25 қараша 2011 жыл.

ҚАЗАҚСТАННЫҢ БОЛАШАҒЫ — ҚАЗАҚ ТІЛІНДЕ !!!

…в список делегатов на съезд партии “Нур Отан” от Астаны вошли заместитель генерального секретаря ООН Касым-Жомарт Токаев, премьер-министр Карим Масимов, министр обороны Адильбек Джаксыбеков, аким Астаны Имангали Тасмагамбетов, глава минэкономразвития Кайрат Келимбетов, министр связи и информации Аскар Жумагалиев, президент “Казахстан темир жолы” Аскар Мамин и другие……………….

Қазақстанның болашағына сенетіндер — өз ҰРПАҒЫН қазақ тілді балабақшада тәрбиелеп, қазақ мектебінде оқытуға НИЕТІ бар және оны орындауға МЫЙЫ-ЖІГЕРІ-ҚАЙРАТЫ жететін АЗАМАТТАР.

«НҰРОТАН» ХДП қатарында осындай, ҚАЗАҚТЫҢ болашағына сенетін, АЗАМАТТАР қаншалықты!?

Алдағы Парламенттік сайлауда, Тәуелсіздіктің арқасында, санасы құлдық психологиядан тазарған әр бір АЗАМАТ өз Елінің болашағына сеніп, бүкіл іс-әрекетін мемлекеттік — қазақ тілінде жүргізетін ПАРТИЯҒА ғана дауыс беретін шығар.

Егер біздің нағыз тәуелсіз Қазақстанда өмір сүріп жатқанымыз РАС болса …

СІЗДЕР ҚАНДАЙ ОЙ АЙТАСЫЗДАР ,ҚҰРМЕТТІ ҚАЗАҚ ЕЛІ АЗАМАТТА РЫ ?

Арнайы www.internettv.kz үшін Болат Нәукенұлы.

Қазақ Елі, 24 қараша 2011 жыл

Халықаралық «Жанашыр» қоры 1997 жылдың мамыр айынан бастап ҚР Әділет министрлігінде тіркеліп жұмыс істеуде. Қордың негізгі миссиясы – ұлттық құндылықтарды, әдеби, мәдени мұраларды насихаттау, тарату, жинақтау. Әлемнің әр түкпіріндегі және атамекенге оралған қандастарға рухани жәрдем беру, шығармашылықтарын тарату, насихаттау және т.б.

«Жанашыр» қоры «Қазақстан достық мекені!» атты өнер фестивалін өткізді. Фотокөріністер

«Қазақстан Тәуелсіздігінің 20 жылдық мерейтойын — 20 шара!» деген девизбен өткен жылы бастау алған мәдени шаралар кешені бүгін де жалғасын табуда. Сондай мәдени шараларымыздың қатарында Қазақстанның жоғарғы оқу орындарында оқып жатқан шетелдік студенттер арасында қазақтың тарихын, мәдениетін, салт-дәстүрін, тілін насихаттау бойынша іс-шаралар кешенін жүзеге асырудамыз. Ондай шаралардың қатарына Қазақстанда білім алып жатқан шетелдік қазақ жастардың «Атамекенім-Қазақстан!» атты байқауын, жазба ақындарының мүшәйрасын, сондай-ақ Қазақстан Тәуелсіздігіне үлес қосқан қоғам және мемлекет қайраткерлерінің, рәмізде авторларының қатысуымен Алматы қаласының жоғары оқу орындарында оқып жатқан шетелдік студенттер арасында өткен «Тағылым мен тағзым!» атты кешті айтуымызға болады.

Мақсат — шетелдік жастарға қазақтың дәстүр-салтын, әдет-ғұрпын, тілін, мәдениетін таныстыру, үйрету, насихаттау, Қазақстанды жете танып білуіне көмектесу.

Сондай шаралардың бірі - «Қазақстан — достық мекені!» атты Қазақстанда білім алып жатқан шетелдік жастардың өнер фестивалі. Фестивальге Қазақстанның жоғары оқу орнындарында оқып жатқан Корея, Польша, Қытай, АҚШ, Ауғанстан, Иран, Ұлыбритания, Түркия, Германия, Моңғолия, Жапония, Өзбекстан, Қырғызстан, Түркменстан, т.б. елдердің жастары қатысты. Алматыдағы мемлекеттік алты жоғары оқу орнында оқып жатқан шетелдік жастардан құралған командалар өнер сайысына түсіп бақ сынасты. Бағдарлама бойынша қазақтың бір салт-дәстүрінің аясында өздерінің өнерін көрсетті. 20 минутқа шақталған осы көріністе команда мүшелері қазақша және өзі келген елдің әнін орындады, би биледі, Тәуелсіздіктің 20 жылдығына арнап өлең оқыды. Осының бәрі қазақтың қыз ұзату, келін түсіру, тұсау кесер, шілдехана, т.б. тойлары көрінісі аясында орындалды.

Қазылар алқасының құрамында Қазақстанның белгілі тұлғалары – ҚР Мемлекеттік сыйлығының иегері, драматург-жазушы Дулат Исабеков, «Дарын» жастар сыйлығының иегері, ҚР еңбегі сіңген мәдениет қайраткері, әнші-актер Байғали Есенәлиев, Алматы қаласы Әкімінің аппараты Ішкі саясат басқармасының бөлім бастығы Айдар Есенбеков, Қазақстан халқы Ассамблеясының мүшесі, филолог-ғалым, тіл жанашыры Асылы Османова, Әнші-композитор Өктем Алтаев.

«Қазақстан — достық мекені!» фестивалінде ерекше өнер көрсеткен шетелдік студенттер командаларына жүлдеге – ноутбук, музыкалық орталық, телевизор, DVD секілді бағалы сыйлықтар мен Қазақстан тәуелсіздігіне арналған кәдесыйлар берілді.

Алматы қаласы Әкімдігі Ішкі саясат басқармасының және «Ұлттық ғылыми-техникалық ақпарат орталығы» АҚ қолдауымен Халықаралық «Жанашыр» қоры ұйымдастырған фестивальге көмек берген ұйымдар.

Демеушілер: «Жас-Ай» Шығыс Тибет медициналық орталығы, Директоры –Жасан Зекейұлы;

Ақпараттық қолдаушы: «Қазақстан» ҰТРК, Еларалық «Шалқар» газеті.

Халықаралық «Жанашыр» қорының президенті Жаңыл Әпетова.

Қазақ Елі, 24 қазан 2012 жыл

2012 жылдың 17 қазаны күні Алматы қаласы Әкімдігі мен Халықаралық «Жанашыр» қорының ұйымдастыруымен  Оралмандардың Алматы қалалық «Еліне оралып, еңбегі жанғандар!» атты форумы болып өтті.

Оралмандар Форумын қала Әкімі орынбасары Мұқашев Мәулен ашты

Профессор Нәбижан Мұхамедхан Алматы қалалық оралмандар Форумында баяндама жасады
Рахым Айып Алматы қалалық оралмандар Форумында
Алматы ІІД Көші қон полициясы өкілі Е. Алтаев оралмандар Форумында
Журналист Сәлен Жарқын Алматы қалалық оралмандар Форумында
Жамали Диханұлы Алматы қалалық оралмандар Форумында
Кәсіпкер Мұхамедхан Сабыржан Алматы қалалық оралмандар Форумында
Мұратхан Шоқан Оралмандардың Алматы қалалық Форумында
Оралман — өнерпаздар концертінен көріністер
Арыстан қажы Шәдетұлы «Қаражорға» биімен оралмандар Форумында

Елбасымыз Н.Ә. Назарбаевтың «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» деген мақаласындағы Қазақстанда еңбек қоғамын, одан әрі жаңғырту идеясын басты мақсат етіп алған форум, Алматы қаласына шетелдерден келген қандастарымыздың еліміз экономикасы мен мәдениетіне, руханиятына қосып жатқан үлестерін және қоғамға бейімделіп, орнығуында кездесетін проблемаларын ортаға салып, ой бөлісті.

Шараға шаһарда тұратын өнер, білім, ғылым, әдебиет, бизнес және т.б. салаларда зор жетістікке жеткен оралман азаматтар қатысты.

Форумға қатысушы қандастарға, өмірдің барлық жағдайында, бейімделіп, орнығуында жол көрсететін «Елдесіміздің есіне. Керек кеңестер» атты жинақ таратылды.

Форум аясында «Оралмандар жетістіктері» көрмесі ұйымдастырылды.

Форум жұмысы өнер шеберлерінің концертіне ұласты.

Елге оралып, еңбегі жанғандар бас қосты

«Көшіп келіп жатқан ағайынға көмек көрсету
– әрбір қазақтың парызына айналуы тиіс»
Елбасы Н.Ә. Назарбаевтың Дүниежүзі
құрылтайында айтқан сөзінен.

Алматыда Елбасы Нұрсұлтан Назарбаевтың «Қазақстанның әлеуметтік жаңғыруы: Жалпыға ортақ еңбек қоғамына қарай 20 қадам» атты мақаласы негізінде «Елге оралып, еңбегі жанғандар!» деген тақырыпта форум өтті.
Қазақстан Республикасының Тұңғыш Президенті — Ұлт көшбасшысы Нұрсұлтан Назарбаевтың ұлт алдындағы, ұрпақ алдындағы ең бір сауабы шексіз сарабдал саясатының құрамдас бөлігі — тағдыр тәлкегімен төрткүл дүниенің төрт бұрышына тарыдай шашылған қандастарымызды атажұртқа шақыруы болды. Содан бері 1 миллионнан астам қандасымыз Отанына оралды. Олардың көпшілігі Алматы қаласына келіп қоныстанып, еліміздің өркендеуіне өз үлестерін қосып жүр.
Елбасының оралмандарды қолдау саясатын жүзеге асыру аясында Алматы қаласы Әкімдігі мен Халықаралық «Жанашыр» қоры 2012 жылдың 17 қазаны күні Оралмандардың Алматы қалалық «Еліне оралып, еңбегі жанғандар!» атты форумын өткізді.
Елбасымыз Н.Ә. Назарбаевтың «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» деген мақаласындағы Қазақстанда еңбек қоғамын, одан әрі жаңғырту идеясын басты мақсат етіп алған форум, Алматы қаласына шетелдерден келген қандастарымыздың еліміз экономикасы мен мәдениетіне, руханиятына қосып жатқан үлестерін және қоғамға бейімделіп, орнығуында кездесетін проблемаларын ортаға салып, ой бөлісті.
Шараға шаһарда тұратын өнер, білім, ғылым, әдебиет, бизнес және т.б. салаларда зор жетістікке жеткен оралман азаматтар қатысты. Жиында Қытайдан келген қандасымыз, тарих ғылымдарының докторы, профессор Нәбижан Мұхаметханұлының «Елбасының оралман саясаты және оның қомақты нәтижесі», оралмандар мәселесімен үздіксіз айналысып жүрген қоғам қайраткері Рахым Айыптың «Қазақ көшінде қалыптасқан жағдай мен оны шешудің жолдары», «Тәуелсіздік жемісі» жинағының авторы Мұратхан Шоқанның «Тәуелсіздік жемісіндегі оралмандар үлесі» атты баяндамалары тыңдалып, қандастарымыздың Тәуелсіздік жемісіндегі ел дамуына қосқан үлесі айтылды.
Жарысөзге шыққан Алматы қаласы Көші-қон полициясы басқармасы бастығының орынбасары Ержан Нұрсұлтанұлы Алтаев көші-қон саласындағы Оралмандар мәселелеріне тоқталды.
Әр елдерден келген қандастар өкілдері «Әлемнің әміршісі – еңбек. Тек еңбекпен ғана жеміс өнбек, тек еңбек қана бар қиындықты жеңбек» деген Елбасының ұранын ту еткен қандастарымыз жеке бизнестерін ашып, шағын және орта кәсіпкерліктің дамуына атсалысып жатқанын тілге тиек етті.
Жиында сөз алған «Алатау-спецтехника» ЖШС директоры Сабыржан Мұхамедхан, спорт шебері, қара белбеу бірінші дан иегері, «Қаражорға» биін насихаттаушылардың бірі Жамали Диханұлы, журналист, жас оралмандар өкілі Сәлен Жарқын, «Айқын» газетінің тілшісі Құтмағамбет Қонысбек және т.б. шешендер қандастардың ел әлеуетіндегі рөліне тоқталды.
Форум жұмысына билік тарапынан қатысқан Алматы қаласы Әкімінің бірінші орынбасары Мұқашев Мәулен Шапанбайұлы, қалалық Жұмыспен қамту және әлеуметтік бағдарламалар басқармасының бастығы Кұлмаханов Әмір Кұлмаханұлы, Ішкі саясат басқармасының бастығы Мәкен Бахтияр Макенұлы, Қалалық Тілдерді дамыту, мұрағаттар және құжаттама басқармасының бастығы Ахетов Мамай Қаниұлы, қалалық Мәдениет басқармасы бастығының орынбасары Әуезов Ерболат Құдіреұлы, Алматы қаласы Көші-қон полициясы басқармасы бастығының орынбасары Алтаев Ержан Нұрсұлтанұлы және Экономикалық даму және сауда министрлігі Әлеуметтік саясат және мемлекеттік органдар жұмысын дамыту басқармасының бас эксперті Слямова Құралай Бөкейханқызы т.б. өз салалары бойынша оралмандарға қатысты мәселелерді қаперлеріне алды.
Еселі еңбегімен ел экономикасына, руханиятына үлес қосқан қандастарға Алматы қаласы Әкімінің Алғысхаты, Ішкі саясат басқармасының және Алматы қаласы Жастар саясаты жөніндегі басқармасының Грамоталары табыс етілді.
Сондай-ақ, форумды ұйымдастырушы халықаралық «Жанашыр» қоғамдық қоры атынан шетелдерден келіп ЖОО-да білім алып жатқан, жағдайы төмен отбасынан шыққан жастарды көтермелеу мақсатында кәсіпкер-оралмандар тағайындаған шәкіртақы Сертификаттарын табыстау рәсімі болды. Жаңыл Құрманқызы, Жасан Зекейұлы, Қайрат Байтолла, Жамали Диханұлы сынды азаматтар тағайындаған шәкіртақы Сертификатын қор президенті Жаңыл Әпетова әл-Фараби атындағы ЖОО дейінгі дайындық факультетінің 10 тыңдаушысына табыс етті.
Форумға қатысушы қандастарға, өмірдің барлық жағдайында, бейімделіп, орнығуында жол көрсететін «Елдесіміздің есіне. Керек кеңестер» атты жинақ таратылды.
Форум аясында «Оралмандар жетістіктері» көрмесі ұйымдастырылды.
Форум жұмысы өнер шеберлерінің концертіне ұласты.

Рахым Айыптың баяндамасы:

