Арнайы www.internetTV.kz үшін Болат Нәукенұлы.

Қазақ Елі, 9 шілде 2010 жыл

2010 жылы 7 шілде күні, «ЕУРАЗИЯ НАРЫҚ ИНСТИТУТЫН» бітірушілерге диплом тапсыру салтанаты болып өтті.

Еліміздегі 145 ЖОО-дан индустриялық-инновациялық экономиканы жедел дамыту стратегиясына сәйкес басқару жүйесіне қажетті жоғары білімді, бәсекелестікке қабілетті мамандарды сапалы даярлайтындары әлі санаулы.

“Еуразия Нарық Институты” (ЕНИ) 2010 жылғы 600-ден астам Елбасының санаткер ұлтты қалыптастыру қағидасына сәйкес жоғары білімі, ептілігі мен біліктілігі сапалы, бәсекелестікке қабілетті, сүйікті Отанына патриоттық сезімдері терең, қызметте істің соңғы аса тиімді нәтижелеріне жетуге бейімделген түлектерін логотипіндегі қыран құстай ұшырып — дипломдарын салтанатты табыстау рәсімінде қолдарына ұстатып, адалдық, ар, намыс, сенімділік, еңбекқорлық сияқты адамгершілік қасиеттерді сақтай отырып, өмірде зор жетістіктерге жетулеріне бағыттады.

ЕНИ ректоры, белгілі ғалым-экономист А.НҰРСЕЙІТ жас түлектерге диплом тапсыру салтанатына шақырған қоғам, мемлекет және бизнес қайраткерлерінің ішінде жазушы, “Алаш үні” қоғамдық бірлестіктер Одағы төрағасы, медицина және педагогика ғылымдарының докторы, профессор Совет-Хан Ғаббасов, «Қазпошта» АҚ-ың Төрағасы Даурен Молдагалиев, Алматы қаласы Әкімінің бизнес пен санаткерлік істері жөніндегі Кеңесшісі, танымал кәсіпкер Қазыбек Шайх, ҚазҰУ деканы мен кафедра меңгерушісі, профессорлар Баян Ермекбаева және Ғалия Сансызбаева, ҚазЭУ-ың профессоры Сәуле Ынтықбаева, ЕНИ проректорлары, жетекші профессорлар мен доценттері қатысып, жас мамандарға өмірде Ақжол мен Бақыт тіледі.

Ал осы жас түлектердің белсенділері және қуанышты ата-аналары профессорлық-оқытушылық қауымына шексіз алғысын білдіруінен ЕНИ-ың еліміздегі 146 университет, академия мен институттар арасында не үшін Женевада Алтын Медаль, Парижде «Ғаламдық Сапаны ілгерілетуде Алтын Сертификат», Оксфордта «EUROPEAN QUALITY»/ «Еуропалық Сапа» Жоғары жүлде, Мәскеуде «Ұлттық Экономиканың Көшбасшысы» Құрмет Белгісі, Цюрихтегі Швейцарияның Сапа стандарттары институтының білім беру қызметінің Халықаралық Сертификатына Лауреат. Англияда Халықаралық Аккредитациядан 1-сатысынан өтіп (www.abeuk.com), енді 2-сатысынан өтуге әзірленуі баршаға қуанышты.

ЕНИ түлектері өмірде қажеттігін жақсы табуда, үздіктері ҚР-да бизнес пен мемлекеттік жүйесінде ірі қызметтерде, мүдделілері әлемдегі қуатты елдер — АҚШ, Канада, Англия, Германия, Австрия, Польша, Чехия, Ресейде өсуде — (www.eurazir.kz.)