Қазақ Елінің болашағы — ұлттық болмысы жаңғырған жас ұрпақтың қолында! (бейнесюжеттер)

Арнайы www.internetTV.kz үшін Болат Нәукенұлы.
Қазақ Елі, 24 қыркүйек 2009 жыл.

2009 жылдың 22 қыркүйегінде, Алматы қаласы Әл-Фараби атындағы №145 мектепте «Ана тілім — ардағым, адастырмас қазығым!» атты тақырыпта Қазақ Елі балалар басылымдары басшыларымен шығармашылық кездесу болып өтті.

Балалар басылымдары басшылары №145 мектепте. Алматы.

Кездесуге еліміздегі балалар басылымдарының басын қосқан «Жас өркен» ЖШС жетекшісінің орынбасары Дүйсен Мүсірәлі, «Балдырған» журналы редакторының орынбасары Болат Үсенбаев, «Ақ желкен» журналының редакторы Нұрғали Ораз, «Ұлан» газетінің редакторы Есей Жеңісұлы, Сүлеймен Демирел атындағы университеттің профессоры Мұхтархан Оразбай, мектеп ұстаздары мен оқушылары және ата-аналар қатысты.

Қонақтар, оқушылардың ұлттық ойлау қабілетінің қалыптасуына қазақ тілді балалар басылымдарының айрықша орын алатыны жөнінде мазмұнды әңгімелер айтып, мектеп ұжымына өз туындыларын сыйға тартты.
Өз кезегінде, оқушылар аталмыш басылым авторлары шығармаларынан шағын концерт берді.

Бейнесюжеттерді көру үшін төменгі сілтемелерді басыңыз:

145 мектеп қонақтары Қазақ тілді балалар басылымдары басшылары
Ғалым Мұхтархан Оразбай АНА ТІЛІ мерекесінде Алматы 145 мектеп
Болат Үсенбаев АНА ТІЛІ мерекесінде Алматы 145 мектеп
Дүйсен Мүсірәлі АНА ТІЛІ мерекесінде Алматы қаласы 145 мектеп
Есей Жеңісұлы АНА ТІЛІ мерекесінде Алматы қаласы 145 мектеп
Нұрғали Ораз АНА ТІЛІ мерекесінде Алматы қаласы 145 мектеп

The Қазақ Елінің болашағы — ұлттық болмысы жаңғырған жас ұрпақтың қолында! (бейнесюжеттер) by «ҚАЗАҚ ЕЛІ» халықтық бейнелі энциклопедиясы, unless otherwise expressly stated, is licensed under a Creative Commons Attribution-NoDerivs 3.0 Unported License.