ҚАЗАҚ КӨШІНДЕ ҚАЛЫПТАСҚАН ЖАҒДАЙ
ЖӘНЕ ОНЫ ШЕШУДІҢ ЖОЛДАРЫ

Ардақты ағайын, қымбатты туысқандар!
Біз бәріміз Қазақстан деп аталатын қасиетті елдің иесі, мемлекет құрушы ұлттың өкілі ретінде ұлттық тұтастығымыздың келешегін саралауға арналған осы бір алқалы бас қосу кезінде қазақ көшінің өткеніне де бір сәт көз жіберіп көрелік.
- Қазақстан Үкіметі сонау тәуелсіздіктің қарсаңында-ақ қазақ көшін бастап кеткен болатын. Әсіресе, тәуелсіздіктен кейінгі әлем қазақтарының тұңғыш құрылтайының қарсаңы ұлтымыз тарихында мәңгілікке алтын әріптермен жазылатын айтулы уақиғаларға толы болды. Еліміз бодандықтан бостандыққа шықты. Жат жұртта жүрген біз, Қазақстан тәуелсіздік жариялағанда бақыттан басымыз айналып, төбеміз көкке екі-ақ елі жетпей қалған еді. Ендігі арман -Тәуелсіз қазақ топырағына қалай жету болатын. Кешікпей оның да көкжиегі көрінді.Еліміз өз тәуелсіздігін жәриялағаннан кейін екі апта өтпей жатып, 1991-жылы 31- желтоқсанда Қазақстанның тұңғыш президенті Нұрсұлтан Назарбаев «Қазақ радиосы» арқылы шетелдердегі қазақтарға арнап: «Қымбатты отандастар! Ежелгі атамекеннен жырақтап қалған сіздерді кешегі күнге дейін ата-баба жеріне қайта келе аламыз ба деген сұрақтың алаңдатып келгенін мен жақсы білем. Туған жердің түтіні де ыстық дейді халқымыз. Қандас бауырларымызды байырғы ата қонысына тарту мақсатында адам правасы туралы ел аралық ережелерді басшылыққа ала отырып, Қазақстан үкіметі: «Басқа республикалардан және шетелдерден селолық жерлерде жұмыс істеуге тілек білдіруші байырғы ұлт адамдарын Қазақстанда қоныстандырудың тәртібі мен шарттары туралы» арнайы қаулы қабылданды. Сондықтан, атамекенге келемін деуші ағайынға жол ашық. Ата-баба аруағы алдарыңыздан жарылқасын!» деген жан тебірентерлік, жүрек жарды сөзін естігенде, радио қабылдағышты құщақтап қуаныштан ағыл-тегіл жылағаным әлі есімде.
Ол кезде «Қазақ радиосын» қалт жібермей тыңдап, елден жеткен газет-журналдарды обырлана оқитынбыз. Тұңғыш қазақ құрылтайының қарсаңында жасалып жатқан қызу дайындық, елдегі ағайынның ықылас-пейілі бізді ғаламат тәтті сезімдерге бөлейтін.
Дүние жүзі қазақтарының тұңғыш құрылтайы сан ғасырға созылған бодандықтан соң, тұтас әлем қазақтарына ғаламат рухани сілкініс тудырған тарихи уақиға болды. Ата-бабамыз армандаған осы күнге дейін отаршылдық үстемдік тұсында біздің туған халқымыз өз басынан қандай нәубеттерді өткермеді?! Бұл туралы тұңғыш құрылтайда Елбасы: «Әрине, бодандықтың аты-бодандық. Патшалық Ресейдің отаршылдығы басқа елдердің отаршылдығынан асып түспесе, кем түскен жоқ. Ұланқайыр даламыз Империяның меншігіне айналды. Дініміз тәрік, тіліміз ғаріп, мәдениетіміз мүшкіл, өзіміз міскін халге ұшырадық. Өз жерімізде өзіміз қырғынға ұшырап, өз жерімізде өзіміз қуғынға түстік. Мыңдаған жандар қырылып, мыңдаған жандар Атажұртын тастап кетуге мәжбүр болды. Республиканың ұлттық құрамына таяу арада дүзеп болмастай, орасан нұқсан келтірілді; жер құнары азып, Атамекен тозып кетті. Кербез сұлу Көкшетаудағы сексен көлдің саны азайып, айдынды Аралымыз тартылды, Абай туған Шыңғыстауды қырық жыл бойы Семей атом полигонының сынақтары сілкінтіп тұрды, Сарыарқаның шалғыны азып, жер жанаты Жетісудың жайлауы жүдеді». («Тәуелсіздіктің бес жылы» 52-, 53-беттер) деп мұң шаққан болатын. Шынында, отаршылдық үстемдік тұсында қайыс ноқта ма, темір ноқта ма бодандық қамытын киген халқымыз атып-асу мен қудалаудан көз ашқан жоқ. Әсіресе, өткен жиырмасыншы ғасыр тұтас қазақты торғайдай тоздырып, қынадай қырған қасіретті кезеңдерге толы болды. Шығыста Гималайдан батыста Берлинге дейін, оңтүстікте Тарымнан солтүстігі Итжеккенге дейінгі жарты әлем бейуаз халқымыздың қанымен боялды. Осындай ұлттық қасіреттен соң қайта қауымдасқан қазақ ұлты өзінің Қазақстандай азат елінде емен-жарқын қауышып, бақыт құшағында армансыз шалқыған күндер еді ол . Содан бері қазақ билігі көші-қон саясатын еліміздің стратегиялық саясаты ретінде табаны күректей жиырма жылға жуық уақыт табанды жүргізді. Соның арқасында милионға жуық қандасымыз елге оралды. Республика халқы бір жарым миллион қандасымызбен толықты.
-Өкінішке қарай, тәуелсіздіктен бері қазақ көші дәл соңғы жылдардағыдай дағдарысты жағдайға тап болған емес. Дәлірек айтқанда, қаңтарылып тоқтаудың аз ақ алдында тұр. Бұл жағдайға байланысты өкен жылы дүние жүзі қазақтарының IV құрылтайында Президент Н.Назарбаевтың өзі де соңғы екі жыл бойы көшіп келу квотасының орындалмағанын ашық мәлімдеді. Өткен жылдың желтоқсан айындағы ресми мәліметке сәйкес, көшіп келу квотасының небары 33 пайызы ғана орындалған. Аталған құрылтайда Елбасы: «қандастарымыздың құжат тапсыруда, тіркеуге тұруда, азаматтық алуда кездесетін түрлі кедергілерді жоюды» қадап тапсырған болатын. Өкінішке қарай, Президент тапсырмасын орындауға біздегі атқарушы билік асықпайтын сияқты. Себебі, ол кісі бұл сөзді өткен жылдың алғашқы жартысында айытқан болатын. Міне осы жылдың соңғы жартысы да аяқталуға жақын, бірақ баяғы жартас сол жартас күйінде қалып отыр. Тіпті елге оралған қандастарымыздың жағдайы одан бетер қиындай түсті. Мұның ең басты себебі, біздегі құзіретті биліктің өз қандастарымыздың жағдайын жылдан жылға қолдан қиындатып отырғандығы дер едім. Атап айтар болсақ, Республика Үкіметі ең алдымен осыдан бірқанша жыл бұрын-ақ ешбір негізсіз, себеп-сылтаусыз 1992 жылы 23-қыркүйекте қабылданған «Шетелдердегі қазақ диаспорасы өкілдерінің Қазақстан Республикасында болған кезінде әлеуметтік-экономикалық жеңілдіктермен қамтамасыз ету туралы» №791 қаулысының күшін жойды. Соның кесірінен елге келген өз қандастарымыздың мәртебесі келімсектермен бірдей болып калды.
Бұдан кейін, 1999 жылдан бастап қолданысқа енген тағдыр тәлкегімен бөлініп-жарылған отбасылардың халықаралық адам құқығы пактілері негізінде шетелдердегі туыстарын өздерінің жеке кепілдігі арқылы шақыртып алуының жолын жапты. Президенттің тапсырмасын аяқ-асты етіп отырған Үкімет халықаралық пактілерді қайтсін?! Өткен жылдың 14 сәуірінде Премьер-министріміз өзі қол қойған №307 қаулысымен «Шетелдіктердің Қазақстан Республикасында болуын құқықтық реттеудің жекелеген мәселелері» деп аталатын 2000 жылы 28 қаңтарда қабылданған Қазақстан Республикасы Үкіметінің №136 қаулысына өзгертулер мен толықтырулар енгізу арқылы елге келетін өз қандастарымыздың Қазақстан Республикасындағы жағдайын мүлде қиындатып жіберді. Соның кесірінен визасының мерзімі біткен сан мыңдаған қандасымыз сот шешімімен елден қуылып, бес жыл мерзімге дейін өз отаны Қазақстанға қайтып оралу құқығынан айрылды. Міне осындай өз Үкіметіміз тарапынан жасалып отырған жасанды тосқауылдардан кейін көші-қон квотасының орындауынан қалай үміттенуге болады. Одан да сорақысы, осы жылы Үкімет көшіп келу квотасын 2015 жылға дейін тоқтату жөнінде қаулы қабылдады. Елбасымыздың «түрлі кедергілерді жою» жөніндегі тапсырмасының керісін істеп келген Мәсімов Үкіметінің отставка кетуін қандастарымыз жылы қабылдады ғой деп олаймын. Себебі,ел-жұрт аталған кемшіліктерді С. Ахметов Үкіметі түзейді деп үміттенеді.
Ал, дәл қазір оралман қандастарымыздың басындағы ең үлкен қиындық- олардың елге келгеннен кейінгі азаматтық алудағы әкімшілік кедергілердің есіңнен тандыратындығы. Өткен жылы қабылданған «Халықтың көші-қоны туралы» заңның жаңартылған нұсқасында оралмандарға азаматтық алудың жеңілдетілген тәртібі қолданылатындығы айтылған. Әрине, заңдағы бұл жаңалық құптарлық жағдай. Бірақ, жақыннан бері оралман ағайын азаматтық алуда өзі келген елінен қылмыс өткізбегендігі жөнінде анықтама әкелуі шарт деген талап қосылыпты. Және оған сол елдің осындағы дипломатиялық өкілдіктері растап мөрін басады екен. Басқа елді білмеймін, Қытайда бұл мәселе әлдеқашан заңмен реттелген. Мысалы,»Қытай Халық Республикасы азаматтарының шекарадан кiрiп-шығуы туралы» ҚХР Заңының 8-бабында: «Төмендегі жағдайлардың біреуі болса, азаматтардың шегарадан шығуына тыйым салынады»- деп айқын жазылған. Бұған мыналар кіреді: «1.Қылмыстық жауапкершілікке тартылғандар және қоғам қауіпсіздігі, прокуратура немесе сот орындарының біреуі күдікті деп тапқан азаматтар; 2.Соты аяқталмаған азаматтық дау-шарға іліккендер; 3.Жазасын өтеушілер; 4.Еңбекпен түзеу мекемесінің тәрбиеленушілері»
Заңнан әліппелік сауаты бар адамдардың барлығы осыған ұқсас заң талаптарының барлық елде бар екенін білмеуі мүмкін емес. Соған қарамастан, оралман қандастарымызға 20 жылдан аса уақыт қойылмаған басы артық талап қою кімге керек болғанын өз басым түсіне алмадым. Алматы қаласында тұрақты тіркелудің адам айтқысыз машақатын да айтпай кетуге болмайды.2010-жылы Алматы қалалық мәслихаты қабылдаған тіркеуге тұрудағы адам басына 15 шаршы метрден кем болмауы жөніндегі шешімі қандастарымыздың басындағы жағдайды ерекше қиындатып жіберді. Бұдан тыс,елімізге оқу іздеп келген шетелдердегі қазақ дияспурасы ұл-қыздарының жағдайы да кісі қызығарлық емес.Олардың оқуға қабылданғанға дейінгі уақытша тіркелу орындарының болмауы және тіркелу мерзімін создыра алмауы және оқуға қабылданғанан кейін азаматтыққа құжаттарын рәсімдей алмауы олардың өміріндегі ең басты қиындық саналады. Өткен жылы қабылданған «Халықтың көші-қоны туралы» заңның 33-баптың 1-тармағы 2-абзацындағы: «Қазақстан Республикасына білім алу мақсатында келген этникалық қазақтар оқуға түскеннен кейін тұрақты тұруға және Қазақстан Республикасының азаматығын қабылдау туралы өтініш беруге құқылы»-деген ерекше тағдырлық маңызы бар нормалардың болуына қарамастан, жоғары және арнаулы оқу орындарының көбісі оларды жатақ ханаларға тұрақты тіркелуге қолдау хат бермейді.
Әрине, құқықтық базадағы өзіндік кемшіліктер де жетіп артылады. Мысал, 23-баптың 6-тармағында: «Оралмандардың көшіп келу көшіп келу квотасына енгізуге келсім алған этникалық қазақтар мен олардың отбасы мүшелері, сондай-ақ оралмандардың көшіп келу квотасына енгізілген оралмандар мен олардың отбасы мүшелері Қазақстан Республикасы аумағына келген кезде, көлік құралдарын қоспағанда, жеке мүлкіне кеден төлемдерін төлеуден босатылады»-деп жазылған. Байқап қараған адамға мұнда да мысық тілеулі біреудің ағайынды алалап, бір бөлімін шөміштен қағуға бағытталған жат пиғылының құлағы қылтияды. Тұтас 23-бап оралмандарға арналған жеңілдіктер мен басқа да көмек түрлеріне арналған соң, мемлекетке салмақ салмай өз мүмкіндігімен елге оралған ағайынды тақ бір кіналы адамдай, бар жиған-тергеніңді жатжұртта қалдырып, кеденнен 50кг жүгіңмен ғана өтесің деп міндеттеудің қандай қажеттілігі болғанын түсінсем бұйырмасын. Міне енді көшіп келу квотасының 2015 жылға дейін тоқтатылуына байланысты елге оралған қандастарымыздың барлығы да бар жиған-тергенін жатжұртта қалдырып кетуге мәжбүр. Аталған жағдайға байланысты қазақ көшін қалыпты арнаға бұру мақсатында төмендегі құқықтық және әкімшілік шараларды қолға алу қажет деп білеміз.

«Шалқар — 2» газетінің басты директоры
«Жанашыр» халықаралық оралмандар орталығының төрайымы
Әпетова Жаныл ханымға!

17.10.2012 күні Алматы қаласында өткізілген форумдарыңызға оралман қауым дән риза. Төккен теріңіз ешқашан далаға кетпейді деп білеміз. Жат жұрттағы ағайындар газеттеріңізді оқып, сусындайды. Елге оралған оралмандардың күй-жайынан хабардар болады. Қала әкімі көңіл бөліп отырған бұл ұйым жұмысын әрі қарай дамытады деген үміттеміз. Әрі газеттеріңіз арқылы форумдағы сөз алған қала әкімімен оралман өкілдерінің мақалаларын жариялауларыңызды, марапатталған оралмандарды өмірбаянын жеке-жеке таныстыруларыңызды (студенттерге степендия даярлаған оралмандарды қамтиды) сұраймыз. Сонымен бірге осы үрдісті жыл сайын жалғастыруларыңызды үміт етеміз.

Құрметпен: Қытайдағы «Алтай аясы» жураналының орынбасар директоры Мұрат Қазезұлы. 18.10.2012 ж

«Елге келіп, еңбегі жанғандар!» атты
Оралмандардың Алматы қалалық форумының
ҚАРАРЫ

17 қазан 2012 жыл Алматы қ.

1. Алматы қаласы бойынша қалалық Мәслихаты жанынан Оралмандарды қолдау жөніндегі арнайы кеңес құрылса.
2. Алматы қаласы әкімдігі жанынан арнайы мамандандырылған «Оралмандарды бейімдеу және кіріктіру орталығы» құрылса. Аталған орталықта оралмандар азаматтақ алғанға дейін уақытша және турақты тіркелуге, белгілі мерзімге дейін паналауға, ал,білім алу мақсатында келген этникалық қазақтардың ұл-қыздары оқуға түскенге дейін уақытша тұруға мүмкіндік туғызылса. Биыл жұмысын бастаған «Жанашыр» оралмандарды қолдау орталығына қала әкімшілігінің арнайы шешімімен «Оралмандарды бейімдеу және кіріктіру орталығы» ғимаратынан арнайы орын беріліп, оралмандардың жаңа ортаға бейімделіп орнығуына дейінгі барлық бағыт бағдар, құқықтық көмек беретін, азаматтық алғанға дейінгі құжаттарын реттейтін, тіркелуіне көмек көрсете алатын, оралмандардың арқа сүйер Орталығына айналса.
3. Әрбір азаматтың тіркелетін аумағының 15 шаршы метрден кем болмауы жөніндегі қалалық Мәслихат шешімін қайта қарап, аталған шектеуді оралман ағайындарға қолданбау мүмкіндігін қарастырса.
4. 35 жылдан бері шетел қазақтары үшін шығып тараған, Тәуелсіздіктен бері шетелдердегі қандастарымыз бен оралмандардың мәселесін үзбей жазып келе жатқан жалғыз басылымы (төте, латын, кирилл жазуымен шығатын) еларалық «Шалқар» газетіне мемлекет тарапына және Алматы қаласы Әкімдігі тарапынан да қолдау көрсетілсе.
5. Республика аумағында Көші-қонды басқару құзіретін ІІМ-нен алып, арнайы министрлік немесе агенттік етіп қайта жасақтаса;
6. 1992 жылы 23-қыркүйекте Республика Үкіметі қабылданған «Шетелдердегі қазақ диаспорасы өкілдерінің Қазақстан Республикасында болған кезінде әлеуметтік-экономикалық жеңілдіктермен қамтамасыз ету туралы» №791 қаулысын қайта қалпына келтірілсе;
7. 2010 жылдың 14 сәуірінде премьер-министр Кәрім Мәсімов қол қойған №307 қаулысының күшін жойып, «Шетелдіктердің Қазақстан Республикасында болуын құқықтық реттеудің жекелеген мәселелері» деп аталатын 2000 жылы 28 қаңтарда қабылданған Қазақстан Республикасы Үкіметінің №136 қаулысын қайта қалпына келтірілсе;
8. Жыл сайын 20 мың отбасыға арналған көшіп келу квотасын 2015 жылға дейін уақытша тоқтата тұру жөніндегі Үкімет қаулысының күшін жойса;
9. Шетелдердегі қазақ диаспорасы өкілдерінің Қазақстан Республикасына кедергісіз оралуы үшін, оларға еліміздің шетелдегі депломатиялық өкілдіктерінен, өз өтініштеріне сәйкес, бір жылға еш кедергісіз көп мәрте виза берілсе;
10. Өткен жылы қабылданған «Халықтың көші-қоны туралы» заңның жаңартылған нұсқасында оралмандарға азаматтық алудың жеңілдетілген тәртібі қолданылатындығы айтылған. Бірақ, жақыннан бері оралман ағайын азаматтық алуда өзі келген елінен «қылмыс өткізбегендігі жөнінде анықтама» әкелуі шарт деген талап қосылыпты. Және оған сол елдің осындағы дипломатиялық өкілдіктері растап мөрін басады екен. Қытайда және басқа да алыс-жақын шетелдерде бұл мәселе әлдеқашан заңмен реттелген. Мысалы,»Қытай Халық Республикасы азаматтарының шекарадан кiрiп-шығуы туралы» ҚХР Заңының 8-бабында: «Төмендегі жағдайлардың біреуі болса, азаматтардың шегарадан шығуына тыйым салынады»- деп ашық жазылған. Бұған мыналар кіреді: 1).Қылмыстық жауапкершілікке тартылғандар және қоғам қауіпсіздігі, прокуратура немесе сот орындарының біреуі күдікті деп тапқан азаматтар; 2).Соты аяқталмаған азаматтық дау-шарға іліккендер; 3).Жазасын өтеушілер; 4).Еңбекпен түзеу мекемесінің тәрбиеленушілері». Демек, елге оралған қандастарымызға жиырма жыл бойы қойылмаған мұндай басы артық талап қоюға тиым салынса;
11. Құқықтық базада «Халықтың көші-қоны туралы» заңының 33-баптың 1-тармағы 2-абзацындағы: «Қазақстан Республикасына білім алу мақсатында келген этникалық қазақтар оқуға түскеннен кейін тұрақты тұруға және Қазақстан Республикасының азаматығын қабылдау туралы өтініш беруге құқылы» — деген ерекше тағдырлық маңызы бар нормалардың болуына қарамастан, жоғары және арнаулы оқу орындарының көбісі оларды жатақханаларға тұрақты тіркелуге қолдау хат бермейді. Сол себепті, Республика аумағындағы барлық жоғары және арнаулы оқу орындарына этникалық қазақ студенттерін жатақханамен қамтуға және Қазақстан Республикасының азаматтығын қабылдау туралы өтініш берушілерге еш кедергісіз қолдау хат беруге міндеттеуге;
12. «Халықтың көші-қоны туралы» заңы 23-баптың 6-тармағында: «Оралмандардың көшіп келу квотасына енгізуге келісім алған этникалық қазақтар мен олардың отбасы мүшелері, сондай-ақ оралмандардың көшіп келу квотасына енгізілген оралмандар мен олардың отбасы мүшелері Қазақстан Республикасы аумағына келген кезде, көлік құралдарын қоспағанда, жеке мүлкіне кеден төлемдерін төлеуден босатылады»-деп жазылған. Тұтас 23-бап оралмандарға арналған жеңілдіктер мен басқа да көмек түрлеріне арналған соң, мемлекетке салмақ салмай, өз мүмкіндігімен елге оралған ағайынды бар жиған-тергеніңді жатжұртта қалдырып, кеденнен 50кг жүгіңмен ғана өтесің деп міндеттеудің ешқандай қажеттілігі жоқ. Міне, енді көшіп келу квотасының 2015 жылға дейін тоқтатылуына байланысты елге оралған қандастарымыздың барлығы да бар жиған-тергенін жатжұртта қалдырып кетуге мәжбүр. Сол себепті, барлық көшіп келуші этникалық қазақтардың жеке мүлкіне кеден төлемдерін төлеуден босатса;
13. 1999 жылдан бастап қолданысқа енген тағдыр тәлкегімен бөлініп-жарылған отбасылардың халықаралық адам құқығы пактілері негізінде шетелдердегі туыстарын өздерінің жеке кепілдігі арқылы шақыртып алуының нақты жолдарын айқындауға Алматы қалалық Әкімшілігі мен Мәслихаты Елбасына және Республика Парламенті мен Үкіметіне арнайы ұсыныс енгізсе;
14. Шетелдік қазақ жастарын оқуға қабылдау үшін квота мөлшерін көбейтсе;
15. Президент Н.Назарбаевтың «Қазақстанның әлеуметтік жаңғыртылуы; Жалпыға ортақ еңбек қоғамына қарай жиырма қадам» бағдарламалық мақаласында айтылған тұжырымдарын қолдай отырып, барлық қандастарымызды бүкіл еңбегін ел әлеуетін көтеруге жұмсауға шақырамыз.

Арнайы www.internettv.kz үшін Болат Нәукенұлы.

Қазақ Елі, 18 қазан 2011 жыл

2011 жылдың 14 қазаны күні, Алматы қаласында Халықаралық «Жанашыр» қоғамдық қоры мен «Алаш үні» қоғамдық бірлестіктер Одағының ұйымдастыруымен және «Руханият» жасылдар партиясы мен Алматы қаласы Әкімдігі ішкі саясат басқармасының қолдауымен Қазақстан Республикасы Тәуелсіздігінің 20 жылдығына орай Алматы қаласындағы жоғарғы оқу орындарында оқып жүрген шетелдік студенттер арасында қазақтың тарихын, мәдениетін, салт-дәстүрін, тілін насихаттау бойынша іс-шаралар кешені аясында «Шетелдік қазақ жастары: Қазақстанда білім алуы мен орнығуы» атты дөңгелек үстел болып өтті.

Дөңгелек үстелге мемлекеттік қызметкерлер, мәдениет және қоғам қайраткерлері, ҮЕҰ мен саяси партиялар жетекшілері мен өкілдері қатысты.

Бейнесюжеттерді көру үшін төмендегі сілтемелерді басыңыз:

Ж Әпетова «Шетелдік қазақ жастары Қазақстанда білім алуы мен орнығуы» атты дөңгелек үстелде
«Шетелдік қазақ жастары Қазақстанда білім алуы мен орнығуы» атты дөңгелек үстелде айтылған пікірлер
Әли Сүрер «Шетелдік қазақ жастары Қазақстанда білім алуы мен орнығуы» атты дөңгелек үстелде
Г Тастемірова «Шетелдік қазақ жастары Қазақстанда білім алуы мен орнығуы» атты дөңгелек үстелде
Айдар Есенбеков «Шетелдік қазақ жастары Қазақстанда білім алуы мен орнығуы» атты дөңгелек үстелде
Молдағали Матқан «Шетелдік қазақ жастары Қазақстанда білім алуы мен орнығуы» атты дөңгелек үстелде

Дәрмен Смайыл «Шетелдік қазақ жастары Қазақстанда білім алуы мен орнығуы» атты дөңгелек үстелде
Бәшір Жаналтай «Шетелдік қазақ жастары Қазақстанда білім алуы мен орнығуы» атты дөңгелек үстелде

ДӨҢГЕЛЕК ҮСТЕЛДЕН ТҮСІРІЛГЕН ФОТОКӨРІНІСТЕР:

«Шетелдік қазақ жастары Қазақстанда білім алуы мен орнығуы» атты дөңгелек үстелден фотокөріністер

Арнайы www.internettv.kz үшін Болат Нәукенұлы.

Қазақ Елі, 1 қазан 2011 жыл

Тағылым мен тағзым

Халықаралық «Жанашыр» қоғамдық қоры Алматы қаласы Әкімдігі Ішкі саясат басқарамасының қолдауымен Қазақстан Республикасы Тәуелсіздігінің 20 жылдығы аясында Алматы қаласындағы жоғарғы оқу орындарында оқып жатқан шетелдік студенттер арасында қазақтың тарихын, мәдениетін, салт-дәстүрін, тілін насихаттау бойынша іс-шаралар кешенін жүзеге асыруда.

Мақсат — шетелдік қазақ жастарының бойында Отаншылдық, елжандылық қасиеттерді ояту, өз ұлтының тарихынан, дәстүр-салтынан хабардар ету, Қазақстан тәуелсіздігіне қол жеткізуге үлес қосқан тұлғалар мен қайраткерлерді таныстыру, үлгі-өнеге ету, шетелдердегі замандастарына насихаттап, Қазақстанға деген құштарлығын, сүйіспеншілігін ояту.

Осы мақсатта кеше, 2011 жылдың 1 қазан күні, Тәуелсіздікке еңбегі сіңген белгілі қоғам қайраткерлерінің (жазушылар, ақындар, мемлекеттік рәміздер авторлары, қоғам және мәдениет қайраткерлері)  Д. А. Қонаев атындағы Университеттің студенттерімен «Қазақстан Тәуелсіздігіне 20 жыл. Тағылым мен тағзым» атты кездесуі болып өтті.

Кездесуге белгілі қоғам қайраткерлері — Мемлекеттік тудың авторы Шәкен Ниязбеков, Қазақстан Республикасының ұлттық валютасы-теңгенің авторларының бір — Хайролла Ғабжалелов, Қазақстанға еңбегі сіңген мәдениет қайраткері, жазушы Уақап Қыдырханұлы, ақын, «Алаш» сыйлығының иегері Оразақын Асқар, Қазақстан Халқы Ассамблеясының мүшесі, философия ғылымының докторы, Қазақстандағы халықтар достығын нығайтуға үлес қосып жүрген түрік ұлтының өкілі Қазақбай Касимов, әлем мойындаған балуан, күш атасы Әбілсейіт Айханов сынды тұлғалар қатысты.

Бейнесюжеттерді көру үшін төмендегі сілтемелерді басыңыз:

«Жанашыр» қоры «Қазақстан Тәуелсіздігіне 20 жыл Тағлым мен тағзым» атты шара өткізді

ҚОНАЕВ университетінің ректоры Ө ҚОПАБАЕВ,«Жанашыр» қоры өткізген кездесуде

Шәкен Ниязбеков Д ҚОНАЕВ атындағы университет студенттерімен кездесуде

Уақап Қыдырхан Д ҚОНАЕВ атындағы университет студенттерімен кездесуде

ҚХА мүшесі ҚАЗАҚБАЙ КАСИМОВ:»Қостілділік жағдайында,ұрпағымызға ана тілін үйрету өте қиын іс»

Әбілсейіт Айханов Д ҚОНАЕВ атындағы университет студенттерімен кездесуде

Ақын ОРАЗАҚЫН АСҚАР «Қазақстан Тәуелсіздігіне 20 жыл Тағылым мен тағзым» атты кездесуде

«Қазақстан Тәуелсіздігіне 20 жыл Тағылым мен тағзым» атты кездесудегі шағын концерт

КЕЗДЕСУДЕН ФОТОКӨРІЕІСТЕР:

ҚОНАЕВ университетінде, «Жанашыр» қоры өткізген кездесуден фотокөріністер

Арнайы www.internettv.kz үшін Болат Нәукенұлы.

Қазақ Елі, 27 қыркүйек 2011 жыл

Тағылым мен тағзым

Халықаралық «Жанашыр» қоғамдық қоры Алматы қаласы Әкімдігі Ішкі саясат басқарамасының қолдауымен Қазақстан Республикасы Тәуелсіздігінің 20 жылдығы аясында Алматы қаласындағы жоғарғы оқу орындарында оқып жатқан шетелдік студенттер арасында қазақтың тарихын, мәдениетін, салт-дәстүрін, тілін насихаттау бойынша іс-шаралар кешенін жүзеге асыруда.

Мақсат — шетелдік қазақ жастарының бойында Отаншылдық, елжандылық қасиеттерді ояту, өз ұлтының тарихынан, дәстүр-салтынан хабардар ету, Қазақстан тәуелсіздігіне қол жеткізуге үлес қосқан тұлғалар мен қайраткерлерді таныстыру, үлгі-өнеге ету, шетелдердегі замандастарына насихаттап, Қазақстанға деген құштарлығын, сүйіспеншілігін ояту.

Осы мақсатта кеше, 2011 жылдың 26 қыркүйек күні, Тәуелсіздікке еңбегі сіңген белгілі қоғам қайраткерлерінің (жазушылар, ақындар, мемлекеттік рәміздер авторлары, қоғам және мәдениет қайраткерлері) әл-Фараби атындағы Қазақ Ұлттық университетінің студенттерімен «Қазақстан Тәуелсіздігіне 20 жыл. Тағылым мен тағзым» атты кездесуі болып өтті.

Кездесуге белгілі қоғам қайраткерлері — Мемлекеттік тудың авторы Шәкен Ниязбеков, Қазақстан Республикасының ұлттық валютасы-теңгенің авторларының бір — Хайролла Ғабжалелов, Қазақстанға еңбегі сіңген мәдениет қайраткері, жазушы Уақап Қыдырханұлы, ақын, «Алаш» сыйлығының иегері Оразақын Асқар, әлем мойындаған балуан, күш атасы Әбілсейіт Айханов сынды тұлғалар қатысты.

Өз кезегінде аталмыш ниверситтте блім алушы шетелдік қазақ жастары аға буын өкілдерінің тағылымды әңгімесін тыңдап, толғандырған сұрақтарына жауап алып және өз өнерлерін ортаға салады.

Бейнесюжеттерді көру үшін төмендегі сілтемелерді басыңыз:

«Жанашыр» қоры «Қазақстан Тәуелсіздігіне 20 жыл Тағылым мен тағзым» атты кездесу өткізді

Уақап Қыдырхан «Қазақстан Тәуелсіздігіне 20 жыл Тағылым мен тағзым» атты кездесуде
Шәкен Ниязбеков «Қазақстан Тәуелсіздігіне 20 жыл Тағылым мен тағзым» атты кездесуде
Әбілсейіт Айханов «Қазақстан Тәуелсіздігіне 20 жыл Тағылым мен тағзым» атты кездесуде
Хайролла Ғабжалилов «Қазақстан Тәуелсіздігіне 20 жыл Тағылым мен тағзым» атты кездесуде

КЕЗДЕСУДЕН ФОТОКӨРІНІСТЕР:

«Қазақстан Тәуелсіздігіне 20 жыл Тағылым мен тағзым» атты кездесуден фотокөріністер

Арнайы www.internettv.kz үшін Болат Нәукенұлы.

Қазақ Елі, 1 тамыз 2011 жыл

2011 жылдың 27 шілдесі күні, «Алаш үні» қоғамдық бірлестіктер Одағы Билер Кеңесінің арнайы Шешімімен, желтоқсан қаһарманы Ләззат Асанованың туған күніне орай «ЕР ЕСІМІ – ЕЛ ЕСІНДЕ» атты тәрбиелік мәні бар шара аясында, Желтоқсан көтерілісінде құрбан болған қаһармандар мен бүгінгі көзі тірі батырларға тағзым етіп, патриоттық насихат жұмыстарын өткізу жоспарланған еді.

Өкінішке орай, Алматы қаласы Ішкі саясат Басқармасымен алдын ала келісіліп бір ай дайындалған, ізгі ниетті киелі шараны өткізуге рұқсат берілмегені жайлы С.Сейдуманов мырза 22.07.11 ж. қол қойған хат, аталмыш шараны ұйымдастыруға жауапты «Аллажар-қолдау» ҚҚ Президенті М.Бөтеевке сол күні табыс етілуі, бұл жұмыстарды қоғамдық негізде атқарып, жастарға үлгі болып жүрген «Алаш үні» Одағы белсенділерінің рухын таптап, моральдік зардап шектірді.

Ұлттық ойлау қабілеті төмен шенеуніктер мен халықтың арасындағы  рухани алшақтықты айқындаған  осындай қиын жағдайға байланысты, «Алаш үні» қоғамдық бірлестіктер Одағының құрметті төрағасы, «Махамбет» сыйлығының лауреаты, Педагогика және Медицина ғылымдарының докторы, профессор  Совет-Хан Ғаббасов төмендегідей шешім қабылдады:

«… Кезінде желтоқсандықтардың қаны тамған осы алаңды Тәуелсіздік жолында құрбан болған барша алаш арыстарын еске алып, аза тұтатын Мемориал- Кешенге айналдыру жайлы қоғамдық ұйымдардың талабын құлағына қыстырмаған Атқарушы билік, бүгін  қоғамдық көлік  ескерткіш маңына жиылған азаматтардың өміріне қауіп төндіреді деп, формальді түрде заңға сүйеніп шараны өткізуге тыйым салып отыр. Ал біздің іс-әрекетіміз әр уақытта заң аясында болуы керек, мүмкіндігінше шақырылған азаматтарға хабар беріп үлгіруіміз керек, себебі осындай киелі шара үшін қоғамдық көлік жүрісін 2 сағатқа тоқтатуға мыйы жетпегендердің кесірінен, қазақты шыбын сияқты қырып үйренген зұлым күштердің көлік апатын ұйымдастыруы да мүмкін ғой, сондықтан 27 шілде күні сағат 10-00 да ескерткіш алдына бізден 2-3 адам барып азаматтарға жағдайды түсіндіруге тиістіміз… және жиылған жұртқа жол ережесін өте мұқият орындауларын үнемі ескертіп отыру қажет… Кімнің ақ, кімнің қара екенін, шегіне жеткенде қазақ халқы өзі-ақ ажыратып алады…»

«Алаш үні» қоғамдық бірлестіктер Одағының, аталмыш шараны ұйымдастыруға белсенді қатысқан, мүшелерінің бірі Балтабай әл-Ақжари атқарушы биліктің хаттарын көрсетіп тұр:

Атқарушы билік рұқсат етпеген КИЕЛІ шараға АЛТЫНАЙ АСАНОВА 16 жасында қаза тапқан қызының фотосуретін көтеріп келіпті:

2011 жылы 27 шілде күні «Тәуелсіздік таңы» мемориалы алдында болған іс-әрекетті төмендегі бейнесюжеттерден көріңіздер:

Желтоқсан қахармандарын еске алушыларға,өз ескерткіші алдында жиылуға рұхсат жоқ

Желтоқсан қахарманы Ләззат Асанованың туған күнінен фото видео көріністер,Алматы 27.07.11 жыл

«Аллажар қолдау» ҚҚ президенті Марат Бөтеев БАҚ өкіліне сұхбат беруде

ГҮЛБАХРАМ ЖҮНІС Бұл жерге келуге,батырларды еске алуға,ешкімнен рұқсат сұрамаймыз

Қоғамдық ұйымдар мен атқарушы билік арасындағы қатынас қағаздарының фотокөшірмелері:

Толық көлемде өтпеген Шарадан фотокөріністер:

Халықаралық «Жанашыр» қоғамдық қоры Алматы қаласы Әкімдігі Ішкі саясат басқарамасының қолдауымен  Қазақстан Республикасы Тәуелсіздігінің 20 жылдығы аясында Алматы қаласындағы жоғарғы оқу орындарында оқып жатқан шетелдік  студенттер арасында қазақтың тарихын, мәдениетін, салт-дәстүрін, тілін насихаттау бойынша іс-шаралар кешенін жүзеге асыруда.

Мақсат — шетелдік қазақ жастарының бойында отаншылдық, елжандылық қасиеттерді ояту, өз ұлтының тарихынан, дәстүр-салтынан хабардар ету, Қазақстан тәуелсіздігіне қол жеткізуге үлес қосқан тұлғалар мен қайраткерлерді таныстыру, үлгі-өнеге ету, шетелдердегі замандастарына насихаттап, Қазақстанға деген құштарлығын, сүйіспеншілігін ояту.

Осы мақсатта Қыркүйектің 26-і күні Тәуелсіздікке еңбегі сіңген белгілі қоғам қайраткерлерінің (жазушылар, ақындар, мемлекеттік рәміздер авторлары, қоғам және мәдениет қайраткерлері) әл-Фараби атындағы Қазақ Ұлттық Университеті студенттерімен  «Қазақстан Тәуелсіздігіне 20 жыл. Тағылым мен тағзым» атты кездесуі өтпек.

Кездесуге белгілі қоғам қайраткерлері — мемлекеттік ту авторы Шәкен Ниязбеков, әлем мойындаған балуан, күш атасы Әбілсейіт Айханов, Қазақстанға  еңбегі сіңген мәдениет қайраткері, жазушы Уақап Қыдырханов, 1991 жылы Тәуелсіздік Декларациясын қабылдаған депутаттардың бірі, профессор Оразалы Сәбден, Қазақстан Республикасының ұлттық валютасы-теңгенің авторларының бірі – Хайролла Ғабжалеловтер қатыспақ.

Өз кезегінде әл-Фараби атындағы ҚазҰУ-де  білім алушы 300-ге жуық шетелдік қазақ жастары аға буын өкілдерінің тағылымды әңгімесін тыңдап, толғандырған сұрақтарына жауап алып және өз өнерлерін ортаға салмақ.

Кездесу тақырыбы:

«Қазақстан Тәуелсіздігіне 20 жыл. Тағылым мен тағзым».

Өтетін орны: әл-Фараби атындағы Қазақ Ұлттық Университеті, математика факультетінің корпусы, Акт залы, (Масанчи-Бөгенбай көшелерінің қиылысы).

Өтетін уақыты: 26 қыркүйек, 2011жыл. Дүйсенбі.

Ұйымдастырушылар:

Халықаралық «Жанашыр» қоғамдық қоры

Алматы қаласы Әкімдігі Ішкі саясат басқарамасы

Әл-Фараби атындағы Қазақ Ұлттық Университеті

Халықаралық » ЖАНАШЫР» қоғамдық қорының

2010 жылы өткізген іс-шараларының

бейнелі жылнамасы:

Өз елінде АНА ТІЛІН өзекке теуіп, ұлттық болмысынан жеріген жандарға үлгі-өнеге болатын шетелдік қазақ жастары жайлы (фото-видео репортаж)

Халықаралық «ЖАНАШЫР» қоғамдық қоры өткізген «Мемлекеттік органдар жұмысы – азаматтық қоғам көзімен» атты дөңгелек үстел (фото-видео репортаж)

Алматыдағы «Демократия үйінде» нақты жұмыс атқарып жүрген этно-мәдени орталықтар аздау… (фото-видео репортаж)

Арнайы www.internettv.kz үшін Болат Нәукенұлы.

Қазақ Елі, 14 шілде 2011 жыл.

Кеше, 2011 жылы 13 шілде күні, Алматы қаласындағы Қазақстан жазушылары одағының үлкен залында «Алаш үні « қоғамдық бірлестіктер Одағы, «Ғалымдар одағы» республикалық қоғамдық бірлестігінің және «Қазақстан жазушылары одағы» Республикалық қоғамдық бірлестігі нің

ұйымдастыруымен «Тілдерді қолдану мен дамытудың 2011-2020 жылдарға арналған мемлекеттік бағдарламасы» атты үкіметтік және оған балама «Мемлекеттiк тiлдiң қолданылу аясын кеңейтудiң, оның бәсекеге қабiлеттiлiгiн арттырудың 2011-2020 жылдарға арналған мемлекеттік Бағдарламасы» атты қоғамдық нұсқаларын талқылауға арналған кеңейтілген  жиналыс болып өтті.

Бұл жиында, 300-дей Мемлекеттік-қазақ тілінің, яки ұлттың болашағын ойлаған қоғамдық ұйым өкілдері және жер-жерден  Қазақ Елі азаматтары

БАС ҚОСЫП, өз ой-тұжырымдарын ортаға салды.

Өз Елінің ұлттық, мемлекеттік-қазақ тілінен жеріген, тіпті «Қазақстанның болашағы -қазақ тілінде!» деп ұран тастаған Президент Назарбаевтың сөзін жерге тастап-елемеген бүгінгі Үкіметке өкпесі қара қазандай, қазақ халқының осы БАС ҚОСУҒА жиылған өкілдері, «Мемлекеттік -қазақ Тілі Заңы» болмай, ана тіліміз ешқашан өз тұғырына қонбайды деген тұжырым жасап, аталмыш Заң жобасын жасайтын Қоғамдық комитет құруға Шешім қабылдады.

ҮЕҰ-дың Біріккен Қоғамдық комитетінің жетекшісі- Қоғамдық комитет жетекшісі – ҚР мемлекеттік сыйлығының иегері, Қазақстан ғалымдар Одағының президенті, «Алаш үні» ҚБО Билер кеңесінің төрағасы, экономика ғыл. докторы, ҰИА академигі Оразалы Сәбден

ҮЕҰ-дың Біріккен Қоғамдық комитеттің үйлестірушісі - «Аллажар-қолдау» ҚҚ төрағасы Марат Бөтеев

Бейнесюжеттерді көру үшін төмендегі сілтемелерді басыңыз:

Ұлт болашағын ойлаған Қазақ Елі азаматтарының БАС ҚОСУЫ,кіріспе сөз ОРАЗАЛЫ СӘБДЕН

Ұлт болашағын ойлаған Қазақ Елі азаматтарының БАС ҚОСУЫ,баяндама С ҒАББАСОВ

Ұлт болашағын ойлаған Қазақ Елі азаматтары БАС ҚОСТЫ,сөз МАРАТ БӨТЕЕВ
…………………………………………………………………………………..
Сайраш Әбішқызы 10 жылға Бағдарлама қабылдау,қазақ тілін өсіру емес,өшіру
Раушан Дәулетбекова Тіліміздің мүшкіл халіне,біз,қазақ аналары қыздары кінәліміз
Н Есмырзаев Билікке,ұрпағын қазақша тәрбиелеп оқытқандарды ғана,отырғызу керек
«Біз, аналар түзелгенде ғана, қазақ ұлты жаңғырады» дейді, ҚҰРБАНГҮЛ АРЫСТАНҚЫЗЫ
ТӨЛЕУБЕК СЕЙІТҚАЛИҰЛЫ Ана тілін білмейтін қазақтар, Билікте болмауы тиіс

…………………………………………………………………………………..

