Арнайы www.internettv.kz үшін Болат Нәукенұлы.

Қазақ Елі, 15 тамыз 2011 жыл

ҚАЗАҚ МЕМЛЕКЕТІНІҢ АТАУЫ ДҰРЫСТАЛСА ,

ТІЛІМІЗ ДЕ, ҰЛТТЫҚ БОЛМЫСЫМЫЗ ДА ЖАҢҒЫРАДЫ

2011 жылы 13 шілде күні, Алматы қаласындағы Қазақстан жазушылары одағының үлкен залында «Алаш үні » қоғамдық бірлестіктер Одағы, «Ғалымдар одағы» республикалық қоғамдық бірлестігінің және «Қазақстан жазушылары одағы» Республикалық қоғамдық бірлестігінің ұйымдастыруымен өткен «Тілдерді қолдану мен дамытудың 2011-2020 жылдарға арналған мемлекеттік бағдарламасы» атты үкіметтік және оған балама «Мемлекеттiк тiлдiң қолданылу аясын кеңейтудiң, оның бәсекеге қабiлеттiлiгiн арттырудың 2011-2020 жылдарға арналған мемлекеттік Бағдарламасы» атты қоғамдық нұсқаларын талқылауға арналған кеңейтілген жиналыстың Шешімімен «ҚР мемлекеттік тілі туралы Заң» жобасын дайындау үшін, ҮЕҰ-дың біріккен Қоғамдық комитеті құрылған еді.

Аталмыш комитеттің Жұмысшы тобының кезекті отырысына  арнайы келген  Астана қаласы «Мемлекеттік тіл» қозғалысының төрағасы, ҚР дипломатия қызметінің еңбек сіңірген қайраткері, Сыртқы Істер Министрлігінің кеңесшісі, экономика ғылымының докторы, профессор САЙЛАУ БАТЫРША-ҰЛЫ қатысып өз ой-тұжырымдарын ортаға салды.

Бейнесюжеттерді көру үшін төмендегі сілтемелерді басыңыз:

САЙЛАУ БАТЫРША ҰЛЫ «Ел атауын, Қазақ Республикасы деп, Конституцияны өзгертуіміз керек»

СІЗДЕР ҚАЛАЙ ОЙЛАЙСЫЗДАР,

ҚҰРМЕТТІ ҚАЗАҚ ЕЛІ АЗАМАТТАРЫ?

Арнайы www.internettv.kz үшін Болат Нәукенұлы.

Қазақ Елі, 7 тамыз 2011 жыл

Қазақтың мемлекеттік тілі

жайлы ащы шындық

(«Алаш үні» қоғамдық бірлестіктер Одағы жұмысына қатысушы Ел ағаларының айтқан пікір-ұсыныстарынан үзінділер)

… Тәуелсіздіктің алғашқы жылдары, мүмкін уақытша қажет болған аударма институты, бүгінгі күні мемлекеттік тілдің кең қанат жаюына ең басты кедергі болып тұр. Тіпті, оны ҚР Үкіметі мемлекеттік-қазақ тілін жаппай қолданысқа ендірудегі өзінің дәрменсіздігін жасыру үшін қолданатын негізгі құралға айналдырып алды.

Нақты өмірде Парламентте де, Үкіметте де, құжаттар өзге тілде дайындалып, талқыланып, бекітіліп, оқылады. Мемлекеттік және Қоғамдық ұйымдарда да, жұмыстар өзге тілде атқарылады.

Шексіз байлықтың үстінде жүрсе де, соған лайықты өмір сүрудің орнына күйбең тіршіліктен бас көтере алмаған 10 млн. астам қазақ халқының көз алдында, мемлекеттік мәртебесі бар ұлттық тілі, нақты өмірде қажетсіз, тек «біздің мекеме-ұйым қазақ тіліне толық көшті» деген жалған ақпарат үшін керек, аудармалық-архивтік өлі тілге айналып барады…

Ұзақ жылдар өздері жол берген, осындай сорақы жағдай ұлттық трагедияға соқтыратынын біле тұра ҚР Үкіметі жедел түрде «Мемлекеттік-қазақ тілі туралы» Заң дайындаудың орнына, «Тілдерді қолдану мен дамытудың 2011-2020 жылдарға арналған мемлекеттік бағдарламасын» дайындап, бекіттіріп алды…

Қазақтың  ұлттық (мемлекеттік) тілі трагедиясына кім кінәлі?

Заңды талап қоя алмайтын ХАЛЫҚ па,

әлде Заңды орындауға құлықсыз БИЛІК пе?

ҚР Конституциясының 7-бабындағы «Мемлекеттiк ұйымдарда және жергiлiктi өзiн-өзi басқару органдарында орыс тiлi ресми түрде қазақ тiлiмен тең қолданылады» деген, ұлттық мүдде тұрғысынан алғанда шалажансар тармақтың өзі орындалмай жүр ғой…

Парламент депутаттары мен Үкімет шенеуніктерінің көпшілігі екі тілді тең қолданып, Ата Заң талаптарын орындап жүр деп бір адам айта ала ма?

Екі тілді тең қолдану тұрмақ, мемлекеттік-қазақ тілін білмейтін азаматтарды Парламентке депутат етіп сайлау, Үкіметке министр етіп тағайындау ҚР Конституциясын қорлап аяққа таптау емес пе???

Ал, тек қана ұлттық (мемлекеттік) қазақ тілінде тәрбиеленіп, білім алған азаматтардың Тәуелсіз Қазақстанның Парламенті мен Үкіметінде жұмыс істеуге дәл бүгін мүмкін еместігі, Ата Заңға қайшы тілдік дискриминация немесе ұлттық трагедия емес пе???

СІЗДЕР ҚАЛАЙ ОЙЛАЙСЫЗДАР,

ҚР КОНСТИТУЦИЯСЫН СЫЙЛАЙТЫН,

ҚАЗАҚ ЕЛІ АЗАМАТТАРЫ?

Арнайы www.internettv.kz үшін Болат Нәукенұлы.

Қазақ Елі, 14 шілде 2011 жыл.

Кеше, 2011 жылы 13 шілде күні, Алматы қаласындағы Қазақстан жазушылары одағының үлкен залында «Алаш үні « қоғамдық бірлестіктер Одағы, «Ғалымдар одағы» республикалық қоғамдық бірлестігінің және «Қазақстан жазушылары одағы» Республикалық қоғамдық бірлестігі нің

ұйымдастыруымен «Тілдерді қолдану мен дамытудың 2011-2020 жылдарға арналған мемлекеттік бағдарламасы» атты үкіметтік және оған балама «Мемлекеттiк тiлдiң қолданылу аясын кеңейтудiң, оның бәсекеге қабiлеттiлiгiн арттырудың 2011-2020 жылдарға арналған мемлекеттік Бағдарламасы» атты қоғамдық нұсқаларын талқылауға арналған кеңейтілген  жиналыс болып өтті.

Бұл жиында, 300-дей Мемлекеттік-қазақ тілінің, яки ұлттың болашағын ойлаған қоғамдық ұйым өкілдері және жер-жерден  Қазақ Елі азаматтары

БАС ҚОСЫП, өз ой-тұжырымдарын ортаға салды.

Өз Елінің ұлттық, мемлекеттік-қазақ тілінен жеріген, тіпті «Қазақстанның болашағы -қазақ тілінде!» деп ұран тастаған Президент Назарбаевтың сөзін жерге тастап-елемеген бүгінгі Үкіметке өкпесі қара қазандай, қазақ халқының осы БАС ҚОСУҒА жиылған өкілдері, «Мемлекеттік -қазақ Тілі Заңы» болмай, ана тіліміз ешқашан өз тұғырына қонбайды деген тұжырым жасап, аталмыш Заң жобасын жасайтын Қоғамдық комитет құруға Шешім қабылдады.

ҮЕҰ-дың Біріккен Қоғамдық комитетінің жетекшісі- Қоғамдық комитет жетекшісі – ҚР мемлекеттік сыйлығының иегері, Қазақстан ғалымдар Одағының президенті, «Алаш үні» ҚБО Билер кеңесінің төрағасы, экономика ғыл. докторы, ҰИА академигі Оразалы Сәбден

ҮЕҰ-дың Біріккен Қоғамдық комитеттің үйлестірушісі - «Аллажар-қолдау» ҚҚ төрағасы Марат Бөтеев

Бейнесюжеттерді көру үшін төмендегі сілтемелерді басыңыз:

Ұлт болашағын ойлаған Қазақ Елі азаматтарының БАС ҚОСУЫ,кіріспе сөз ОРАЗАЛЫ СӘБДЕН

Ұлт болашағын ойлаған Қазақ Елі азаматтарының БАС ҚОСУЫ,баяндама С ҒАББАСОВ

Ұлт болашағын ойлаған Қазақ Елі азаматтары БАС ҚОСТЫ,сөз МАРАТ БӨТЕЕВ
…………………………………………………………………………………..
Сайраш Әбішқызы 10 жылға Бағдарлама қабылдау,қазақ тілін өсіру емес,өшіру
Раушан Дәулетбекова Тіліміздің мүшкіл халіне,біз,қазақ аналары қыздары кінәліміз
Н Есмырзаев Билікке,ұрпағын қазақша тәрбиелеп оқытқандарды ғана,отырғызу керек
«Біз, аналар түзелгенде ғана, қазақ ұлты жаңғырады» дейді, ҚҰРБАНГҮЛ АРЫСТАНҚЫЗЫ
ТӨЛЕУБЕК СЕЙІТҚАЛИҰЛЫ Ана тілін білмейтін қазақтар, Билікте болмауы тиіс

…………………………………………………………………………………..

Сайраш Әбішқызы 10 жылға Бағдарлама қабылдау,қазақ тілін өсіру емес,өшіру
Әбілсейіт Айханов Қазақ халқы,Қазақ мемлекеті деп нық сөйлемейінше,тіліміз оңбайды
САПАБЕК ӘСІП Ұлт жанашырлары, қазақ тілінде ұдайы, ЖЕР мәселесін көтерулері тиіс
Мемлекеттік қазақ тілін қолдау әрбір азаматтың парызы және міндеті, дейді жастар
Академик С САТЫБАЛДИН Қазақтың ең үлкен байлығы, ол оның Тілі
Ұрпағының ұлттық болмысын,ІТ технология көмегімен,жаңғыртуды көздеген Рамазан Жәшиұлы
Академик Ә Бейсенова Алаш арыстарының орнын басу үшін,ұрпағымыз ана тілінде тәрбиеленуі
Ақын ЖАРЫЛҚАСЫН АМАНҰЛЫ Өз отбасын басқара алмайтындар,Елге билік жүргізгісі келеді
Академик С ҚИРАБАЕВ Қазақ тіліне қажеттілік тудыратын орта қалыптастырайық

…………………………………………………………………………………..
ОРАЗАЛЫ СӘБДЕН Ұлт әлеуетін тиімді қолдануды қолға алайық,ағайын
С ҒАББАСОВ,Үштұғырлы тіл,қаскүнемдер шығарған,қатерлі саясат деп қорытты

БАС ҚОСУДАН фотокөріністер:

ҰЛТ болашағын ойлаған Қазақ Елі азаматтарының БАС ҚОСУЫ,фотокөріністер

2011 жылы 8 шілде күні, Алматы қаласындағы Қазақстан халқы Ассамблеясының  «Достық үйінде» ҚР Мәдениет министрлігінің ұйымдастыруымен «Мемлекеттiк тiлдiң қолданылу аясын кеңейтудiң, оның бәсекеге қабiлеттiлiгiн арттырудың 2007-2010 жылдарға арналған тұжырымдамасының орындалу барысындағы кемшіліктер мен жетістіктерді талқылау» атты кеңейтілген  жиналыс болып өтті.

Бұл бас қосуға ҚР Парламентінен, Мәдениет және Білім-ғылым министрліктерінен, ҒЗИ мен ЖОО және қоғамдық ұйымдар өкілдері  қатысып өз ой-тұжырымдарын ортаға салды.

