Арнайы www.internetTV.kz үшін Болат Нәукенұлы.
Қазақ Елі, 23 сәуір 2013 жыл
ТИІМДІ — ҰСЫНЫС (РАЦПРЕДЛОЖЕНИЕ)
Алматы қаласында көлік қозғалысын жақсарту мен реттеу үшін соңғы жылдары біршама игі істер жасалуда.
Бірақ, сонда да таңертеңгі және кешкі уақыттарда қала тұрғындарының жұмысқа баруы мен қайтуы кезінде орын алып жүрген қала көшелеріндегі көлік кептелістері мәселесі әлі де шешіле қойған жоқ.
Осы мәселені шешуге біршама септігін тигізетін және ешқандай қаржы талап етпейтін
ТИІМДІ — ҰСЫНЫС:
Менің есептеуім бойынша Алматы қаласының мемлекеттік және жеке меншік ұйымдары мен мекемелерінде ауысымды жұмыс режимінде істейтін адамдар саны өте көп. (Сауда, құрылыс және басқа салалардағы күзет қызметтері, аурухана, интернаттар, қонақ үйлер, санаторийлер, әскер мен полициядағы ауысымды қызметтер, т.с.с.). Бұл жұмыстағылардың едәуір бөлігі қала маңынан өз көліктерімен қатынайды. Барлық ұйымдарда ауысым уақыты бірдей 8-00 немесе 9-00 сағат.
Егер, Алматы қаласы бойынша бұл адамдардың жұмыс ауысымы уақыты бірыңғай 12-00 сағатқа ауыстырылса, қала көшелерінде таңертеңгі уақытта көлік қозғалысы біршама реттеліп, әсіресе күні бүгінге дейін күздің қара суығы мен жаңбырында және қыстың ақ боранында бүрсеңдеп қала маңынан қатынап, ауысымды жұмыс режимінде істейтін он мыңдаған адамдардың жағдайы біраз жақсарар еді.
БҰЛ ҰСЫНЫСТЫҢ ТИІМДІЛІГІ:
1. Қала маңынан қатынап, ауысымды жұмыс режимінде істейтін он мыңдаған адамдардың, әсіресе бала-шағасына жөндеп тамақ берудің орнына таңертең жұмысқа асығып күйбеңдеген аналардың жағдайы жақсарып, жұмысқа барар күні мен жұмыстан қайтар күні де, бала-шағасымен араласуға уақыты көбейіп, ас-суын өз үйінде ішуге қол жеткізуімен қатар, билік пен азаматтық қоғам өкілдері бірлесіп істесе, қарапайым жұмыс адамдарының әлеуметтік мәселелерін шеше алатындығының дәлелі болар еді.
2. Ал кез келген мемлекеттік және жеке меншік ұйымдардағы ауысымды жұмыс режимінде еңбек ететіндердің өз өкілеттіктерін келесі ауысымға өткізіп беруі таңертеңгі қарбалас уақытта емес, әкімшілік пен структуралық бөлімшелер жетекшілерінің төрт көзі түгел болатын 12-00 сағатта болса, бұл жалпы еңбек тәртібінің күшейуіне әсер ететіні сөзсіз.
3. Ауысымды жұмыс режимінде істейтін он мыңдаған адамдардан босаған қоғамдық көліктегі орындарында, таңертеңгі уақытта жұмысқа баратын қала тұрғындарының және біршама босаған көшелерде еркін жүруге мүмкіндік алған автокөлік жүргізушілерінің жүйкелері тозбай, жұмыста да, үйде де көңіл-күйлері жоғары болады. Ал оның әсері мен пайдасы ұшан-теңіз екені баршамызға мәлім ғой…
Вниманию маслихата и акима г.Алматы!
(Переведено с қазақского)
(жалғасы..)