Сайраш Әбішқызы 10 жылға Бағдарлама қабылдау,қазақ тілін өсіру емес,өшіру
Әбілсейіт Айханов Қазақ халқы,Қазақ мемлекеті деп нық сөйлемейінше,тіліміз оңбайды
САПАБЕК ӘСІП Ұлт жанашырлары, қазақ тілінде ұдайы, ЖЕР мәселесін көтерулері тиіс
Мемлекеттік қазақ тілін қолдау әрбір азаматтың парызы және міндеті, дейді жастар
Академик С САТЫБАЛДИН Қазақтың ең үлкен байлығы, ол оның Тілі
Ұрпағының ұлттық болмысын,ІТ технология көмегімен,жаңғыртуды көздеген Рамазан Жәшиұлы
Академик Ә Бейсенова Алаш арыстарының орнын басу үшін,ұрпағымыз ана тілінде тәрбиеленуі
Ақын ЖАРЫЛҚАСЫН АМАНҰЛЫ Өз отбасын басқара алмайтындар,Елге билік жүргізгісі келеді
Академик С ҚИРАБАЕВ Қазақ тіліне қажеттілік тудыратын орта қалыптастырайық

…………………………………………………………………………………..
ОРАЗАЛЫ СӘБДЕН Ұлт әлеуетін тиімді қолдануды қолға алайық,ағайын
С ҒАББАСОВ,Үштұғырлы тіл,қаскүнемдер шығарған,қатерлі саясат деп қорытты

БАС ҚОСУДАН фотокөріністер:

ҰЛТ болашағын ойлаған Қазақ Елі азаматтарының БАС ҚОСУЫ,фотокөріністер

2011 жылы 8 шілде күні, Алматы қаласындағы Қазақстан халқы Ассамблеясының  «Достық үйінде» ҚР Мәдениет министрлігінің ұйымдастыруымен «Мемлекеттiк тiлдiң қолданылу аясын кеңейтудiң, оның бәсекеге қабiлеттiлiгiн арттырудың 2007-2010 жылдарға арналған тұжырымдамасының орындалу барысындағы кемшіліктер мен жетістіктерді талқылау» атты кеңейтілген  жиналыс болып өтті.

Бұл бас қосуға ҚР Парламентінен, Мәдениет және Білім-ғылым министрліктерінен, ҒЗИ мен ЖОО және қоғамдық ұйымдар өкілдері  қатысып өз ой-тұжырымдарын ортаға салды.

Бейнесюжеттерді көру үшін төмендегі сілтемелерді басыңыз:

Қымбатты ағайын-бауырлар, ғапу етіңіздер! Бейнелі көріністерде дауыс нашар болып тұр, залдың акустикасы дұрыс емес. Мүмкін бұл жер, ұзақ жылдар өзге үнге бауыр басып кеткендіктен, қазақ үніне тосырқап тұрған шығар…

20 жылда шешімін таппаған мемлекеттік тілге арналған жиынды ҒАЗИЗ ТЕЛЕБАЕВ ашты
Сенатор С Қ ЕҢСЕГЕНОВ Біздің шенеуніктер өзгелерге қазақ тілінде сөйлеуге мүмкіндік бермейді
Өмірзақ Айтбайұлы,20 жылда шешімін таппаған,мемлекеттік тіл жайлы

М САРЫБЕКОВ Ағылшын тілін 1 сыныптан оқуды жаппай ендіруде қателіктерге жол бермейміз
А САРЫМ Өз Елінде ана тілімен өмір сүрген қалың қазақты өзге тілдерде күштеп сөйлету дұрыс па?
Профессор С ҒАББАСОВ,биология заңдылығы, Үкіметтің қаулысына бағынбайды, дейді

ШҚО тіл басқармасының бастығы МАНАРБЕК МҰХАМЕТЖАНОВ мемлекеттік тіл жайлы
А Қ ҚҰСАЙЫНОВ,мемлекеттік қазақ тілінің өзекті мәселелері жайлы

С ҒАББАСОВ Өзге тілде жазып,қазақшаға аудар деген конституциялық норма жоқ
М ШАХАНОВ Үш тұғырлы тіл идеясы, бұл қылмыстық іс әрекет

СҰЛТАНӘЛІ БАЛҒАБАЕВ,кейбір ауыл — аудандарда бүгінге дейін қазақ мектебі жоқ
М Бөтеев Заңдарды өзге тілде жазуды тоқтатпасақ,бұл ерте ме кешпе,апат әкеледі
АСЫЛЫ ОСМАН Өзге этностар,намыссыз шенеуніктерге қарағанда,қазақша сөйлеуге тырысады
М Айтқожина Әрбір қазақ отбасында тіл үшін күрес жүруі тиіс

БАС ҚОСУДАН фотокөріністер:

Алматыдағы Достық үйінде өткен, қазақ тіліне арналған бас қосудан фотокөріністер

Парасатты Ел ағаларының аузынан терілген
ОЙ-ПІКІРЛЕР

1. Елімізде халқымыздың 70 пайызға жуығы қазақ ұлты құрайды, қазақ сыныптарында 2,5 млн. астам бала оқыйды деп біз шаттанамыз, осының бәрі біздің еңбегіміз деп шенеуніктер мақтанады.

Ал осы жетістіктер, бодандық заман қалыптастырып кеткен неше түрлі қиындықтарды жеңе білген, қарапайым қазақтардың Жеңісі екенін және қазақтың өз Елінде өсіп-өнуі табиғи заңдылық екенін ұғатын, ұлттық ойлау қабілеті жаңғырған мемлекеттік қызметкерлер әлі де аздау.

Соның салдарынан, тәуелсіздік мүмкіндіктерін ұлт мүддесіне дұрыс пайдаланып, еліміздегі оң үрдістерді қолдап, дамытуда әр деңгейдегі кейбір шенеуніктердің ойлары, сөздері, іс-әрекеттері сын көтермейді. Бір ғана көрнекті мысал, бүгінгі Үкімет шенеуніктері Ел тәуелсіздігінің 20 жылдығы қарсаңында, мемлекеттік-қазақ тілінің табиғи дамуының өзін тежеуге бағытталған, ешбір ғылыми негіздемесі жоқ, тіпті адами логикаға сыймайтын «Тілдерді қолдану мен дамытудың 2011-2020 жылдарға арналған мемлекеттік бағдарламасы» атты жобасын ұсынып, Мәжіліс пен Сенат депутаттарына мақұлдатып, Президенттің алдына апарып үлгерген.

(Қабылданған Бағдарламаны «үкіметтік» және қоғамдық Жобалардың нұсқаларын салыстырғыңыз келсе:Осы жерді басыңыз )

Ал Ел басшымыз, көрнекті ғалымдар мен ақын-жазушылардың, қоғамдық ұйымдар мен парасатты Ел ағаларының пікірлерін ескеріп, бағдарламаға 1 жылға жуық қол қоймай, өрескел қателіктерді түзетуге ұлттық ойлау қабілеті төмен Үкімет шенеуніктерін мәжбүр еткен.

2. Президент Назарбаевтың аузына АЛЛА салған «Қазақстанның болашағы — қазақ тілінде!» деген ұлағатты сөзі, әр деңгейдегі мемлекеттік шенеуніктердің ұлттық ойлау қабілетін айқындап беретін негізгі критерий-көрсеткіш бола алады.

Егер мемлекеттік шенеунік, жас шамасына қарай, баласын-немересін-шөбересін қазақ балабақшасында тәрбиелеп, қазақ мектебінде оқытса, онда ол Қазақстанның болашағына сенетін азамат. Керісінше, өз ұрпағын өзге тілде тәрбиелеп-оқытқан қазақ шенеуніктері Қазақстанның болашағына сенбейтін пенделер.

Сондықтан, азаматтарды мемлекеттік қызметке алғанда осы критерийді қолдануды, Үкіметтен біртұтас халық болып талап етуіміз керек!

3. Тәуелсіздіктің алғашқы жылдары еліміздегі әлеуметтік-саяси жағдайға байланысты қалыптасқан аудармашылар институты өз міндетін өтеп болып, бүгінгі күні мемлекеттік-қазақ тілінің кең қанат жайып, шынайы қажеттілікке айналуына басты кедергі болып тұр. Ақпараттық технология дамып, өміріміздің барлық саласында қолданыс тауып жатқанда, оны тиімді пайдаланбай, миллиардтаған қаржыны аудармашылар институтына жұмсау мемлекеттік қылмыс.

Мысалы, бар жоғы 1,3 миллион халқына әлемнің 85 тіліндегі ақпаратты он-лайн режимінде, ғаламтордың үздік әлеуметтік желісіндегі Google-аудармашы жүйесі арқылы ана тілінде оқып, өзге тілдерді жаттап алтын уақыттарын сарп етпеуге мүмкіндік жасаған Эстон мемлекетінен неге үлгі алмаймыз?