Бейнесюжеттерді көру үшін төмендегі сілтемелерді басыңыз:

Қымбатты ағайын-бауырлар, ғапу етіңіздер! Бейнелі көріністерде дауыс нашар болып тұр, залдың акустикасы дұрыс емес. Мүмкін бұл жер, ұзақ жылдар өзге үнге бауыр басып кеткендіктен, қазақ үніне тосырқап тұрған шығар…

20 жылда шешімін таппаған мемлекеттік тілге арналған жиынды ҒАЗИЗ ТЕЛЕБАЕВ ашты
Сенатор С Қ ЕҢСЕГЕНОВ Біздің шенеуніктер өзгелерге қазақ тілінде сөйлеуге мүмкіндік бермейді
Өмірзақ Айтбайұлы,20 жылда шешімін таппаған,мемлекеттік тіл жайлы

М САРЫБЕКОВ Ағылшын тілін 1 сыныптан оқуды жаппай ендіруде қателіктерге жол бермейміз
А САРЫМ Өз Елінде ана тілімен өмір сүрген қалың қазақты өзге тілдерде күштеп сөйлету дұрыс па?
Профессор С ҒАББАСОВ,биология заңдылығы, Үкіметтің қаулысына бағынбайды, дейді

ШҚО тіл басқармасының бастығы МАНАРБЕК МҰХАМЕТЖАНОВ мемлекеттік тіл жайлы
А Қ ҚҰСАЙЫНОВ,мемлекеттік қазақ тілінің өзекті мәселелері жайлы

С ҒАББАСОВ Өзге тілде жазып,қазақшаға аудар деген конституциялық норма жоқ
М ШАХАНОВ Үш тұғырлы тіл идеясы, бұл қылмыстық іс әрекет

СҰЛТАНӘЛІ БАЛҒАБАЕВ,кейбір ауыл — аудандарда бүгінге дейін қазақ мектебі жоқ
М Бөтеев Заңдарды өзге тілде жазуды тоқтатпасақ,бұл ерте ме кешпе,апат әкеледі
АСЫЛЫ ОСМАН Өзге этностар,намыссыз шенеуніктерге қарағанда,қазақша сөйлеуге тырысады
М Айтқожина Әрбір қазақ отбасында тіл үшін күрес жүруі тиіс

БАС ҚОСУДАН фотокөріністер:

Алматыдағы Достық үйінде өткен, қазақ тіліне арналған бас қосудан фотокөріністер

Парасатты Ел ағаларының аузынан терілген
ОЙ-ПІКІРЛЕР

1. Елімізде халқымыздың 70 пайызға жуығы қазақ ұлты құрайды, қазақ сыныптарында 2,5 млн. астам бала оқыйды деп біз шаттанамыз, осының бәрі біздің еңбегіміз деп шенеуніктер мақтанады.

Ал осы жетістіктер, бодандық заман қалыптастырып кеткен неше түрлі қиындықтарды жеңе білген, қарапайым қазақтардың Жеңісі екенін және қазақтың өз Елінде өсіп-өнуі табиғи заңдылық екенін ұғатын, ұлттық ойлау қабілеті жаңғырған мемлекеттік қызметкерлер әлі де аздау.

Соның салдарынан, тәуелсіздік мүмкіндіктерін ұлт мүддесіне дұрыс пайдаланып, еліміздегі оң үрдістерді қолдап, дамытуда әр деңгейдегі кейбір шенеуніктердің ойлары, сөздері, іс-әрекеттері сын көтермейді. Бір ғана көрнекті мысал, бүгінгі Үкімет шенеуніктері Ел тәуелсіздігінің 20 жылдығы қарсаңында, мемлекеттік-қазақ тілінің табиғи дамуының өзін тежеуге бағытталған, ешбір ғылыми негіздемесі жоқ, тіпті адами логикаға сыймайтын «Тілдерді қолдану мен дамытудың 2011-2020 жылдарға арналған мемлекеттік бағдарламасы» атты жобасын ұсынып, Мәжіліс пен Сенат депутаттарына мақұлдатып, Президенттің алдына апарып үлгерген.

(Қабылданған Бағдарламаны «үкіметтік» және қоғамдық Жобалардың нұсқаларын салыстырғыңыз келсе:Осы жерді басыңыз )

Ал Ел басшымыз, көрнекті ғалымдар мен ақын-жазушылардың, қоғамдық ұйымдар мен парасатты Ел ағаларының пікірлерін ескеріп, бағдарламаға 1 жылға жуық қол қоймай, өрескел қателіктерді түзетуге ұлттық ойлау қабілеті төмен Үкімет шенеуніктерін мәжбүр еткен.

2. Президент Назарбаевтың аузына АЛЛА салған «Қазақстанның болашағы — қазақ тілінде!» деген ұлағатты сөзі, әр деңгейдегі мемлекеттік шенеуніктердің ұлттық ойлау қабілетін айқындап беретін негізгі критерий-көрсеткіш бола алады.

Егер мемлекеттік шенеунік, жас шамасына қарай, баласын-немересін-шөбересін қазақ балабақшасында тәрбиелеп, қазақ мектебінде оқытса, онда ол Қазақстанның болашағына сенетін азамат. Керісінше, өз ұрпағын өзге тілде тәрбиелеп-оқытқан қазақ шенеуніктері Қазақстанның болашағына сенбейтін пенделер.

Сондықтан, азаматтарды мемлекеттік қызметке алғанда осы критерийді қолдануды, Үкіметтен біртұтас халық болып талап етуіміз керек!

3. Тәуелсіздіктің алғашқы жылдары еліміздегі әлеуметтік-саяси жағдайға байланысты қалыптасқан аудармашылар институты өз міндетін өтеп болып, бүгінгі күні мемлекеттік-қазақ тілінің кең қанат жайып, шынайы қажеттілікке айналуына басты кедергі болып тұр. Ақпараттық технология дамып, өміріміздің барлық саласында қолданыс тауып жатқанда, оны тиімді пайдаланбай, миллиардтаған қаржыны аудармашылар институтына жұмсау мемлекеттік қылмыс.

Мысалы, бар жоғы 1,3 миллион халқына әлемнің 85 тіліндегі ақпаратты он-лайн режимінде, ғаламтордың үздік әлеуметтік желісіндегі Google-аудармашы жүйесі арқылы ана тілінде оқып, өзге тілдерді жаттап алтын уақыттарын сарп етпеуге мүмкіндік жасаған Эстон мемлекетінен неге үлгі алмаймыз?

«Алаш үні» қоғамдық бірлестіктер Одағы

Құрметті, ұлт болашағын ойлаған Қазақ Елінің азаматтары!!!

Сіздерді

«Тілдерді қолдану мен дамытудың 2011-2020 жылдарға арналған мемлекеттік бағдарламасы» атты үкіметтік және оған балама «Мемлекеттiк тiлдiң қолданылу аясын кеңейтудiң, оның бәсекеге қабiлеттiлiгiн арттырудың 2011-2020 жылдарға арналған мемлекеттік Бағдарламасы» атты қоғамдық нұсқаларын талқылауға арналған

бас қосуға

шақырамыз

Екі нұсқамен танысу үшін:

Осы жерді басыңыз

Жиналыс
2011 жылдың 13 шілдесі күні Алматы қаласы, Абылай хан даңғылы, 105 Қазақстан «Жазушылар үйі» ғимаратының үлкен залында сағат 14.30 -да басталады.

Жиналыстың өту тәртібі:

14.00-14.20 – Жиналысқа қатысушыларды тіркеу;

14.30-14.35 – Жиналыстың ашылуы, Кіріспе сөз. «Алаш үні» одағы Билер Кеңесінің төрағасы, Қазақстан Ғалымдар одағының Президенті, ҚР Мемлекеттік сыйлығының лауреаты, ҚР ҰИА академигі, э.ғ.д., профессор Оразалы Сәбден;

14.40-14.55 – Баяндама «Мемлекеттiк тiлдiң қолданылу аясын кеңейтудiң, оның бәсекеге қабiлеттiлiгiн арттырудың 2011-2020 жылдарға арналған мемлекеттік Бағдарламасының өзекті мәселелері»

Баяндамашы: Балама бағдарлама Жобасын жасау тобының жетекшісі – «Алаш үні» ҚБО құрметті төрағасы, жазушы-дәрігер, «Махамбет» сыйлығының лауреаты, Медицина және Педагогика ғылымдарының докторы, профессор Совет-Хан Ғаббасов;

14.55-15.15 – Балама бағдарлама мен үкіметтік нұсқаның негізгі айырмашылықтарын таныстыру. Бағдарлама жобасын ұсынушы, «Алаш үні» ҚБО құрылтайшысы, «Аллажар-қолдау» қоғамдық қорының президенті Марат Бөтеев;

15.20-16.50 – жарыссөз, талқы, бағдарламаға ұсыныстар енгізу; (Ескерту: жарыссөзге алдын-ала жазылу керек);

16.50-17.00 – Жиналыстың шешімін жариялау және бекіту.

«»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»

«Алаш үні»

қоғамдық бірлестіктер Одағының

ҚҰРЫЛТАЙШЫЛАРЫ

1. «Аллажар-қолдау» қоғамдық қоры, президенті Марат Бөтеев;

1. «Алаш» тарихи-зерттеу орталығы,

президенті Хайролла Ғабжалилов;

3. «Асар» оралмандардың республикалық бірлестігі, төрағасы Қайрат Бодаухан;

4. «Жанашыр» халықаралық қайырымдылық қоры, президенті Жаңыл Әпетова;

5. «Жерұйық» қоғамдық бірлестігі, төрағасы Болатбек Төлепбергенов;

6. «Қазақ интернеті» қоғамдық бірлестігі, төрағасы Серікқазы Кәкібаланов;

7. «Ұлттық журналистік зерттеу орталығы» қоғамдық қоры, президенті Дәрмен Смайыл.

«»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»

Байланыс:

Болат Нәукенұлы Бөтеев

«Алаш үні»

Қоғамдық бірлестіктер одағының

үйлестірушісі

www.internettv.kz

E-mail: Bolat53@bk.ru,

nauryzbai@mail.ru

8 701 712 4511

8 701 277 1683

225 25 11

Қазақ Елі, 28 желтоқсан 2010 жыл

Ұлтымыз мәңгі жасасын десек,

өз Еліміздің шегінде, баршамыз Үйде де, Түзде де

тек қана қазақша сөйлейік, ҚАНДАСТАР !!!

Біздің дана ата-бабаларымыз  атаға, ауылға, руға топтасып -тайпаға, жүзге бірігіп – біртұтас Қазақ Елі болып өмір сүріп, сыртқы жауларға қарсы тұрға алған.

Олар осылай ғана кең-байтақ жерімізді, сарқылмас байлығымызды қорғап – сақтап бізге жеткізді. Бүгінгі ұрпақтың мақсаты – тірі жүру мен қарын тойдыру ғана емес, қасиетті жерімізді, оның зор байлығын ұрпақтан ұрпаққа жеткізетін, мемлекеттілікті ұлт мүддесіне қызмет еткізе алатын – ұлттық жауапкершілік ортаны, яки, азаматтық қоғамды қалыптастыру.

Ұлтшылдығымызды құпия сақтаудан, өз елімізде – өгей, өз жерімізде – кедей болудан, жалған мәдениеттілік пен қазақ үнінің өшіп бара жатқандығынан шаршадық…

Бұдан әрі, көлеңкелі экономика мен сыбайлас жемқорлар жайлаған қоғамда, құлшылық өмір сүру мүмкін емес.

Бәріміздің де жауап берер кезіміз келді:

Ұлт болып қаламыз ба? Жоқ па?

Бізге қақтығыстар мен төңкерістер керек емес, бізге қажеті – Ұлттық мемлекетімізді дамыту. Бізге ештеңені бүлдірудің де, сындырудың да, өзгелерге жалтақтап-еліктеудің де қажеті жоқ…

Бізге керегі – қазақтың тарихын зерделеу арқылы, Қазақ Елі азаматтық қоғамының алтын діңгегі болатын, қазіргі заман талаптарына лайық, еліміздің заңдарына сай, біртұтас халқымызға ортақ әр деңгейдегі көп салалы «ҰЖДАН» қоғамдық мәдени-ағарту Клубтарын құру.

«Отбасы – жеке қазақ» деңгейлеріне дейін ыдыраған бүгінгі ҚАЗАҚ ҚОҒАМЫ, ұрпағына толыққанды ұлттық тәрбие бере алмайтын жағдайда отыр.

…әлімсақтан қазақ санасында, АУЫЛ деген ұғым өте киелі. Ел-жұрт топтасып қоныстанған елді мекен, үлкен-кішілігіне қарамай, АУЫЛ деп аталып, ол жерде ұлттық ТӘРБИЕЛІК және ЖАУАПКЕРШІЛІК ОРТА қалыптасып, ұрпақ тәрбиесі дұрыс жүйелі жолға қойылған еді. Бұл ортадан тәрбиелі, қарапайым еңбекқор қазақтармен қатар ұлтының мақтанышы болған, АУЫЛДАСТАРЫНЫҢ алдындағы жауапкершілікті жан-тәнімен сезінген, жігіт ағалары, ауыл ағалары, ауыл ақсақалдары, Ел ағалары, ақын-жыраулар, батырлар, әмбебаб-ұсталар, ғұлама билер үздіксіз шығып отырған…

Бүгінгі Қазақ Елінде қалыптасқан жағдайды түзеу үшін, әр-бір елді мекенде (ауылда), бірінші кезекте ірі қалаларда, отырықшылыққа ерте өткен өзбек ағайындардың (мәхалла) үлгісімен – «микрорайон», «ықшамаудан», «квартал», «бәленбай-сити» т.б. басын құрап отырған — қазіргі ПИК (КСК) – терді АУЫЛДАР деп атап, онда қоғамдық бақылауды күшейту мақсатында, өмір елегінен өткен, парасатты ауыл ақсақалдары – ел ағаларынан БИЛЕР сайлап, осындай әр АУЫЛДЫ — ТӘРБИЕЛІК әрі ЖАУАПКЕРШІЛІК ортаға айналдыру үшін, сол ауылдарда барша тұрғындарға ортақ көп салалы «ҰЖДАН» қоғамдық мәдени-ағарту Клубтарын ұйымдастыру керек…

Жеке азамат отбасына – отбасының белсенді мүшелері әр ауылдың (елді мекеннің) мәдени-ағарту Клубтарына топтасып-бірігіп– мыңдаған «ҰЖДАН» қоғамдық мәдени-ағарту Клубтары арқылы – гүлденген ҚАЗАҚ ЕЛІНЕ айналайық!

Қазақтың ұлттық ойлау қабілетін жаңғыртушылардың ең басты міндеті – әрбір жанның қанында сақталған тарихи жадын қозғауға белсене ат салысып, жады оянған азаматтардың басын қосып, Қазақ Елі заңдары аясында, қазіргі заман талаптарын ескере отырып, кемеңгер ата-бабаларымыз бізге АМАНАТ етіп кеткен қазақ азаматтық қоғамының шежірелік (корпоративтік) жүйесін қайта жаңғыртып, нағыз ұлттық ТӘРБИЕЛІК әрі ЖАУАПКЕРШІЛІК ортаны қалыптастырып, халық мүддесін қорғауда, Қазақ Елінің біртұтас халқы таңдаған БИЛІККЕ белсенді қолдау көрсету.

Қазақ Елі азаматтық қоғамын жаңғырту формуласы немесе тоқсан ауыз сөздің тобықтай түйіні:

Егер біртұтас Қазақстан халқының кез-келген өкілі, өзі өмір сүрген елді мекенде, өзі сияқты 13-тен аса жанға беделді болып, топтастырып, сөзін өткізе алатын тәрбиелі-білімді азамат болса – ЖІГІТ АҒАСЫ атағына ие, өзінікі сияқты 13-тен аса отбасына беделді болып, ұйыстырып, ақылын айтып, тұрмыстық мәселелерді шешуде көмек бере алатын өмірлік тәжірибесі бар отағасы болса – АУЫЛ АҒАСЫ атағына ие, 13-тен аса АУЫЛ АҒАСЫНА беделді болып, оларды өнегелі іске жұмылдырып, ұлағатты сөз айта алатын парасат иесі болса – АУЫЛ АҚСАҚАЛЫ атағына ие, 13-тен аса АУЫЛ АҚСАҚАЛЫНА беделді болып, халықтың әлеуметтік мәселелерін шешуге қатысып, елді ұйытқан тұлғалы азамат болса – ЕЛ АҒАСЫ атағына ие, 13-тен аса ЕЛ АҒАСЫНА беделді болып, топтастырып, бір ауыз сөзімен дауды шешетін кемеңгер тұлға болса – БИ атағына ие болатын ТӘРБИЕЛІК һәм ЖАУАПКЕРШІЛІК ОРТАНЫ құруға белсенді қатысса, сонда бұл орта жергілікті өзін-өзі басқарудың, яки ұлттың өзін-өзі сақтауының, табиғи сұрыптауға негізделген Жүйесін қалыптастыратын еді.

Сонда ғана ұлттық ойлау қабілеті жаңғырған қазақ халқы ТІЛІНЕ, САЛТ-ДӘСТҮРІНЕ, ДІНІНЕ, ЖЕРІНЕ түбегейлі ИЕЛІК етіп БАЙ-ҚУАТТЫ өмір сүрер еді, сонда ғана қазақ халқына басқа діни ағымдар, тіпті жахандануда қорқынышты болмас еді.

Кітапшаны толық оқығыңыз келсе, мына сілтемеге кіріңіз:
ҚАЗАҚ ХАЛҚЫ, бай-қуатты болуы үшін, НЕ ІСТЕУІ КЕРЕК ?

Арнайы www.internetTV.kz үшін Болат Нәукенұлы.Қазақ Елі,31 тамыз 2010 жыл

Армысыздар, ардақты ағайын-бауырлар!

«ҰЖДАН»пікір-сайыс клубына хош келдіңіздер!!!

Қазақ Елінің дамып-гүлденуіне мүдделі, ұлттық болмысымызды жаңғыртуға бағытталған ой-пікір айтуға ұмтылған азаматтардың пікір-сайыс клубы туралы

ЕРЕЖЕ

1. Жалпы ережелер

1.1 «Ұждан» пікір-сайыс клубы жұмысына(бұдан әрі — Клуб), ұлттық ойлау қабілеті жаңғырған, Қазақ Елін жан-тәнімен сүйіп, оның мемлекеттік тілін біліп-қолданатын, кез-келген азамат қатысып, мүше бола алады.
1.2 Клуб жұмысы, халыққа мәдени-ағартушылық қызмет көрсетуді көздеген азаматтардың қоғамдық белсенділігін іске асыру формасы болып табылады. Клуб отырыстары айына, кем дегенде, бір мәрте өткізіліп тұрады.
1.3 Клуб жұмысын қоғамдық негізде оның Үйлестіру Кеңесі басқарады. Кеңес тағайындаған хатшы, осы Ереже аясында атқарылатын жұмыстарды ұйымдастыру және басқару шараларын жүзеге асырып, Клубқа жүктелген міндеттердің атқарылуы үшін жауап береді.
1.4 Клуб отырыстарынан түсірілген фото-видео репортаждар мен жазылған мақалалар, «Қазақ Елі» халықтық бейнелі энциклопедиясы (www.internetTV.kz) сайтында, «Ашық танымдық энциклопедия» (www.tor.kz) сайтында, «Ел райы» (www.elrayi.kz) сайтында, www.qazaq.kz интернет-журналында толығымен жариялануымен қатар, Клубты қолдаушы ұйымдар мен жеке тұлғалардың интернет-ресурстарында және басылымдарында да жарық көреді.

1.5 Клуб жұмысы, мемлекеттік және қоғамдық ұйымдарымен қатар, жеке тұлғалардың зерделік, материалдық әлеуетіне сүйеніп және олардың қатысуымен жүзеге асырылады.

1.6 Клубтың Ережелері мен жұмыс істеу тәсілдері, Клуб мүшелерінің тілек-ұсыныстары негізінде, жүйелі түрде жетілдіріліп — жаңаланып отырады.

2. Клубтың мақсаты мен жұмысының мазмұны

2.1 Клубтың мақсаты — қоғамның сан-салалы өзекті мәселелерінің ашық талқылануын, ұлттық ойлау қабілеті жаңғырған азаматтардың көмегімен ұйымдастырып, дәстүрлі және желілі БАҚ арқылы қалың бұқараға жеткізу.
2.2 Клуб қызметінің негізгі мазмұны — Қазақ Елі азаматтарының зерделік әлеуетін, халыққа мәдени-ағартушылық қызмет көрсетудің ең тиімді-үйлесімді Жүйесін құруға бағыттап, оны іске асыруда мемлекеттік және қоғамдық ұйымдарға көмектесу үшін:

• қазақтың тұлғалы азаматтары мен ғалымдарының (әл-Фараби, Яссауи, Қорқыт Ата, Асан қайғы, Абылай, Абай, Шәкәрім, Қаныш Сәтбаев, Әлкей Марғұлан, Ақжан Машани т.б.) дүниетанымын зерделеп, олардың өмірі мен ұлтқа жасаған қызметін насихаттау;
• қазақ ұлтының төл мәдениет үлгілерін, салт-дәстүр, ұлттық тарихы мен әдебиетін насихаттау негізінде рухани-адамгершілік тәрбие беру;
• елге танымал, ғалымдар, жазушылар, мәдениет және қоғам қайраткерлерімен қатар, парасатты Жігіт ағалары, Ауыл ағалары және Ел ағаларымен кездесулер ұйымдастыру;
• ішімдік, нашақорлық, шылым шегу т.б. қоғамға және жастардың жеке басына зиянды әрекеттерге қарсы бағытталған тәрбиелік мәні бар лекциялар, дебаттар өткізу;
• белсенді, шығармашыл жастарды іздестіру және мәдени-ағарту шараларын ұйымдастыруға тарту;
• ғылыми-практикалық конференциялар, дебат, бәйгелер, форумдар, дөңгелек үстелдер ұйымдастыру және оларға қатысу, Клуб мүшелерінің әртүрлі Республикалық және халықаралық конференциялар мен ғылыми-мәдени шараларға қатысуына көмектесу;
• Клуб мүшелерінің кәсіби білімдері мен тәжірибелілігін көтеруіне жағдайлар жасау;
• Қазақстан Республикасының заңдарына қайшы келмейтін басқа да қызмет түрлерін атқару.

«»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"»"

Клубқа мүшелік жайлы

· Клуб жұмысына тұрақты қатысушыларға мүшелік Кітапша беріледі.

· Айлық мүшелік жарна – 100 теңге

Клуб секциялары

1. БАСПАСӨЗ және РУХАНИЯТ

2. ИНТЕРНЕТ және РУХАНИЯТ
3. КИНО және РУХАНИЯТ
4. ТЕЛЕДИДАР және РУХАНИЯТ
5. АЗАМАТТЫҚ ҚОҒАМ және РУХАНИЯТ
6. МЕМЛЕКЕТ және РУХАНИЯТ

7. ПОЭЗИЯ және РУХАНИЯТ

Секция жетекшілерін клубтың Үйлестіру Кеңесі тағайындайды.

Әр секция өз жұмыс кестесін және мүшелік жарна мөлшерін дербес шешуге құқылы.
Басқа да тақырыптарға секция ашып, оны жүргізуге ниеті бар клуб мүшелері қолдау табады.

Үйлестіру Кеңесінің құрамы:

1. Ғаббасов Совет-Хан — медицина және педагогика ғылымдарының докторы, профессор, «АЛАШ ҮНІ» қоғамдық бірлестіктер Одағының төрағасы;

2. Мамбеталин Серікжан — «РУХАНИЯТ» жасылдар партиясының Төрағасы;

3. Бөтеев Марат — «Ұрпақ тәрбиесі» ғылыми әдістемелік орталығы» мемлекеттік емес білім беру мекемесінің директоры;

4. Кохаева Айгүл — «АKNAR CopyRight» ЖШС директоры, «Ел райы» (www.elrayi.kz) сайтының жетекшісі;

5. Кәкібаланов Серікқазы — «Қазақ Интернеті» Қоғамдық Бірлестігінің төрағасы,(www.qazaq.kz ) интернет-журналының жетекшісі;

6. Нағиев Ізгілік — «Қаламгер ТЕН» ЖШС директоры, «Ашық танымдық энциклопедия» (www.tor.kz) сайтының жетекшісі;

7. Бөтеев Болат Нәукенұлы – «Қазақ Елі» халықтық бейнелі энциклопедиясы (www.internetTV.kz) сайтының жетекшісі.

«ҰЖДАН» клубының мекен-жайы:

Алматы қаласы, Тимирязев көшесі, 15 Б үй, 3-ші қабат, 3-ші бөлме.

Байланыс телефондары: 393-98-43, 8 701 747 4791, 8 777 342 4813, 8 701 712 4511.

«»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»

«ҰЖДАН» пікір-сайыс клубына техникалық демеуші болған орталық туралы қысқаша мәлімет:

«АҚПАРАТТЫҚ ЖЕДЕЛ ЖӘРДЕМ»

орталығы

«Қаламгер ТЕН» ЖШС, «Қазақ Интернеті» Қоғамдық Бірлестігі,»АKNAR CopyRight» ЖШС, «Аллажар-қолдау» Қоғамдық Қоры және «АЛАШ ҮНІ» қоғамдық бірлестіктер Одағының бірлескен Жобасы аясында, ақпарат жинау-тарату және ақпараттық-талдау саласына мамандануды көздеген орталық. Интеллектуалдық ақпараттық нарықта белсенді қызмет етуге бағыт алған. Орталыққа кәсіпқой журналистер, пиаршы-мамандар, саясаттанушылар, әлеуметтанушылар топтастырылуда. Негізінен Интернет кеңістігінде қызмет етуге басымдық берілген.
Орталықтың интеллектуалдық ресурстық базасы қалыптасқан. Электронды (Интернет) кеңістікте және баспасөз нарығында жұмыс істейтін бұқаралық ақпарат құралдарымен, ақпараттық талдау, сараптамалық агенттіктермен тығыз байланыс орнатылады. Өзіне қарасты дыбыс-бейне жазу студиясы, баспаханасы, www.qazaq.kz,www.internetTV.kz,www.tor.kz,www.elrayi.kz,www.allazhar.kz,www.baige.kz,www.orleu.kz сияқты 40-тан аса Интернет газет-журналдары мен сайттары бар.

Көрсетілетін қызмет түрлері:

● әлеуметтік зерттеулер жүргізу;
● контент-талдау;
● деректер базасын қалыптастыру;
● талдамалық-сараптамалық қызмет;
● медиа-жоспар дайындау және іске асыру;
● тапсырыспен материалдар (мақала, баспасөз-релизі, слоган, сценарий, т.б.) дайындау;
●материалдарды баспасөзде, интернет сайттарда жариялау;
● аударма жасау;
● қоғаммен байланыс бойынша кеңес беру;
● қоғамдық пікір қалыптастырудың алғы шарттарын жасау;

Жеке тұлғаларға арналған қызметтер:

Оң пікір қалыптастыру.
Сараптамалық, зерттеу, тақырыптық мақалалар.
Дөңгелек үстел ұйымдастыру
БАҚ жариялау
Ресми орындармен байланыс
Қоғам назарына ұсыну

Ұйымдар, Мекемелерге арналған қызметтер:

Қоғамдық пікір қалыптастыру
Басымдық және қарсылас тараптарды анықтап пікірлер тудыру
Мақалалар, ТВ сюжет.
Интернет конференция
Дөңгелек үстел
Клубта тақырып ашу

ОРТАЛЫҚТЫҢ ІС-ӘРЕКЕТ ТҰҒЫРНАМАСЫ

1. Белгілі бір мәселе (объект) бойынша қалыптасқан ахуалды сараптау және материалдар жинау бойынша ұсыныстар жасау.
2. Мүдделі және қарсылас жақтарды айқындау. Екі жақтың себептік, дәлелдік, айғақтық, заңдылық негіздемелерін анықтау. Екі жақтың ресурстарын айқындау. Мәселенің рольдік функцияларын бөлу.
3. Өзіміз қызыққан мәселеге қатысты істі бастау үшін, бастапқы материалдарды жинақтау.
4. Мәселені жан-жақты талдауға БАҚ-рын тарту.
5. Мәселеге қатысты, жергілікті жерлердегі заңсыз іс-әрекеттерге, азаматтар арқылы, құқық қорғау орындарының назарын аудару.
6. Баспасөз орталықтарында мүдделі адамдардың Баспасөз мәслихаттарын ұйымдастыру.
7. Мәселеге қатысты, жағдайдың аралық сараптамасын жасап, мәмлеге келетін вариантты табуға ұмтылу.
8. Керекті бағыттағы қоғамдық пікірді қалыптастыру.

9. Елдің игі-жақсыларының ішінен, мәселеге (объектке) бүйрегі бұратындарды тарту.
10. Орталықтың, мәселеге қатысты, мүдделі ісіне құқық қорғау ұйымдарын тарту.
11. Мәселеге қатысты, жағдайдың қалыптасуын сараптау және келесі кезеңнің міндеттерін анықтау.

Құрметті көпшілік!
«ҰЖДАН» пікір-сайыс Клубының жұмысына, ғаламтордағы мына

http://groups.google.com/group/uzhdan_cluby

мекен-жайға кіріп, немесе, жоғарыда айтылған Клубты қолдайтын сайттарда орнатылатын, төменде көрсетілген «түймелерді» басу арқылы, пікір-ұсыныс-мақала жазып қатысуларыңызға болады:

«ҰЖДАН» пікір-сайыс клубы

E-mail:

Осы Клубқа кіру

АҚПАРАТТЫҚ ЖЕДЕЛ ЖӘРДЕМ ОРТАЛЫҒЫ

E-mail:

Осы орталыққа кіру

Арнайы www.internetTV.kz үшін Болат Нәукенұлы.
Қазақ Елі, 18 мамыр 2010 жыл

2010 жылы 14 мамыр күні, Қазақстан жазушылар Одағы мен Алматы қаласы әкімшілігінің ұйымдастыруымен, Қазақтың белгілі ақыны, Халықаралық «Алаш» сыйлығының иегері Оразақын Асқардың 75- жасқа толуына орай «Өлеңім-Өмірбаяным!» атты жыр кеші болып өтті.

Бейнесюжеттерді көру үшін төмендегі сілтемелерді басыңыз:

Қазақ Еліне танымал ақын ОРАЗАҚЫН АСҚАР — 75 жаста.
Қабдеш Жұмаділов ОРАЗАҚЫН АСҚАР жарасым мен үйлесімнің ақыны
Жәркен Бөдешұлы ОРАЗАҚЫН АСҚАР поэзия зерттеуші, ғалым ақын
Ақын ОРАЗАҚЫН АСҚАРДЫҢ 75 жылдық мерей тойы 1 ші бөлім
Жас ұрпақ ОРАЗАҚЫН АСҚАРДЫҢ шығармаларын оқуда.
ОРАЗАҚЫН АСҚАРДЫҢ шығармашылығы жайлы Бексұлтан Нұржекенің сөзі
Қабдеш Жұмаділов ОРАЗАҚЫН АСҚАР арақ ішпейтін жалғыз, періште ақын
Тұманбай Молдағалиев ОРАЗАҚЫН АСҚАР жар таңдай білген, ақылды АҚЫН
ОРАЗАҚЫН АСҚАР — екі Анасы бар, ерекше Ақын.
Жарылқасын Аманұлы ОРАЗАҚЫН АСҚАР бойына бекзат мінез біткен ақын
Панфилов ауданы әкімшілігінің өкілі Тоқтарбай Керімқұловтың сөзі
Дүние жүзі қазақтары қауымдастығының өкілі Сұлтанәлі Балғабаевтың сөзі
АБАЙ атындағы унивеситеттің проректоры Жанатбек Ішпекбаевтың сөзі
ЖҰЛДЫЗДАР ОТБАСЫ журналының бас редакторы Жарылқап Қалыбайдың сөзі
Ақын ОРАЗАҚЫН АСҚАРДЫ құдасы БОЛАТ, жары АЖАР құттықтауда

МЕРЕЙ ТОЙДАН ФОТОКӨРІНІСТЕР:

2009 жылдың 11 мамыр күні Алматы қаласында Қазақстан Жазушылар Одағы және халықаралық «Платформа Диалог Евразия» қоғамдық ұйымының ұйымдастыруымен белгілі түрік философы Фетхуллаһ Гүленнің қаза тіліндегі алғашқы «БАЯН» атты әдеби-философиялық ой-толғау кітабының тұсаукесері болып өтті.

Бейнесюжеттерді көру үшін төменгі сілтемелерді басыңыз:

Фетхуллаһ Гүлен кітабының тұсаукесері Нұрлан Оразалиннің сөзі
Ерсін Деміршін ұстазы Фетхуллаһ Гүлен ілімін Әлемге таратушы
Совет Хан Ғаббасов бүгінгі Әлем және Фетхуллаһ Гүлен туралы
Сабри Хизметли ұстазы Фетхуллаһ Гүлен туралы Алматы 11 05 09 жыл
Ғарифолла Есім бүгінгі Әлем және Ф Гүлен туралы 11 05 09 жыл
Фетхуллаһ Гүлен және бүгінгі Әлем туралы жазушы Харун Токак сөзі
Нұрлан Оразалин түрік ойшылы Фетхуллаһ Гүлен туралы 11 05 09 жыл

     2009 жылдың  наурыз  айының  18-ші жұлдызында сағат 11.00-де Алматы қаласының Әуезов ауданында орналасқан Қазақстан жазушылары кітапханасының оқу залында   « Ұлыстың ұлы күні — Наурыз» атты мерекелік концерт өтті.  

Шара аясында:  Қазақстанның халық жазушысы, Мемлекеттік тіл қоғамдық қозғалысының төрағасы, Республикалық «Жалын» журналының бас редакторы Мұхтар Шаханов,  Алматы қаласы мәдениет басқармасының бастығы Абдрахманов Ержан Ахметұлы,  Ақын, Жазушылар одағының мүшесі Ибрагим Исаев, Әуезов ауданы әкімінің орынбасары Нүкенов Абзал Нүкенұлы, Орталықтандырылған кітапханалар жүйесінің директоры Қабиева Роза Қасымбекқызы, қалалық және Әуезов аудан әкімшілігінің өкілдері, ақын- жазушылар,  № 86, 72, 13 мектеп оқушылары мен мұғалімдер,  кітапханашылар қатысты.

  Наурыз – көктем мен жаңаруды айшықтайтын мерейі тасыған ұлы мейрам. Тарихи тамыры тереңге бойлаған әз Наурыз  дана халқымыздың қай кезде де еңсесі биік елдіктің, іргесі сөгілмес  бірліктің, ырыс пен береке,  ынтымақтың, үміт пен сенім, тазалық пен татулық секілді қастерлі сезімдерден бастау алған халықтық мерекені баянды ету.  Халқымыздың асыл мұраларына тереңдей үңіліп бағалауға, мәдениетіміз бен дәстүрімізді жан-жақты насихаттауға, тілімізді жандандыруға, достықты нығайтуға арналған қаламгерлеріміздің әдебиеттерін, өлеңдерін насихаттау.         Жас өркендер, бүгінгі ұрпаққа ізгілік нұры төгіліп, еліміздің ертеңгі күніне деген игі сеніміміз бен қадамымызға демеу  болуына баулу мақсатында:

     - « Ұлыстың ұлы күні – Наурыз»   атты    көрмесі ұйымдастырылып оған библиографиялық шолу  жасалды;

     -  Наурыз мейрамына  арналған қазақ ақындарының  өлеңдері  оқылып,   қазақ әндері орындалды;

    -   Бата, шашу, айтыс, жарапазан сынды Наурыздың нақыштарын бейнелейтін театрландырылған көрініс қойылды.  

   Мерекеге

Мерекеде қазақ ақындарының өлеңдерін айтып өнер көрсеткен № 72 мектептің оқушылары:

1. Күләш Ахметова,    «Наурыз нұры»   -    Заманбекова Айым 5 «А»

2. Күләш Ахметова,  «Шақыру» - Сәнді Түйтебай 5 «А»

3. Күләш Ахметова, «Алтыбақан»  - Манапова Нәзерке 9 «Б»

4. Тұманбай Молдағалиев, «Жаңа жыл келді» – Артықбаев Нұрғали

5. Ибрагим Иса, «Наурыз келді» –Ербол Құндыз 7 «А»

6. Ибрагим Иса,  «Наурыз келді» –Ерменбаева Жанар 9 «А»

7. Ибрагим Иса, «Наурызым» — Дінмұхамед Димаш 5 «А»

8. Мақсұт Неталиев, «Наурыз нақыштары» -Саден Жұлдыз 7 «А»

9. Несібелі Иманқызы, «Наурыз» -Құрмаш Шыңғыс 6 «Б»

10. Қуандық Шанғытаев, «Наурыз» — Асылбек Айбек 7 «А»

11. Сақан Қадырбекұлы, «Наурыз» — Ален Мақпал 6 «А»

Бейнесюжеттерді көру үшін  төменгі сілтемелерді басыңыз:  

Наурыз мейрамы Концерт 1

Наурыз мейрамы Концерт 2

немесе осы беттің оң жағында орналасқан mektepKZ сілтемесін басыңыз.

Арнайы www.internetTV.kz үшін Болат Нәукенұлы.