қазақ Елі, 11 маусым 2010 жыл

Кеше, 2010 жылдың 10 маусымы күні, «Аллажар-қолдау» қоғамдық қорында, «Қара жорға» өнер ұжымының директоры Жамали Диханұлы және мәдениет тарихын зерттеуші, ұлттық музыканың көне жанрларын жаңғыртушы Сералы Құсманұлымен кездесу болып өтті.

Кездесу барысында ұрпағымызды ұлттық құндылықтар негізінде тәрбиелеу, ұлттық өнеріміздің бүгінгі жай-күйіне халқымыздың көзқарасы және «Қара жорға» ұлттық би фестивалінің дирекциясын құру мәселелері әңгіме болды.

Бейнесюжеттерді көру үшін төмендегі сілтемелерді басыңыз:

ҚАРА ЖОРҒА өнер ұжымының директоры ЖАМАЛИ ДИХАНҰЛЫНЫҢ орындауындағы би нұсқасы
СЕРАЛЫ ҚҰСМАНҰЛЫ Ұрпағымыз ұлттық құндылықтарды бойына сіңіргенде ғана, ҚАЗАҚ ЖАҢҒЫРАДЫ
ЖАМАЛИ ДИХАНҰЛЫ Қара жорға биін түпнұсқа негізінде жаңғыртқанымыз жөн

КЕЗДЕСУДЕН ФОТОКӨРІНІСТЕР: