Қазіргі ХХІ – ші ғасырда қалыптасқан аумалы-төкпелі заманда,

әсіресе 2022 жылғы «ҚАҢТАР қанды ҚЫРҒЫНЫ» қасіретінен кейін қалың ҚАЗАҚҚА да,

еліміздің БИЛІГІНЕ де, енді терең ОЙЛАНУ керек…

…Бүгінгі біздің Ел, құдды бір дәліз ашық қалған есігі

Жоғалған соң мүлде, ұлттың өзін-өзі сақтау тетігі

Ана тіл, салт-дәстүрін сыйламайтын, не  білмейтін

Билікте қаптаған соң пенделер миының бар кетігі…

…Тайсалмай жаудан бабалар, Руымен бірге у ішкен

Ұйысып Ауылға, бірігіп Руға, басын қосқан Алаштың

Сақтаған ол, ұрпақ үшін, салт-дәстүрін ұлтының

Шығарған ол, талай батыр,  Ел ағасы, Билерін…

БИЛІК не істеуі керек ?

ХАЛЫҚ не істеп, көмектесуі керек ?

«АЛАШ ҮНІ» Қоғамдық Бірлестіктер Одағы, төмендегі :

Еліміздің барлық аудандарында ТҰРАҚТЫ түрде ЖҰМЫС істейтін

«ӘСКЕРИ-ПАТРИОТТЫҚ ұлттық-спорт КЕШЕНДЕРІ» атты  ЖОБАНЫ ұсынады.

Бұл жобаға ҚР ҮКІМЕТІНІҢ барлық МИНИСТРЛІКТЕРІ қатысуы ТИІС.

ЖОБАНЫҢ негізгі КОНЦЕПЦИЯСЫ:

1.  ҮКІМЕТ шешімімен, әр ауданның территориясынан «ӘСКЕРИ-ПАТРИОТТЫҚ ұлттық-спорт КЕШЕНІНЕ»

қажетті жер телімі бөлінеді.

2.  ҚР Қорғаныс Министрлігі «ӘСКЕРИ-ПАТРИОТТЫҚ ұлттық-спорт КЕШЕНІ» базасында, 100 адамдық кавлерия эскадроны тұрақты тұратын

(МЕРГЕН-СНАЙПЕРЛЕР ондығы, АВТОМАТШЫЛАР ондығы, ПУЛЕМЕТШІЛЕР ондығы, СТРИНГЕРШІЛЕР ондығы, ЖЕВЕЛИНШІЛЕР ондығы, ЖЕҢІЛ МИНОМЕТШІЛЕР ондығы, ДРОН-КАМИКАДЗЕ операторлары ондығы, т.с.с. АРНАЙЫ ондықтары бар)

әскери бөлім құрып, жүйелі түрде халықты, әсіресе жастарды, жоғарыда көрсетілген АРНАЙЫ ОНДЫҚТАР мамандықтары бойынша, әскери дайындықтан өткізіп тұруы тиіс.

3.  ҚР ІІМ және ТЖМ  «ӘСКЕРИ-ПАТРИОТТЫҚ ұлттық-спорт КЕШЕНІ» базасында,

иісшіл иттерді өсіріп-тәрбиелейтін кинологтар бөлімшесін (жаудың техникасын жаруға қолдануға болатын)

құруы тиіс.

4. ҚР Ауыл шаруашылық министрлігі «ӘСКЕРИ-ПАТРИОТТЫҚ ұлттық-спорт КЕШЕНІ»

жұмысына керек жылқы, ит т.б. қажеттіліктерін қамтамасыз етуі тиіс.

5.  ҚР Мәдениет және спорт министрлігі «ӘСКЕРИ-ПАТРИОТТЫҚ ұлттық-спорт КЕШЕНІ» базасында,

кәсіби кокпаршылардың көмегімен мектеп-команда құрып, жастарды атқа қондырып,

батылды – қайратты болуға баулуы тиіс.

6. ҚР Білім және ғылым Министрлігі «ӘСКЕРИ-ПАТРИОТТЫҚ ұлттық-спорт КЕШЕНІ» базасында,

жазғы және қысқы каникул кезінде мектеп оқушылары мен студенттерге

ӘСКЕРИ және ұлттық спорт ЛАГЕРІН, демалыс күндері ЭКСКУРЦИЯ ұйымдастырып

жастарға патриоттық тәрбие беруі тиіс.

7. ҚР Қорғаныс Министрлігі, ҚР ІІМ және ТЖМ,              ҚР Ауыл шаруашылық министрлігі,

   ҚР Мәдениет және спорт министрлігі және жергілікті Аудан әкімшіліктері БІРІГІП,

ауданның әр бір елді-мекендерінде, республикалық БЮДЖЕТ қаржысымен,

ЖІГІТ АҒАЛАРЫ басқаратын КОКПАРШЫЛАР КОМАНДАСЫН құруды қамтамасыз етулері тиіс.

8. Осы ЖІГІТ АҒАЛАРЫ басқаратын КОКПАРШЫЛАР КОМАНДАЛАРЫ бейбіт өмірде,

қоғамдық тәртіпті сақтаға көмектессе, төтенше оқиға және соғыс жағдайында,

ЖІГІТ АҒАЛАРЫ бір сәтте ЖАСАҚ (дала) КОМАНДИРЛЕРІ болып ОТАНЫН қорғайды.

9. ҚР Мәдениет және спорт министрлігі, қаржыландыру жағынан «батыстық үлгідегі»

спорт түрлерінің көлеңкесінде қалып келе жатқан ұлттық спорт түрлерін дәріптеп, қолдау керек.

Мысалы, ХОККЕЙ, МӘНЕРЛЕП СЫРҒАНАУ т.с.с. спорт түрлеріне бөлінетін

қаражатты «ӘСКЕРИ-ПАТРИОТТЫҚ ұлттық-спорт КЕШЕНДЕРІН» дамытуға жұмсауы тиіс.

