Сүйінші!!! Ұлттық ойлау қабілетімізді жаңғыртуға ат салысатын тағы бір орталық ашылды. (фото-видео репортаж)

Арнайы www.internetTV.kz үшін Болат Нәукенұлы.
Қазақ Елі, 23 қаңтар 2010 жыл.

2010 жылы 18 қаңтар күні халықаралық «ҚАЗАҚСТАН-ZAMAN» газеті жанында, мәдени-ағарту бағытында қызмет атқаратын, зиялылардың «АЛДАСПАН» орталығының тұсаукесері болып өтті.

Казакстан-ZAMAN газеті редакциясында

«Алдаспан» орталығының жетекшісі болып «Қазақстан-ZAMAN» газетінің бас редакторы Ертай Айғалиұлы, үйлестірушілері болып «Аллажар-қолдау» қоғамдық қорының президенті Марат Бөтеев және «Қазақстан-ZAMAN» газетінің жорналшысы Мұхан Исахан сайланды.
Ал орталықтың Төбе Биі һәм ғылыми кеңесшісі болып, көпшіліктің бірауызды ұсынысымен, «Алаш үні» қоғамдық бірлестіктер Одағының төрағасы Совет-Хан Ғаббасов сайланды.

«Алдаспан» орталығында атқарылатын іс-шаралардың бағыттары:

- қоғамның барлық салалары бойынша пікірсайыс ұйымдастырып, соңынан қабылданған қарарды баспасөзде жариялап, мәселені халық пен билікке жеткізеді;
- тақырыптарды орталыққа мүше зиялылыр тыңдап, пікірсайыстар мен дөңгелек үстелдер айына екі мәрте өткізіліп тұрады;
- реформалық мәселелер немесе қаралып жатқан заңдар бойынша билік өкілдері мен сала мамандарын және зиялыларды пікірсайысқа қатыстырып, қабылданған шешімдерді тиісті органдарға жеткізіп отырады;
- ғылыми мәселелер бойынша да, ғалымдар мен зиялылардың дөңгелек үстелдерін өткізіп, жан-жақты үйлестірілген ортақ шешімдер қабылдайды;
- кейбір аймақтық көкейтесті мәселелер бойынша облыс, аудан орталықтарында жиындар өткізіп, билікке мәселелерді шешудің жолдарын ұсынады;
- қажетті жағдайларда шетелдер мен өңірлерге ғылыми экспедициялар ұйымдастырылып, қорытындысын баспасөзде жариялайды;
- науқандық мәселелер бойынша да билік пен оппозиция өкілдері және ұлт жанашырларының пікірсайысын ұйымдастырады;
- айына бір мәрте Қазақ Еліндегі этникааралық және конфессияаралық келісімді қалыптастыру үдерісіндегі көкейтесті мәселелерге дөңгелек үстел өткізіліп, қабылданған шешімдер тиісті органдарға хабарланып, баспасөзде жарияланады.

Бейнесюжеттерді көру үшін төмендегі сілтемелерді басыңыз: