Сенатор Ғарифолла Есім: Бастауыш мектепте тек қана мемлекеттік тілде білім беріп, 5-ші сыныптан бастап өзге тілдерді қоса оқыту керек! (бейнесюжеттер)

Арнайы www.internetTV.kz үшін Болат Нәукенұлы.
Қазақ Елі, 27 қыркүйек 2009 жыл.

Крылов атындағы балалар кітапханасында, Алматы қаласында өтіп жатқан «Мемлекеттік тіл мерекесі» апталығы аясында, мектеп оқушылары арасында «Біз — мемлекеттік тілде сөйлейміз!» атты тақырыпта конкурстар мен дебаттар өтуде.

Крылов атындагы балалар кітапханасы.

Мемлекеттік тіл жайлы дебаттан көрініс.

Дебатка катысушы топ.

Орыс тілді мектеп оқушыларының мемлекеттік-қазақ тілін меңгеру деңгейін өз көзіммен көріп, өз құлағыммен естігеннен кейін, ойға қалдым.
Бұл мерейтойды қай бетімізбен тойлаймыз?
«Мемлекеттік тілді дамытуға қосқан үлесі үшін» деп кімді марапаттаймыз?
Өзге тілді Қазақстан азаматтарын 3 жыл мемлекеттік бала-бақшада, 11 жыл мемлекеттік мектепте оқытып, мемлекеттік тілге үйрете алмайтын білім жүйесін бе? Әлде жыл сайын мектептерден мемлекеттік тілді меңгере алмай шығатын 100 мыңдай азаматты, 20 жыл бойы қыруар қаржы шығындап, мемлекеттік тілге үйрете алмай келе жатқан мемлекеттік шенеуніктерді ме? Әлде 16 миллион біртұтас халықтың ішінен мемлекеттік тілді білетін, ұлттық ойлау қабілеті жоғары, Еліміздің тарихын, салт-дәстүрін,әдет-ғұрпын, мәдениетін жақсы білетін тәрбиелі-білімді мың азаматты, Парламент пен Үкіметте жұмыс істеуге, іріктеп ала алмайтын азаматтық қоғамымызды ма?
Меніңше, мектеп бітіргеннен кейін азаматтарға тілді үйретуге ақша шығындау мүлде теріс жол. Ең дұрысы сенатор Ғарифолла Есім көтерген, бастауыш мектепте тек қана мемлекеттік тілде білім беріп, 5-ші сыныптан бастап өзге тілдерді қоса оқыту жобасына ғана мемлекеттік қаржыны шығындау керек және оны ертеңге қалдырмай бүгіннен бастау абзал.

Құрметті оқырмандар мен көрермендер, Сіздер қалай ойлайсыздар ?