10. Жалпы барлық Министрліктер, Агенттіктер мен Комитеттер

«ӘСКЕРИ-ПАТРИОТТЫҚ ұлттық-спорт КЕШЕНІ» базасында,

өз салалары бойынша ағартушылық жұмысын жүргізуіне болады.

ЖОБАНЫҢ мультипликативті ЭФФЕКТІЛЕРІ:

1. «Ұрпағым атқа қонды» деп, бабалар аруағы разы болады.

… Бабалары «ат құлағында ойнамаған», дүние жүзіндегі ең дамыған мемлекеттерде,

күні бүгінге дейін бар  ( осы жерден оқыңыз ) ӘСКЕРИ КАВАЛЕРИЯ,

біздің «бабалары ат құлағында ойнаған» ҚАЗАҚСТАНДА да жаңғыратын болады.

2. Әр ауданда кұрылатын КАВАЛЕРИЯ ЭСКАДРОНЫ жастарды әскери қызмет пен ұлттық спорт

түрлеріне баулып қана қоймай, бейбіт күнде аудандандарда мал ұрлығына тосқауыл қойып,

қоғамдық тәртіп бұзылмауын қамтамасыз етеді.

3. Әр ауданның кәсіби кокпар командасының қалыптасуына әсер етіп, әр отбасында жастар жылқы т.б.

мал ұстауға ден қойып, жем-шөп өндіру де, мал шаруашылығы да дамыйды.

4. Ұлттық спорт түрлерінің  (кокпар т.б.) дамуы респулика көлемінде күрт өсіп, әлемдік аренаға шығады.

5. Өзге де эффектілері көп болады…

Бәріміздің де жауап берер кезіміз келді:

Ұлт болып қаламыз ба?  Жоқ па?

«Отбасы – жеке қазақ» деңгейлеріне дейін ыдыраған бүгінгі ҚАЗАҚ ҚОҒАМЫ, ұрпағына толыққанды

ұлттық тәрбие бере алмайтын жағдайда отыр.

Бізге қақтығыстар мен төңкерістер керек емес. Бізге ештеңені бүлдірудің де, сындырудың да,

өзгелерге жалтақтап-еліктеудің де қажеті жоқ…

Бізге керегі – ұлтымыздың тарихын зерделеу арқылы, Қазақ Елі азаматтық қоғамының алтын

діңгегі болатын, қазіргі заман талаптарына лайық, еліміздің заңдарына сай,

біртұтас халқымыздың әлеуетін мемлекеттілігіміз бен азаматтық қоғамымызды

дамытуға бағыттай алатын негізді табу.

Ал ең тұрақты негіз, жауапкершілік һәм тәрбиелік орта, ол — елді мекен, АУЫЛ.

…әлімсақтан қазақ санасында, АУЫЛ деген ұғым өте киелі. Ел-жұрт топтасып қоныстанған елді мекен,

үлкен-кішілігіне қарамай,  АУЫЛ  деп аталып, ол жерде ұлттық ТӘРБИЕЛІК  және  ЖАУАПКЕРШІЛІК  ОРТА

қалыптасып,  ұрпақ тәрбиесі дұрыс жүйелі жолға қойылған еді. Бұл ортадан тәрбиелі, қарапайым еңбекқор

қазақтармен қатар ұлтының мақтанышы болған, АУЫЛДАСТАРЫНЫҢ алдындағы жауапкершілікті

жан-тәнімен сезінген, жігіт ағалары, ауыл ағалары, ауыл ақсақалдары, Ел ағалары, ақын-жыраулар,

батырлар, әмбебаб-ұсталар, ғұлама билер үздіксіз шығып отырған…

ТОЛЫҒЫМЕН ОҚУ:

http://internettv.kz/?p=2830

 

ҚАЗАҚ ҰЛТЫНЫҢ, ҚАЗАҚ ЕЛІНІҢ  нақты іс — жүзіндегі РУХАНИ ЖАҢҒЫРУЫ

Қанат Ислам сынды азаматтардың

СЕРІКЖАН БІЛӘШҰЛЫ басқаратын «АТАЖҰРТ ЕРІКТІЛЕРІ» сияқты

АЗАМАТТЫҚ ҚОҒАМДЫ қалыптастыратын қоғамдық бірлестіктерді ҚОЛДАУЫНАН басталады !!!

ҚАНАТ ИСЛАМ: «…мен Қытайдағы және Қазақстандағы қазақтардың көпшілігінің бір — бірінен айырмашылығы жоқ, тең екенін көрдім. Сол Қытайдағы қорқақ қазақ, бұл жердегі қорқақ қазақ. Білмеймін неден жасқанатынын. Неге бірін — бірі жек көретінін, неге бірін — бірі жақсы көрмейтінін түсінбеймін…

Құлдық сана — сезім қазақтын қанына өтіп кеткен сияқты. Бұрынғы батыр ата-бабаларымыздың басы кесілгеннен кейін, бізді бойында қазақтың қаны жоқ, тексіз шаталар басқарған сияқты…»

ҰЛТ МҰҢЫ

Толығымен оқу:

 

Қазақ Елі, 14 қаңтар 2019 жыл

     Өміріміздің әр сәтінде, Баршамыздың Ойымызға да,

Сөзімізге де, Ісімізге де Тәңіріміз разы болсын!

2019 жылдың тамыз айында –  Қазақ халқының ұлт-азаттығы, мемлекеттік тәуелсіздігі үшін күресіп 1970-1990 жылдар аралығында үш мәрте бас бостандығынан айырылған белгілі саяси қайраткер, композитор, ҚР Жазушылар одағының мүшесі, тарих, музыка, филология зерттеушісі, профессор, «Желтоқсан», «Азат» ұлттық қоғамдық ұйымларының басшысы Қожа-Ахмет Хасен Кәрімжанұлы (Қожа-Түрк) 70 жасқа келеді. Оның есімі 1977 жылы Хельсинкидегі Дүниежүзілік саяси тұтқындар тізіміне жазылып, шетелдерде де белгілі болған еді.

Тарих ғылымдарының докторы Қамбар Атабаев «Туын жықпай алаштың» атты деректанулық зерттеуінде Х.Қожа-Ахметтің 1970 жылдарда жазған еңбектері туралы былай деген еді: «Ұзын-ырғасы 260 жылдық тарихы бар тәуелсіздік жолындағы күрестің өзіндік ерекшеліктері бар үлкен бір кезеңі замандасымыз Хасен Кәрімжанұлы Қожа-Ахметтің атымен тікелей байланысты. Хасеннің 1972-1976 жылдар арасында жазған еңбектері мен сол еңбектердің негізінде пайда болған соттың «Айыптау қорытындысын» дерек көздері ретінде алып отырмыз…

Хасеннің жүз пайыз шындықты айтқанына бүгін ешкім күмән келтіре алмайды. Мысалы, бір ғана Қазақстанның Ресейге қосылуының 250 жылдығына арналып ондаған кандидаттық және докторлық диссертациялар қорғалды. Талайлар ғылыми атақ-дәрежеге ие болды.

Бірақ, уақыт шындықты тарихшы ғалымдардың емес, Х.Қожа-Ахметтің жазғандығын толығымен дәлелдеп берді. Тек, Хасен ғылыми емес, «аса қауіпті мемлекеттік қылмыскер»–деген атақ алып түрмеге түсті. Бүгінгі күні кәсіпқой тарихшылардың бәрі дерлік Қазақстанның Ресейге өз еркімен қосылмағандығын айтып, оған дәлелдер келтіруде. Тек, сол шындықты бұдан 40 жыл бұрын, яғни коммунистік партияның қылышынан қан тамып тұрған кезінде Хасеннің айтқандығын естен шығарып жүр.

Х.Қожа-Ахметтің күресін, көп жағынан, XX ғ. басындағы қазақ зиялыларының күресіне ұқсас деп айтуға болады. Хасенді де кеңестер түрмесі мойыта алған жоқ. Түрмеде отырып та, одан кейін де жазған саяси мазмұндағы өлеңдері, ертегілері, мақалалары Хасеннің алған бағытынан таймағандығын көрсетеді.

Алаш көсемдерінің терең энциклопедиялық білімнің, сан-салалы өнердің иелері екендігі баршаға аян шындық болса, Х.Қожа-Ахметтің жариялаған еңбектері де оның қоғам даму зандылықтарын, тарихты жақсы білетін саясаткер, сазгер, суретші, ақын, журналист және жазушы екендігін көрсетеді.

Дегенмен, Х.Қожа-Ахметтің күресінің өзіндік ерекшеліктері де бар. Біріншіден, қазақ зиялылары өз күрестерін Хасенге қарағанда әлдеқайда демократиялық жағдайда жүргізді. Бұл жағынан келгенде олар Хасеннен әлдеқайда «бақытты» еді. Олардың кейбірі мемлекеттік Думаға мүше болып өте алды, ұлттық бағыттағы бейресми газет, журналдар шығарды. Екіншіден, негізінен XIX ғасырдың соңы мен XX ғасырдың басында саяси күрескер ретінде қалыптасқан қазақ зиялылары күреске, яғни тарих сахнасына топтасып бірге шықты.

Ал, Хасен өзінің күресін елімізде кеңес өкіметінің зорлықпен орнағанына 55 жыл өткеннен кейін, ел толығымен «жаңарғанда», партияның ақылға сыймайтын шешімдерін асыра орындауға «Әр қашанда дайын» тұрған қазақ оқығандарының жаңа ұрпағының ортасында жүргізуіне тура келді.

Ол өзінің Кеңес өкіметіне қарсы бағытталған үнпарақтарын «Жас Қазақ» ұйымы атынан көрсетіп, өз күресіне топтасқандық сипат бергісі келгенімен, ондай ұйым құру ол кезеңде еш мүмкін емес еді. Сондықтан Х.Қожа-Ахмет, іс жүзінде отаршылдықпен жалғыз күресті.

Дегенмен, мұндай ерекшеліктеріне қарамастан Хасен күресін Алаш ардагерлері күресінің жалғасы ретінде қарап, XX ғасыр басында Алаш көсемдері көтерген күрес туын Хасен «Желтоқсанға» жеткізе білді – деп айта аламыз» («Ақиқат» журналы, 2002 ж. №7.).

Мемлекеттік кауіпсіздік комитеті (КГБ) полковнигі Тәңірберген Бекімовтің 1986 ж. Желтоқсан көтеріліс туралы 1993 ж. ҚР Конституциялық сотына арызынан: «Маған Қазақ теле-радиосының редакторы, композитор Қожахметов Хасеннің үстінен  даттау материалдарын жинақтау тапсырылды. Мен архивтен оның үстінен 1977 жылы жүргізілген 6 томдық «қылмыстық іспен» мұқият таныстым. Х.Қожахметов – соңғы 20 жыл ішінде ұлтшылдық, антиорыстық, антиимпериалистік көзқарасы үшін сотталған жалғыз қазақ азаматы екен. Оны қайтадан қамалудан алып қалу үшін мен: «Қожахметов Желтоқсан оқиғасына қатыспаған» деп штабқа есеп жазып бердім. Бұған қанағаттанбаған басшыларымыз бұл істі қайтадан тексертіп, Қожахметовтың «қылмысын дәлелдеп», ол 4 жылға сотталды. Ал мен болсам қызметтен алындым» — деп жазады.

Хасен Қожа-Ахметтің мерейлі жасқа келуіне орай, оның «Зұлымдық империясымен» жекпе-жек» атты жинағынан 1970 жылдары Ресей-КСРО-ның отаршыл-тоталитарлық саясатын әшкерелеп, қазақ елін азаттық күресіне шақырған шығармаларының бірқатарын жұртшылық назарына ұсынамыз.

ОЯН, ҚАЗАҚ! ОЯН, ЕЛІМ!

Өзіңді намысы бар азамат деп санасаң, ойланатын уақытың жетті, бауырлар. Туған жер тоналуда. Ана тіліміз, мәдениетіміз үмытылуда. Орыс шовинистерінің осы саясаты өзгермесе, қазақ ұлтының жер бетінен жойылар уақыты да алыс емес. Тарихтың бұл тәлкегінен тек күресу арқылы аман қалуға болады. Отанымыздың тәуелсіздігі үшін, Қазақ елін жойылудан сақтау үшін біз, қазақ елінің азаматтары, орыс отаршыларына мынадай талаптар қоямыз:

1. Бір ұлтқа табындыру, орыстандыру саясаты тоқтатылсын!

2. Орыстарды қазақ жеріне қаптатып қоныстандыру тоқтатылсын!

3. Қазақстандағы барлық оқу орындары, мекемелер ұлттық тілімізде болсын.

4. Ядролық қарулар сынап, химикат «тыңайтқыштармен» улап, қазақ жерін шөлге айналдыру тоқтатылсын!

5. Қазақ жастарына зорлықпен қой бақтыру тоқтатылсын!

6. Ұлт азаттығы үшін күрескен саяси тұтқындар
түрмелерден босатылсын!

1. СССР Конституциясының 125-бабында айтылған: сез бостандығы, баспасөз бостандығы, жиналыс жасау бостандығы, т.б.  праволар іске асырылсын!
2. .Шетелдердегі қазақтарға және Түркістандық басқа да ұлттарға Отанына қайтуға рұқсат берілсін. Олар қудаланбасын!
3. Қазақстаннан тоналып Россияға жөнелтілетін бар-
   лық заттарға шек қойылсын (мұнайға, етке, астыққа,
   т.б.).
4. 10.  Орыстар өз Конституциясындағы «Әрбір Одақтас
   Республиканың СССР-ден еркін бөліну правосы сақта-
   лынады»  делінген 17-бабын естерінде сақтасын.

Ұлт бостандығы жасасын! Біз жеңіске сенеміз!   (1972 ж.)

——————————————————————————-

                                                           M A C A

Қан құмар сары масадай,

Отарын сорады Россия.

Соруын орыс қояр, — деп,

Қанға да бір күн тояр, — деп,

Көніп келдік бас ие…

Соруын орыс қоймайды,

Шапалақ жемей тоймайды!

 1972 ж.)

                                          ХАЛҚЫМА

Тыңда, саған айтамын мен сырымды,

Қазақ болсаң ұғарсың бұл мұңымды.

Егер сөзім тебірентсе жүрегіңді,

Өздеріңнен табармын тірегімді.

Жатсам-тұрсам санамнан шықпайтын ой –

Халқым, сенің ертеңгі тағдырың ғой!

Ежелгі жау ел болмас» деген мақал,

Тура екен бабалар айтқан нақыл:

Көзіңді ашшы, қарашы айналаңа,

Шаңы шығып, шөл болған ен далаңа.

Ақан сері, Біржан сал жырлап өткен,

Осындай ма ед жеріміз мақтан еткен?!

Жеріміз көп, өзіміз аз ел едік,

Басындырып жат жұртты, таяқ жедік.

Неше мың жыл бабалар сақтап келген,

Енді айрылдық Отаннан, Ана тілден.

Өз тілімде сөйлесем – мазақ қылад,

Қалай енді жойылмай қазақ қалад?!

«Барлық ұлт – тең!» айтары, арам іші,

Алдау, қыру – орыстың ежелгі ісі.

Миллиардтап жыл сайын берем астық,

Сонда дағы істері бізге қастық…

Санап бәрін айтуға ауыз бармайд,

Ілияс, Сәкендердей атып-қамайд.

Не айтамыз кейінгі біз ұрпаққа,

«Қазақ деген ел қайда?» деген сұраққа.

Жойылмасын десеңдер біздің халық,

Басты қосып, біз де бір іс қылалық.

Талай батыр тудырған ел емес пе ең?!

Жау жылаған қазақпен ерегіскен.

«Қырық күн сынбай, бір күнде сынар шөлмек»,

Шыдап болдым, ендігі ой – шайқасып өлмек!

(1972 ж.)

                                                                            ТОНАУ

Завод салды, жол салды,

Россия қолын мол салды.

Астық, мұнай, кенді алды,

Тоналмай, қазақ нең қалды?

                              (1972 ж.)

Хасен Қожа-Ахмет

1. Хасен Қожа-Ахмет: «Өзі сайлаған» президентке, депутатқа импичмент жасай алмайтын халық – тормозы да, рулі де істемейтін көліктегі бейшарадай…»

http://internettv.kz/?page_id=5013

2. ХАСЕН ҚОЖА-АХМЕТТІҢ, ата-бабалар үнімен үйлесімді байланыс орнатқан, ФИЛОГЕНЕТИКАЛЫҚ ЖАДЫ ЖАЗДЫРҒАН КІТАПТАР

http://internettv.kz/?p=4883

 

Қазақ Елі, 5 мамыр 2016 жыл

2011 жылы 20 қазанда zonakz.net сайтында жарияланған

«Қазақтың 200 қаласы» атты

ұлттық Жоба керек !!!

Қазақ Елінің тарихи-географиялық ерекшеліктеріне сай келетін урбанизация үрдістерін жүргізе отырып, ұлттық экономикамыздың табиғи даму мүмкіндіктерін әлі толық игеру үшін: 

бірінші кезекте, халқымыздың бүгінгі-ертеңгі несібесін опыра жеп жатқан, көп шығынды-үлкен қалаларды ұлғайтуды тоқтатып, Елдің бар қаражаты мен мүмкіндіктерін – барлық аудан орталықтарын тікелей Үкіметке бағынышты индустриалды кіші қалаларға айналдыруға бағыттайтын Заңдар қабылдау керек;

екінші кезекте, тұрғындар саны 5 мыңнан асатын елді-мекендерге қала статусын, тұрғындар саны 1 мыңнан асатын елді-мекендерге қала типті ауыл статусын беруді және оларда осы заманға сай инфраструктуралар мен ұқсатушы кәсіпорындар салуды көздеген бас жоспарлары бекітілген, ғылыми негізделген нағыз урбанизациялық жобаларды орындау үшін арнайы мемлекеттік бағдарлама қабылдануы тиіс.

Адамзат бар кезде, ұдайы сұранысқа ие экологиялық таза азық-түлік өндіру, Қазақ Елінің экономикалық стратегиясының негізі болуы тиіс.

Біз – қоғамымыздың кез-келген саласындағы ғылыми-техникалық прогресске қарсы емеспіз, бірақ – ұлттық экономикамыздың негізі, алтын қазығы – ата кәсібіміз – мал шаруашылығы мен егіншілік екенін мойындап, ауыл шаруашылығының осы салаларында, ата-бабаларымыздың ғасырлар сынағынан өткен технологияларын қолданып, экологиялық таза, әрі жоғары сапалы өнім өндіруде әлемдік ең соны техника – жабдықтарын пайдаланып, дүниежүзілік бәсекелестікке төтеп беретін ұлттық өнімдерді жаңғыртып, оларды әлемдік экспортқа шығаруға мүмкіндік беретін нақты және тиімді жолдарды ұсынамыз:

– Қазақ Елінің кез келген азаматы өз туған жерін-Ауылын мәңгілік отаным деп тануы үшін, ұрпағының ертеңгі күніне сенімді болуы үшін, қай уақытта болмасын өз ауылының экономикасына үлес қосуға мүмкіндігі болуы үшін, Жерге тек қана мемлекеттік меншік орнату арқылы әр бір елді-мекен төңірегіндегі ЖЕР және СУ ресурстары осы Ауылдың қазіргі және болашақ тұрғындарының ортақ байлығы саналып, оларды пайдалану тек қана ұзақ мерізімді жалға беру арқылы жүргізілуі тиіс;

– Еліміздегі 200 аса аудан орталықтарын, сол төңіректегі елді-мекен тұрғындарының мәдени-рухани-ғылыми-технократтық мұқтаждықтарын өтейтін және олардың өндірген ауыл шаруашылық өнімдерін кешенді түрде ұқсатып, бірден экспортқа шығара алатын технопарктерге айналдыру үшін, ҮКІМЕТ әр ауданның ДАМУ ҚОРЫ-ның құрылуына ықпал етіп, оған әр-бір елді мекеннің көп салалы «Ұждан» мәдени ағарту Клубтары жетекшілерінен құрылған БИЛЕР КЕҢЕСІ қоғамдық бақылау жасап, Қорға жыл сайын ең болмаса 1(бір) млн.евро бөліп тұрса, бірер жылдан соң аудандық ДАМУ ҚОРЫ-ның өндіруші салаға жұмсаған қаржысы бірнеше есе болып қайтып, Халықты жұмыспен қамтамасыз ету, иммиграция, демография т.б. мәселелер кешенді түрде шешілер еді.

Осындай жолдармен, Еліміздің табиғи даму ресурстарын толық игеріп байыған, соның арқасында өсіп-өніп, оқып-тоқыған, Еліміздің түпкір-түпкірінде пайда болатын 200 аса халықтың өмір сүруіне ыңғайлы кіші-қалаларда одан әрі өз ақыл-ойын-қайратын қолдануға мүмкіндік таппай, қолы босайтын болашақ ұрпақ – сол кезде ғана үлкен қалаларға барып, бәсекеге қабілетті зерделік және өндірістік өнім шығарып, өзін ақтайтын мегаполистерді дамыту міндетін – өз еншісіне алуы керек

ТОЛЫҒЫМЕН ОҚУ: http://internettv.kz/?p=2830

Күн сайын күрделеніп бара жатқан 
САЯСИ — ЭКОНОМИКАЛЫҚ ДАҒДАРЫСТАН ШЫҒУҒА
үкіметтің шын «ниеті болса» 
ЗАҢ мен ХАЛЫҚ ТАРАПЫНАН ЕШ КЕДЕРГІ ЖОҚ !!!

 

Қазақ Елі, 11 сәуір 2016 жыл

Егер алтын уақыттарын  өзге тілдерді жаттауға емес,

 білім алуға жұмсаған болса,

төмендегі нәтиже бұдан да жоғары болар еді-ау… 

ҚАЗАҚ ҰЛТЫНЫҢ БОЛАШАҒЫ — АНА ТІЛІНДЕ !!!

немесе

ҚАЗАҚ ТІЛІНЕ СҰРАНЫС — осы тілде  БІЛІМ алуға МҮМКІНДІК көп БОЛҒАНДА ғана болады!!!

Мемлекеттік қазақ тілінің мәртебесін және оның қолдану аясын кеңейту үшін:

БІРІНШІ КЕЗЕКТЕ, мемлекеттік 7 — аударма Ғылыми-Зерттеу Институтын (ҒЗИ) ашу дұрыс болар еді, деп ойлаймын.

1- АҒЫЛШЫН тілі ҒЗИ
2- ЖАПОН тілі ҒЗИ
3- ФРАНЦУЗ тілі ҒЗИ
4- ИСПАН тілі ҒЗИ
5- АРАБ тілі ҒЗИ
6- ҚЫТАЙ тілі ҒЗИ
7- НЕМІС тілі ҒЗИ

Бұл ҒЗИ — дың әр бірінде 500 немесе 1000-нан аса жоғары білікті аудармашы мамандар 1000 евро. жоғары жалақы алып істесе…

Осы аталған елдердің ( білім, ғылым, өндірістік технология, мәдениет т.с.с.) әр түрлі салаларының ең үздік оқулықтарын, тәжірибелерін, жаңалықтарын жүйелі түрде қазақ тіліне аударып отырса…

Және осының бәрін, жүйелі түрде, ғаламторға (интернетке) кіргізіп отырса…

Қазақтарға қажет кез-келген ақпаратты АНА ТІЛІНДЕ ғаламтордан алуға мүмкіндік жасалса…

Сол кезде қалада болсын, тіпті ең шалғай ауылда болсын (бала-бақшаларда, мектептерде, жоғары оқу орындарында, өндіріс орындарында, армияда, полицияда және ҒЗИ-да)

Миллиондаған ҚАЗАҚТАР өз АНА ТІЛІНДЕ,
қиналмай БІЛІМ АЛАР ЕДІ…

және

Бұл халыққа да, мемлекетке де
ҮНЕМДІ және ТИІМДІ болар еді-ау, ҚАНДАСТАР !!!

 

БҮГІНГІ «казахистандық» МӘҢГҮРТ БИЛІК

жасап жатқан білім беру саласындағы реформалары 

БҰЛ — ҰЛТҚА ТӨНГЕН ҮЛКЕН ҚАУІП!

 

ЕЛБАСЫҒА АШЫҚ ХАТ

Руза Бейсенбай Павлодар, Казахстан

ҚР президенті Н. Назарбаевқа

ҚР Білім және ғылым министрі Е. Сағадиевқа

Сенат және мәжіліс депутаттарына

БАҚ өкілдеріне

Білім жүйесі, Қазақ елінің мектеп жасындағы ұрпағына кезекті эксперимент жүргізбекші. Сорақысы осы жолғысы тіліміздің мүлде өшуіне (бұл ұлт өшуінің алғышарты екені сөзсіз) қойылған төте жол. Себебі мектептерде енді 2 пән ғана қазақша – Қазақстан тарихы және қазақ тілі, қалған барша жаратылыстану пәндері ағылшынша өтпек, орыс тілі және дүние жүзі тарихы орысша өтпек.

Бұл — ұлтқа деген қарусыз, аштықсыз, т.б. физикалық түрмен емес, бірақ нақтылы рухани геноцид деп бағалауға әбден болатын жаһандық шара. Өйткені барша мамандар, өте жуық болашақта (қазақ тілі мен Қазақстан тарихы мамандарынан басқалары) ағылшын тілді болмақ. Барлық ғылымның алғышарты жаратылыстану пәндері екені белгілі. Бұл қазақ тілі ғылымнан ығысады, алғашқыда қолдану аясы мүлде тарылып, соңынан тарих қойнауына кетеді деген сөз. Өйткені қоғамдағы қатынас — сол қоғамды құрап отырған мамандардың тілінде өтетіні анық.

Осы орайда, бұның ҚР конституциясына мүлдем қайшы екенін, және Елбасымыздың 2 жолдауын: (- 2012-жылғы:: «қазақ тілі 2025-жылға қарай өмірдің барлық саласында үстемдік етіп, кез келген ортада күнделікті қатынас тіліне айналады. Осылайша, тәуелсіздігіміз бүкіл ұлтты ұйыстыратын ең басты құндылығымыз – туған тіліміздің мерейін үстем ете түседі. Тілге деген көзқарас шындап келгенде елге деген көзқарас екені даусыз.

Сондықтан оған бей-жай қарай алмаймыз», — 2014-жылғы: «Қазақ тілі ғылым мен білімнің, интернеттің тіліне айналды. Енді ешкім өзгерте алмайтын бір ақиқат бар. Ана тіліміз Мәңгілік елімізбен бірге мәңгілік тіл болады»), еске сала отырып, ҚР барлық мектептердегі бастауыш сыныптардың мемлекеттік тілде болуын, орта мектептің 70 пайызынан кем емесі мемлекеттік, қалғаны сұраныс тілінде болуын талап етеміз.

Шетел тілдері: ағылшын, неміс, т.б. тілдер пән ретінде, қажеттілік бойынша, гуманитарлық және жаратылыстану бағыттары бойынша оқытылсын. Қазақ тіліне, әдейі, үркіту пиғылмен жасалып отырған қастандық — халықаралық терминдерді қазақылау доғарылсын.

Өйткені әр дамыған толыққанды өмір сүре алатын тілдер – жүмыс тілі, яғни заманауи техника мен технологиялар тілі, – бұндай тілдердің белгілі құрамы, бұл көп болуы да мүмкін, халықаралық терминдегі кірме сөздер.

Тек осы жолмен жүрсек қана, тарихта, өз ұлтын тілі арқылы жойған мемлекет ретінде қалмайтынымызға, керісінше ұлтымыздың алдындағы парызымызды әр азамат сезініп, дамыған мемлекеттердің ортасынан орнымызды ойып орнығатынымызға сенімдіміз.

1 Бейсенбай тегі Р.З. павлодар қ., телефон 8701-182-52-65

ПЕТИЦИЯҒА ҚОЛ ҚОЮ:

үшін мына сілтемеге кіріңіз:

https://www.change.org/p/%D2%9B%D1%80-%D0%BF%D1%80%D0%B5%D0%B7%D0%B8%D0%B4%D0%B5%D0%BD%D1%82%D1%96-%D0%BD-%D0%BD%D0%B0%D0%B7%D0%B0%D1%80%D0%B1%D0%B0%D0%B5%D0%B2%D2%9B%D0%B0-%D2%9B%D1%80-%D0%B1%D1%96%D0%BB%D1%96%D0%BC-%D0%B6%D3%99%D0%BD%D0%B5-%D2%93%D1%8B%D0%BB%D1%8B%D0%BC-%D0%BC%D0%B8%D0%BD%D0%B8%D1%81%D1%82%D1%80%D1%96-%D0%B5-%D1%81%D0%B0%D2%93%D0%B0%D0%B4%D0%B8%D0%B5%D0%B2%D2%9B%D0%B0-%D0%B1%D2%B1%D0%BB-%D2%B1%D0%BB%D1%82%D2%9B%D0%B0-%D1%82%D3%A9%D0%BD%D0%B3%D0%B5%D0%BD-%D2%AF%D0%BB%D0%BA%D0%B5%D0%BD-%D2%9B%D0%B0%D1%83%D1%96%D0%BF-%D0%B5%D0%BB%D0%B1%D0%B0%D1%81%D1%8B%D2%93%D0%B0-%D0%B0%D1%88%D1%8B%D2%9B-%D1%85%D0%B0%D1%82?recruiter=304447869&utm_source=share_petition&utm_medium=facebook&utm_campaign=share_page&utm_term=des-lg-share_petition-custom_msg

 

 

Қазақ Елі, 11 наурыз 2016 жыл

НАУРЫЗ ҚҰТТЫ БОЛСЫН,

ҚАНДАСТАР !!!

Тәңірдің ұл-қызы болып, еркін өмір сүрген, құлдық қамытын кимеген парасатты бабаларымыз қалыптастырып кеткен қазақтың үні мәңгі өшпесін, бауырлар…

Батыр бабаларымыздың аруағы әрдайым қолдап, жебеп
ҚАЗАҚ ЕЛІ МӘҢГІ ЖАСАЙ БЕРСІН !!!

Өміріміздің әр сәтінде, Баршамыздың Ойымызға да,

Сөзімізге де, Ісімізге де Тәңіріміз разы болсын!

Жоғарыдағы БЕЙНЕРОЛИК  ашылмаса осы тексті басыңыз

 

Қазақ Елі, 27 қараша 2015 жыл

2006 жылы Желтоқсан көтерілісінің 20-жылдығына орай «Аллажар-Қолдау» қоғамдық қоры,  Желтоқсан көтерілісінің 20 жылдығына арналған мерейтойлық іс-шараларды өткізу жөніндегі Мемлекеттік комиссиясына «АЛЛАЖАР» фильмін Республика көлемінде халыққа көрсету керектігі жөнінде хат жазған едік.

Алайда, бұл Мемлекеттік комиссияның ( төрағасы Оралбай Абдікаримов) күші «фильмнің 16 көшірмесі жасалып, облыс орталықтарына таратылсын» деген тапсырмаға ғана жеткен еді. Ол тапсырманың өзі қалай, қай деңгейде орындалғаны белгісіз. Алматы қаласына фильмнің көшірмесі берілген жоқ.

«Аллажар-Қолдау» қоғамдық қоры Алматы қаласындағы «Кино Үйі» залын жалға алып, фильмнің режиссері Қалдыбай Әбеновпен байланысып, оның жеке архивіндегі таспаларды қолданып, қала тұрғындарына 24 мәрте көрсетті.

«АЛЛАЖАР» фильмін түсіру 1988 жылы басталып, 1996 жылы аяқталған. Сол жылы Алматы қаласындағы «Арман» кинотеатрында тұсаукесер көрсетілімі болған. Бірақ әр түрлі себептермен кең прокатқа шықпай жатып қалған фильм еді.

Біздің ұлт үшін бұл фильмде айтылған ОЙЛАР әлі күнге дейін ӨЗЕКТІ болып тұр…

Мысалы, мына төменде ұсынылып отырған эпизодта,  Кеңес Одағын күйрету жолында мүдделері уақытша тоғысқан Әлемдік Басым Күштерді басқаратын ұлт өкілінің - қазақ ұлтының өкіліне  айтқан ақылы:

«… БИЛІККЕ ЖЕТУ ҮШІН КҮРЕСПЕУ КЕРЕК,

БИЛІККЕ ТҰРАҚТЫ ЫҚПАЛ ЕТЕ АЛАТЫН

ОРТА (қоғам) ҚҰРУ  ҮШІН КҮРЕСУ КЕРЕК !!!… «

1.  «АЛЛАЖАР» фильмін толығымен көру

2.   ҚАЗАҚ, бай-қуатты болуы үшін, НЕ ІСТЕУІ КЕРЕК ?

Қазақ Елі, 25 желтоқсан 2012 жыл

2012 жылы 12 желтоқсан күні Алматы қаласы әкімі Ахметжан Есімов, «Тәуелсіздік күні» ұлттық мерекесі қарсаңында, қаланың бір топ қоғам белсенділеріне «Қазақстанға еңбегі сіңген қайраткер» атағын табыстады.

Олардың ішінде Махамбет сыйлығының иегері, медицина және педагогика ғылымдарының докторы, профессор, «Алаш үні» қоғамдық бірлестіктер Одағының құрметті төрағасы, жазушы Совет-Хан Ғаббасовта атағын алып, осы шараға қатысушыларға батасын берді.

Бейнесюжеттерді көру үшін төмендегі сілтемелерді басыңыз:

Совет Хан Ғаббасов: «12. 12. 12. ТӘН билігінен, ЖАН билігіне көшетін заман басталған күн»

Хайрулла Ғабжалилов «Тәуелсіздік күні» ұлттық мерекесі жайында

Марат Бөтеев «Тәуелсіздік күні» ұлттық мереке жайында 16 12 12

Парасатты бабалар үнін бүгінгі ұрпаққа жеткізген профессор Совет-Хан Ғаббасов жайлы

… Біліп сөйле, сөзіңде сөл, өң болсын

Сөзің түпсіз қараңғыға көз болсын…

- деп осыдан 10 ғасыр бұрын, ғұлама Жүсіп Баласағұн ой тастаса…

…Затшылдық көзді байлады,

Адастырып айдады.

ЖАН билемей, ТӘН билеп,
Адамның соры қайнады…
деп, батысқа еліктеген бауырларымыздың өзге тілде ойлап, өзге дыбысқа толғанып, өзгенің сырын түйсігіне түйіп, ұлттық болмысы өзгеріп, материалистік көзқарасқа негізделген коммунистік идеологияның құлдарына айналатынын ерте байқаған Шәкәрім ғұлама осылай 100 жыл бұрын күңіренсе…

Біздің заманымыздың ғұламасы профессор Совет-Хан Ғаббасов «Еуропацентристік методология — апат!»- деп шырылдап, өткен ұлт ғұлама-ойшылдарының ісін жалғастырып, ұлттық тәрбиенің қыр-сырын зерттеп, жинақтап, бүгінгі ұрпақтың қолына «Адам тәрбиесінің жаңа ілімі» атты еңбегін ұстатып отыр.

Жалпы Ұлттық Мәдени Ағарту Қозғалысындағы ұстазым

«Алаш үні» қоғамдық бірлестіктер Одағының төрағасы

Совет-Хан Ғаббасовтың «Ұрпақ тәрбиесінің жаңа ілімі» атты

кітабының баспадан шығу қуанышына  арналады

Адам тәрбиесінің жаңа ілімі

Ұрпағым тәрбиелі, дені сау, алғыр болсын десеңіз,

Ілімді, ұлттық тәрбие негізіне сүйенген, санаңызға іліңіз

Бірінің міндетін біріне, жүктеуге әсте болмайтын,

Совет-Хан Ғаббасов зерттеген, жеті кезең тізбегінен өтіңіз

Текті құда тапқанға, разы болып ата-анаңыз,

Ұлт дәстүрін ұстанып, отбасын құрған болсаңыз

Ілімді зерделеп жұбыңызбен, арман етіп нәтижесін,

Талаптарын , орындауды мұқият, мойныңызға алыңыз

Жібімеген тоң жерге, әлсіз-ауыру дән ексек,

Ешқашан бітік шықпас мол өнім, кесек-кесек

Ертерек ойлау керек, сондықтан, тазалығын ұрықтың,

Ұрпағымыз уланбай, мыйы толық, ақылды болсын десек

Сіз, ол үшін, салауатты өмір салтын сүйіңіз,

Шаттық пен жақсылыққа толып, көңіл-күйіңіз

Өзгерісті бастаңыз, сәби сүю ойыңыздан көп бұрын,

Ішімдікті тыйып мүлде, тек табиғи таза ас-су ішіңіз

Ана құрсағындағы тоғыз ай, тәрбиенің екінші кезеңі,

Қайталап бар тіршілік ғұмырын, қаланар тәрбие-білім негізі

Ой толғап сыбыс пен дыбысқа, үн жинаған тынысқа,

Нәресте келер өмірге, толысқан түйсік-сезімі

Айқаймен бастайды үшінші кезеңді, бар адамзат баласы,

Жүрек тербер үнімен анасының, оянып оның санасы

Қауызына тарының, сыйдырған он сегіз мың ғаламды,

Құдіретімен Алланың, адамның ғана, бұған келген шамасы

Тәрбиенің мұнан соң, келер балбөбек атты кезеңі,

Бесік жыры кіріп құлақтан, толығар сана-сезімі

Уызында қанып ана сүтіне, ұлттық рух қонар бойына,

Мейірімімен ата-әженің, аялаған, қалыптасар оның мінезі

Өмірдің ең тәтті кезі, сірә, сәбилік кезең болар,

Сағынышпен жырлап өткен, талай сазгер-ақындар

Тәрбие-білімді ойнап жүріп сімірген, қызықты шақ,

Ақыл тәрбиесінің негізі, бала сөз ұққан соң, қаланар

Балиғат кезеңінде, махаббат сезімі бүршік атар,

Бір арнада, тербетіп екі жасты, жүрек қағар

Сездіріп келгенін, балалықпен қоштасар шақ,

Әбден қайнап, ұлттық тәрбие көрігінде, адам болар

Ұрпағына әу-бастан, он үшінде отау иесі,

Деп айтатын әрдайым, бабалардың жұғып киесі

Жастықтың оты жалындап, жас жүректе жанған шақ,

Басталады өмірдің, кәмелеттік кезең атты белесі

Ілімді меңгерсеңіз, ыждахатпен, бір күн тынбай,

Ретімен орындалса, жеті кезең талаптары ойдағыдай

Жанының он екі арнасы ашық азаматпен, ұлт толығар,

Ойы мен оның әр ісіне, разы болар ылғи, құдай

Алматы облысы, Қырғауылды ауылы.

25 желтоқсан 2012 жыл

Болат Нәукенұлы Бөтеев.

]]> https://internettv.kz/?feed=rss2&p=4454 0 http://creativecommons.org/licenses/by-nd/3.0/ https://internettv.kz/?p=4249 https://internettv.kz/?p=4249#comments Fri, 06 Jan 2012 09:30:34 +0000 admin http://internettv.kz/?p=4249

Арнайы www.internettv.kz үшін Болат Нәукенұлы.

Қазақ Елі, 6 қаңтар 2012 жыл

2011 жылдың 24 желтоқсаны күні, Халықаралық Клубтар ассоциациясының мүшесі, Алматы қаласындағы «БАЛАУСА» көркем гимнастика мектебінің Біріншілігі болып өтті.

Аталмыш жарыста «Алғашқы старт» бағдарламасы бойынша, 7-жасқа дейінгі бүлдіршіндер ішінен, тренер Гүлнұр Тасболатқызының тәлімгерлері жақсы нәтижелер көрсетті.

Бейнесюжеттерді көру үшін төмендегі сілтемелерді басыңыз:

Алуа Құрманғали (5 жас 10 ай)\»БАЛАУСА\» көркем гимнастика мектебі Біріншілігінің жеңімпазы

ЖАРЫСТАН ФОТОКӨРІНІСТЕР:

… осыдан 3-жылдай бұрын:

Алматы қаласының тұрғыны 2,5 жастағы АЛУА АЗАМАТҚЫЗЫ (Ысты руынан).2008 жылдың тамыз айы.

Сәбилер ӘНҰРАН айтуда, ендеше Қазақ Елі мәңгі жасайды

Еліміз бейбіт өмір сүруде, ешкім бізге соғыс жариялаған жоқ. 7 ай бойы еңбек дауының шешімін күткен бейбіт халыққа  оқ жаудырылып, қазақтың өрімдей жастары құрбан болды.

КІМ КІНӘЛІ?

Өлген қазақтар ма, әлде атқан қазақтар ма?

Жаңа өзендегі қанды қырғын

… БІР КҮН БҰРЫН …

15 желтоқсан 2011 жыл.
Тәуелсіз Қазақ Елі.
Жаңа өзен қаласы.

… бір күн бұрынғы Жаңалықтар …

Жаңа Өзендегі ЕРЕУІЛДІҢ бейнелі жылнамасы:

30.08.11. Ереуiл2011. Молодёжь Жанаозена. Наше будущее туманно!